Gewilde Bybelverse vanaf Матай 24

Deel

Зұлымдық тым көбейіп кеткендіктен, көбінің сүйіспеншілігі суып кететін болады, ал соңына дейін шыдаған құтқарылады.

Осы Патшалық туралы Ізгі хабар куәлік ретінде бүкіл әлем халықтарына жарияланады, сонда ғана бәрінің ақыры болады.

Болып жатқан соғыстар мен алда болатын әскери қақтығыстар жайында еститін боласыңдар, бірақ үрейленбеңдер. Бұлардың бәрі болуға тиісті нәрселер, алайда бұл әлі де ақырғы кезең емес.

Өйткені халық халыққа, патшалық патшалыққа қарсы көтеріліп, кейбір жерлерде аштықтар мен жерсілкіністері де болады. Осының бәрі тек азапты толғақтың бастамасы ғана.

Аспан мен жер жойылса да, Менің сөздерім жойылмайды.

Өйткені көптеген адам Менің атымнан келіп: «Мен Мәсіхпін», - деп көпшілікті алдайды.

Сол кездері сендерді қинап, қорлап, өлтіреді және Менің атыма бола сендерді барлық халықтар жеккөретін болады. Сол кезде көбі сенімдерінен бас тартып, бір-бірін сатып, бірін-бірі жеккөреді. Көптеген жалған пайғамбарлар пайда болып, көпшілікті алдап, адастырады.

Иса оларға: -Сендерді біреу алдап кетпесін, байқаңдар, -деді.

Осылай сендер де дайын болыңдар, өйткені Адам Ұлы сендер күтпеген уақытта келеді.

Сондықтан сергек болыңдар, өйткені сендер Иелеріңнің қай күні келетінін білмейсіңдер.

Сол күн, сол сағат жайлы ешкім: не көктегі періштелер де, не Ұл да білмейді, бұл тек бір Әкеге ғана мәлім.

өйткені жалған мәсіхтер мен жалған пайғамбарлар шығып, үлкен кереметтер мен ғажаптар жасап, мүмкіндігінше таңдалғандарды адастыратын болады.

Нұхтың кезіндегі күндер қандай болса, Адамның Ұлының келуі де сондай болады. Адамдар топан судың алдында, Нұх кемеге кіретін күнге дейін ішіп-жеп, үйленіп, тұрмыс құрып жатты, олар топан су басып, бәрін құртқанға дейін не болатынын түсінбеді. Адам Ұлының келуі де дәл солай болады.