Gewilde Bybelverse vanaf 1 Wakolinto 13

Deel

Wendo wukangalilaga, wutazaga wenji, wendo wusina wivu, hamba si wikumyaga yaye, hamba siwuwezaga no wiwoni. Wendo wukuwa wina cogopo, kanyhi si wukuwa kwilondolela weneco cambuzi, kanyhi wendo si wukolwaga ne'kuwo mbela, hamba si wukumbucilaga zimbi, hamba si wuwalaga wubi wono wapuluta yaye

Wendo wihuwilaga zose, witumbilaga zose, kanyhi wukangalilaga zose.

kanyhi wendo si wukuwa kusecelela wubi ng'o, langa wusecelelaga i mbeka.

Holeka zikusigala zizino zidatu, nha cinji, u Wihuwilo, u Witumbilo no wendo, ninga kanyhi yono yicizize muli zizino zose, wo wendo.

Wendo si wudumaga hamba hadodo. Na hone hovili i vipegwa vyo kuyiganula nghani yo Mulungu, avyo langa mwizuwa linji vilawuka, na hone vipegwa vyo wulonga zinonga zinjenzi, avyo vyoloduma, na hone kowuli wusomi, nawo nha vivyo du wolopuluta.

Hamba nonje i milonjele ye wanhu hamba na ye Wamalayika, ninga hono niwe sina wendo, ane nowa nihwanile nhe lizozo du lye lidebe lyono lisina cinji, hamba lunji nha kotya cenjele.

Na kanyhi yisumice niwe ne cipegwa ciswanu co kuyiganula nghani yo Mulungu, no kuzimanya ze cinyele zose, sunga no kusuma kuzimanya zose, kanyhi ndahile kuwa no wihuwilo wono wukwilaniciye, sunga sume kugahamya matunda, ninga hamba nha vivyo hono niwe sina wendo, ane si nili cinji yaye.

Na hono ndavye i sawo yangu yose no kuwapela waciwa, na hamba niwulavye muwili wangu wunyanywe mu moto, ninga hono niwe sina wendo, azo zose si zonghwila cinji yaye.

Ane lono nali nghali nili mwana mudodo nalongaga cidodododo, natangaga cidodododo, nehwesaga cidodododo. Ninga aluno vyono neza nili munhu mututu, hodu nakondya kuzileka i zinghani zose ze cidodododo.