Gewilde Bybelverse vanaf Ohutula 9

Deel

Nae ni ohudaha sa ohuhweekesa obunyala bwaange, sakira ndahuleha sa endi obeeo omulamu hu efuma yaange yinyale ohutabaala esyaalo syoosi.

Omwaami yaboolera Musa ati, “Chia eyiri omutuki omuboolere oti, Omwaami, Nasaae w'Abaibburania, aboola ati, ‘Leha abaandu baange bechiire, baanyinamire.

Niimba mbwe ndasiingisa omuhono kwaange ohuhuhuya alala neende abaandu bao neende oluumbe, oba wesi wamala ohusihirisirwa elalira.

mba njia ohuhusaandya neende ohuhuleetera oluumbe lubi eyiri ebisolo byao byoosi: efaraasi, esuhiri, engamia, eng'oombe, amakoondi, neende embusi. Njia ohutaao engabuhano akatikaati w'ebisolo by'Abaisiraeli neende ebyo eby'Abamisiri, mani sibulao esisolo sy'Omuisiraeli syoosi esichia ohufwa.

Mani esiha siti muchuli, njia ohuleeta efula y'amakina embi muno, yi Misiri yitaabonaho mu bulamu bwaayo bwoosi. Mani bulaanu, lagira ebisolo byao bilamu byoosi alala neende buli siindu syoosi syooli nasyo erwaanyi bihiingakirirwe abuundu alai. Amakina kachia ohukwa hu baandu neende ebisolo ebinaalehwe erwaanyi nibitahiingakiriirwe, mani byoosi biba bicha ohufwa.’ ”

Lichia ohuduumuuha koti olufu lunyuhe muno lisaalaanire mu syaalo syoosi esya Misiri, buli yi lyoola lichia ohuhola ebifwiimba byeehola amakoonjo kang'eng'eerere hu baandu neende hu bisolo.” Mani babukula ekohe ediidi hooho, beema mu moni w'omutuki; mani Musa yaaliduumulira mu miyaka, lyaahola ebifwiimba ebyatulamo amakoonjo kang'eng'eerere hu baandu neende hu bisolo.