Gewilde Bybelverse vanaf Rom 8

Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

Mə kyèri kwàʼ tesiʼ gha, chəyi aghi mɔ̀ʼɔ ne tì ze ghì gha imbə̀ʼ aməd si ywiri kɔ̀ŋɔ̀ yi awa, kə̀ àkə iwu, kə̀ àkə ìtḛ̀, kə̀ àkə mbè angirə̀, kə̀ àkə tika afub te ne yaʼi ikaŋ, kə̀ àkə inug mbe ne yaʼi inga nyùmə̀ isəg gho̰, kə̀ àkə mbe ne biri ghum yeʼe, ka à ya bè tika te ne yaʼi ikaŋ kə̀ tika te ne yaʼi aseg, chəyi aghi mɔ̀ʼɔ inga ighi ijìm mbo̰ ne Ŋwiye tàngi ne tì ze ghì gha imbə̀ʼ Ŋwiye ywiri chè yi imbìghè ni kɔ̀ŋ awa anjìm Yeso Kristo ne yaʼi ìwa Anɔŋisəg.

À ya bə̀ ane ne Azwighi Ŋwiye ze wètè awa icheg ne tì bɔri. À ya ane imbə̀ʼ icheg ne chəyi tì kyeri icheg ne tì koʼi ni chàʼra Ŋwiye angu. À ya Azwighi Ŋwiye ze chàʼrà Ŋwiye atog ina. Ze ya chwèmè ghà inug ne chəyi tì tì gha.

Inga inug mbo̰ ijìm, tì kə ywiri gha? Ŋwiye kə mə̀ yaʼ tì ina, wə̀d ne tì wì zɔŋ awa chè àkə we?

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Wə̀d ne nɔ̀ŋɔ̀ fìŋ igun inug tibɔ̀ŋ mbe ne nyàmnyɔd ze ghə̀ʼrə̀, tengàŋ biri ku nim. Àsi wə̀d ne nɔ̀ŋɔ̀ fìŋ yaʼ igun inug mbe ne Azwighi Ŋwiye ze kə̀bə̀, tengàŋ biri jəg ìtḛ̀ bə̀ chùghi ane àbɔrɔ̀bɔd.

Si ya gha, inga inug mbo̰ ijìm, tì ya icheg bəd ne màʼi ibid chè anjìm Yeso Kristo ne kɔ̀ŋi awa.

Mbə̀ kyeri gha, ighumni we ne Ŋwiye biri nàʼ ina we chè ngəʼ ìzo̰ ne te chè inga amad anìŋ.

Wə̀d ne biri si ghì gha imbə̀ʼ Yeso chè yi imbìghè ni kɔ̀ŋ awa àkə we? Àkə ngəʼ, kə̀ àkə njèg, kə̀ àkə anug ne mbe chɔ̀ʼɔ ìmba ibɔʼì ighog, kə̀ àkə ifum, kə̀ àkə inug ne fàŋà awa, kə̀ àkə anug ni təm ichug iwu?

Ŋwiye we ne bàrà inug mbe ne yaʼi inga ìta fìŋ, à ya məd kyeri anug ne Azwighi Ŋwiye ze kɔ̀ndɔ. À ya ane imbə̀ʼ icheg ne Azwighi Ŋwiye ya bòʼo ibo abə Ŋwiye atog abə bəd Ŋwiye, ghà inug kwàʼ icheg ne Ŋwiye kə̀bi.

Bəd mbe ne ghìyə̀ inug icheg ne Azwighi Ŋwiye ze nàʼà ika inɔb, mbɔb ya bɔn Ŋwiye.

Bəd mbe ne chùghə ane ikuchèg we ne ìtɔb nyàmnyɔd kəbi, mbi ya nɔ̀ŋɔ̀ ìtɔb fìŋ yaʼ igun inug tibɔ̀ŋ mbe ne ìtɔb nyàmnyɔd te ghə̀ʼrə̀. Àsi bəd mbe ne chùghə icheg ne Azwighi Ŋwiye kəbi, mbi ya nɔ̀ŋɔ̀ ìtɔb fìŋ yaʼ igun inug mbe ne Azwighi Ŋwiye ze kə̀bə̀.

Ŋwiye kə mə̀ chəyi wì ya to̰ ni nàʼ Ŋwan məd gha wì yeʼe ku atog ina mba məjìm, mbə kɔ̀ndi gha chəyi wì biri kɔ̀ŋ ni nàʼ ighi ndəŋ ijìm ina?

Azwighi Ŋwiye ze fɔ̀tɔ tì àza tì azwighi ni bḛ gha mba ya bɔn Ŋwiye. Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

Bəd mbe ne nɔ̀ŋɔ̀ ìtɔb fìŋ igun inug tibɔ̀ŋ mbe ne ìtɔb nyàmnyɔd te ghə̀ʼrə̀, mbɔb ya bəd ìpàb Ŋwiye. À ya ane imbə̀ʼ icheg ne chəyi mbɔb mbe zùgrə Ŋwiye. Ane, chəyi tì mbɔb bə̀ zùgri mə̀nɔ̀ʼɔ̀ Ŋwiye.

Ighi ijìm mbe ne Ŋwiye tàngi mbe nyìʼè ghɔ̀mɔ̀ gha Ŋwiye ghiyə mbe kyèri bəd mbe ne ya kwàʼ bɔn məd.

Tè kyèri gha, pè tèchɔ̀ŋ, ighi ijìm mbe ne Ŋwiye ya tàngi mbe kiri chwemè kwàʼ icheg ne àyi tì ibum ne se nɔ̀mbɔ.