Gewilde Bybelverse vanaf 1 Korinfianenge 13

Deel

Pšalýtko patýv but vyrikiréla i isyn lačhó; pšalýtko patýv na déla jakhalo; pšalýtko patýv na zadelape i na phutjola; Pšalýtko patýv na xalape, na rodéla l'góta péske, na xoliasóla, na duminéla fuipén

saró pirilydžala, patiála sareske, užakiréla lačhipén dro saró, zaterdjola pal saró.

pšalýtko patýv na radynélape načačipastyr, a radynélape pal čačipén

Kakaná jačénape trin čačipená: patiaibén, lačhó užakiribén, pšalýtko patýv (láska); i pšalýtko patýv isyn naj baredýr saréstyr.

Pšalýtko patýv isyn viéčno, mek angilphenybén te končynelpe, mek čibá (čibjá) te javén štyl (ciha), mek džinybén te prodžal.

Kóli me rakiráva manušytkoné, ci Jangolytkone čibenca (čib'jenca), ne mánde nane pšalýtko patýv ke javír manušá, tedy miro rakiribén isyn sýrby xarkóma (mied'), so kuduniakirela (zvieninela), ci kimvalo, so déla zan.

I kóli mánde isyn taláno te angilphenav, i me džinóm saré čorahanybena i mánde sys džinybén i dasavo patiaibén, so me moginav te pirikharáv (piričhuváv) bérgi, a mánde nane pšalýtko patýv, tedy me som nikón.

I kóli me rozdava saró miro mištypén i otdáva miré masá pe jag, a mánde nane pšalýtko patýv – nane mánge ni savó lačhipén daléstyr.

Kiéli me sómas bijáto, me rakirdjom syr bijáto, me dumindjom péske syr bijáto, me ĥaljovavas syr bijáto; kiéli me jacjom baré manušésa, me butýr na som bijáto ni dro so.