Gewilde Bybelverse vanaf Matfiejo 24

Deel

i pal-dová so javéla butýr čoripén, but manušá mekéna te sykavén patýv jekh jekhéske. Ne kon vyrikiréla saró ke kónco (ke jagóro), kodová zrakhélape.

I javéla te phenelpe bahtalý zan (zvies') pal Devléskiro Kralipén pir saró svéto syr dophenybén vaš saré nácyi; i tedy javéla kónco (jagóro)!

I tumé javéna te šunén pal maribén i rakiribena pal maribena. Dykhén, na strahadjon; saró davá trej te javél, ne davá iščo (inké) na kónco (na jagóro).

Pal-dová so ĥazdénape manušá pe manušénde i kralipén pe kralipén, i bokha javéna, i meribnytka fránsy i phuv javéla te trinskirelpe pir štéty. Saró kadavá javéla angíl sýrby dukhá, dre savó nevó svéto bijandjola.

Bolybén i phuv prodžána, a lavá Miré na prodžána.

Pal-dová, so but javéna Miré lavésa, rakirí: ‘Me som Xristóso,’ i xohavena but manušén.

Tedy javéna te zden tumen pe mén'ki i muliakirena tumen, i javéna te na sykavén patýv tuménge pal Miro lav. I but tuméndyr mekéna te patián, i javéna te zden jekh jekhés, i javéna te na sykavén patýv jekh jekhéske; i javéna but xohané proróki i xohavena but manušén

I otphendiá Isúso i phendiá lénge: “Rakhénpe, sob (kaj) nikón te na xohavél tumen.

Paldavá javén tumé adiáke-pac' skedyné, pal-dová so Čhavó Manušéskiro javéla dre dasavo mardó (štúnda), so tumé na duminéna.

Rakhénpe, pal-dová so na džinéna, kiéli javéla tumaró Raj Devél.

Ne nikón na džinéla ni dyvés, ni mardó, kiéli saró davá javéla, ni bolybnáskire Jangóly, ni Čhavó, a jekh Dad džinéla.

Pal-dová so javéna xohané xristosy, xohané proróki i jone sykavéna baré ĥiertyká i keréna dívy, sob (kaj) te xohaven až kodolén, savén Devél vykedyjá, kóli saštý javéla.

I, syr sys dre dolé dyvesá, kiéli sys Nojo, adiáke-pac' javéla Čhavó Manušéskiro. Paldavá so, syr angíl potopo manušá xané i piné, lynepe i džánas paloróm angíl dová dyvés, dro savó Nojo zagijá dro kovčego, i na ĥaljonas, paka jaciá patopo i na lydžyja pésa len sarén, adiáke-pac' javéla Čhavó Manušéskiro.