Gewilde Bybelverse vanaf Ohutula 8

Deel

Ab'amayia abo bosi bateemaho ohwehoonyera amalesi kaabwe ohuhola enyung'unyi chiweeo, nae byaabahaya. Enyung'unyi chasaaba chaaba buli abuundu, mani ab'amayia baboolera omutuki waabwe oyo bati, “Nasaae niye oholere sino!” Nae omutuki oyo yemeeda ohuhola esyeejo, mani koti lu Omwaami yali niyaboola, omutuki oyo haba siyawuliraho Musa neende Arooni.

Omwaami yeemao yaboolera Musa ati, “Chia eyiri omutuki oyo mani omuboolere oti Omwaami aboola ati, ‘Leha abaandu baange bechiire, banyale ohunyinamira.

Nae omutuki oyo niyabona ati eneenga echo choosi chimalire ohufwa, esyeejo syae haandi syakaluha mani koti lu Omwaami yali naaboolere, omutuki oyo yahaya ohutekeeresa Musa neende Arooni.

Noohaya, njia ohuhusaandya alala neende esyaalo syao niisiichusaho eneenga.

Omwaami haandi yaboolera Musa ati, “Boolera Arooni ahuye endabuhi yae hu loba, mani hu syaalo sy'e Misiri syoosi olufu luchia ohukaluuhanamo enyung'unyi.”

Omwaami yatuma ebidiiyiha by'esiiye bihoongo muno mu dooho ly'omutuki oyo neende mu nyuumba ch'abakali bae boosi. Mani esyaalo syoosi esya Misiri syaanyaasibwa neende esiiye echio.