Gewilde Bybelverse vanaf Mathiu 24

Deel

An mero in ka tehwaga tat teribor nolkeikeian te neremim rapus terepesuas. Mero ierem terail tumutum le naunin kapos miuh in.

An nakaran uk te niko tepausito in le ten min petum to hninatinan to neremim petum, an loanian ka naunin terepua.

An tenepairo neluakenan mene nakaran te neluakenan, tenakamaihmena mama tenesariginan; mero in ka nar min uk terakeikei mua, mero resolan moma naunin nian.

Mero in ka nahuto mil tepiaho ilau min, an niko mil tepiaho ilau min, an noumus terapavan mene mig le ten nevin. Mero naremnar min uk nerwowunan nahmean.

Neai ne ten tikiaka mero nakaran tahak teresikean.

Mero in ka neremim ribor teparua le netigok mamani, Io Kristo, an takareuhiatin neremim ribor.

Loanian ka tepauraipen kamiar le nahmean, an teparhwapnin kamiar, an neremim petum tepaimakin kamiar mero in ka netigok. Loanian ka neremim ribor tepaipitetel, an ker terepaurai ker, an ker terepomakin ker. An neremim ribor tepareiwa mama ilar profeta min, an tepareuhiatin neremim ribor.

An Iesu neteraram menipen to ilar, Tenakamaihmena moma ieremim ker tereseuhiatinan kamiar.

Mero in uk kamiar mun tenakamarit, mero in ka nian ker nekimiar reshoan Neri Ieremim terepua.

Arit; mero in ka nakatiktik nian Ieremera temiar terua lan.

An ieremim ker reshinatinan nian ka mene aur ka, mene nagelo min le neai mene Nerin, mero in am Remin.

Mero in ka neremim tepairmig mamareiwa moma ilar Kristo min mene profeta min, an teparol nar pusupus ribor mene nar ut aken moma takareuhiatin asgavin nerem kamahmpen ilar.

Mero in ka rolkoma nian taha Noa, rol mok lan nuean taha Neri Ieremim. Mero in ka rolkoma ilar loanian ka paupan le iapiwan netakarkin maramnum, an kamairoe an mamaiviu beravin to nerikan mairoatis le nian noa neteruan le niko. An kamesarhinatinan mairoatis loanian ka iapiwan rua mapkita ilar, rol mok lan nuean te Neri Ieremim.