Gewilde Bybelverse vanaf Efɛɛzɩ 5

Deel

A na ɩ à ŋá a, nyɩ cɔwrɛ a Naaŋmɩn, nyɩ na ɩ a ʋ bi-nɔnɩ a ƴãw. Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

A na ɩ à ŋá a, nyɩ tɛr maal-ɩb a nyɩ cenu pʋɔ: nyɩ ta cere mɛ̃ dãbole a ɩ, nyɩ cere mɛ̃ yã-bãwnbɛ na tɛr maal-ɩb a vuo ŋa pʋɔ a. A dɩ̃a zie ŋa sɩrɩ bɛ vɩɛl ɛ.

Nyɩ ta kuole dãa ɩ, alɛ n'a waar'ɩ a faalʋ, ɛcɛ nyɩ ɩ a Vʋʋrʋ Sõw paalɩ nyɩ. Nyɩ lãw yiele Sɛb-sõw yielu, nɩ danʋ yielu nɩ yielu na yi Vʋʋrʋ Sõw zie a. Nyɩ yiele danɛ nɩ a Sore nɩ nyɩ pʋɔ za. Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.

A na ɩ à ŋá a, nyɩ ta ɩrɛ dãbol-ɩb ɛ, nyɩ ƴãw fãw bãw a Sore pʋ-tɩɛrʋ vla.

Sɩrbɛ ɛ, nyɩ nɔnɛ a nyɩ pɔwbɛ mɛ̃ a lɛ a Kɩrɩta na nɔ̃w a Lãw-yir tɩ de ʋ tʋɔra tɩr a ʋ ƴãw a.

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

Nyɩɩm na ƴãwnɛ a Kɩrɩta a, nyɩ sàwr taa nɛ́ɛ.

Pɔwbɛ ɛ, nyɩ sàwr a nyɩ sɩrbɛ nʋɔr, mɛ̃ a lɛ nyɩ na sàwr a Sore nʋɔr a.

Alɛ saa ŋmɛ̃ ŋmɩŋmɩn a, a fɛr'a kɛ́ nyɩ kãw za mɩ́ nɔnɛ a ʋ pɔw mɛ̃ a ʋl mɩŋa a, ɛ́ pɔw za ƴãwnɛ a ʋ sɩr.

Alɛ n'a so, mɛ̃ a lɛ a Sɛb-sõw na yel a: «A dɛb na mɩ́ bɛr'ɩ a ʋ sãà nɩ a ʋ mã, ɛ́ tɩ lãw nɩ a ʋ pɔw, bɛ za ayi lɩɛbɩ nɩ-been.»

Nyɩ taa pʋɔrɛ a lige tõ-toni pʋɔ towtow ɛ, a bɛ tɛr tɔnɛ kãw za ɩ, nyɩ nɩ̃ɛ vɛ̃ kɛ́ wore a.