Gewilde Bybelverse vanaf Ohutula 7

Deel

Omwaami nae yaboolera Musa ati, “Bona, njia ohuhuhola obe koti Nasaae eyiri omutuki oyo, nae Arooni mwaanamaao achia ohuhulomalomera yaali koti omunabbi.

Nae njia ohwaangalasa omwooyo kw'omutuki, kata neende ni ndi ohwiingiya obubonero neende ebiholwa biwukisa mu syaalo sy'e Misiri, Omutuki wa Misiri haba saachia ohuhuwulira; huunyale ohusiira omuhono kwaange hu Misiri, mani huunduse eye lyaange, abaandu baange haandi abaana basyaani ba Yisiraeli, erwaanyi w'esyaalo sy'e Misiri, nindeehoonyera ebiholwa bihunuufu by'ohubaheengera omusaango.

Abamisiri bachia ohumanyira ao bati niise Omwaami, nindahabe ni mbasiingisiireho omuhono kwaange, ni ndusire Abaisiraeli mu syaalo syaabwe.”

Omutuki oyo niyabona atyo, yalaanga ab'amakesi bae alala neende ab'amayia bae, mani bosi nibeehoonyera obulakusi bwaabwe, banyala ohuhola batyo. Bosi basukuna aasi endabuhi chaabwe, mani buli endabuhi niyeholamo enjuha. Nae enjuha yali niyeholere mu ndabuhi y'Arooni, yamira enjuha chiindi echio choosi.

Bulaanu, ow'Oluyaali, Omwaami ali ohuboola ati, ewe omweene ochia ohumumanya koti lu fwaana ohweema hu biindu by'achia ohuhola. Bona, njia ohuhuya hu maachi k'omwaalo kuno neende endabuhi yino, mani amaachi kachia ohukaluuhana kabe amabaanga.

“Niwiichuhana omutuki oyo yaabahada ati adaha mweyomiise muti mutumirwe ohubitira hu huhola esy'amayia, n'oboolera Arooni abukula endabuhi yae eyo ayisukuna aasi mu moni w'omutuki oyo, mani yiba yinakaluuhana yibe enjuha.” Musa neende Arooni bachia eyiri omutuki oyo bahola koti lu Omwaami yali n'abalagiire. Arooni yasukuna endabuhi yae aasi mu moni w'omutuki oyo naali neende abakali bae, mani endabuhi eyo yaakaluuhana yaaba enjuha.