Gewilde Bybelverse vanaf Matay 24

Deel

Ikongo do to meyzangkap o meyraraten a tao, am ori o ikabo na rana no pangangarilawan no tao. Am o to ngotokot a jyahayo so nakem a omraralay nyaken am mahap da o to meyyonong a ikavyay no pahad da.

O Mapasaray a Ciriciring a omaing do italamozong na ni Ama ta do to am manmanma a meylimwang do karawan a peyyamyamizngan da no tao do peycyamahamahatawan na a kapakaranes na rana no pangavosan no karawan.

Makamizing kamo na do katangked no ili nyo so meyyarap a kapakamizing nyo do marai a ili so meyyarap. No si manoyong o kakman na so sang am ji kamo anyahey, ta kangay na no akman sang a vazay. Am beken a pangavosan na ori no karawan.

Meyyarap sira o meytarek so iteytetngehan a kapeyyarap da no teyhesa ka mahataw. So iyan na no rako a kanini a kano abcil do karawan. Am ori rana am papwan na rana so kapakaranes na rana no alalaw.

Mabalinas o hanit a kano teyrahem. Am jyablis o ciring ko a mangay do kaidan no karawan.

Ta aro o tao a amvood so ngaran ko a manci no, ‘Yaken am si Kizisto ko,’ a ilita da do aro a tao.

“No marateng ori am rakpen da inyo a pakakasin a kawakwak da jinyo. So pacioyyan da jinyo a mahap so vazay ko. Aro o tao a ji rana manaralay. O karwan da am masipatwatolin do kapanaralay da kaji da manaralayan. So ipeykaokaoya da rana omalalas so kadwan jira. Meyparo sira o malas so ipangnanao a tao a mapeycyakawad so onowned no tao.

Maniring si Yeso am, “Makapzat kamo an. Ji kamo a litai an.

Am ori o ipeytataziman nyo an. Ta no ji nyo aktoktwan am makaranes ko rana a Nipamnekan na ni Ama ta do to a tao.

Am ori o ipeytataziman nyo, ta ji nyo a tenngi o araraw no yai ko a Panirsirngen nyo.

“Abo o tao a makateneng do araraw no yai ko. Tana tinsi do teyngato a tana Anak na ni Ama ta do to am ji da tenngi. Ta si Ama ta do to o makateneng jya.

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

No meygegcin o Nipamnekan na ni Ama ta do to a tao am akman so cinasasaodan da da Noya no kakwa. No kaji na pa meykehnepan am to sirangned so ninyakan a mapazagzagpit, mangay do araraw no isdep da rana da Noya do avang da. Ji da azyaziman o kapakaranes rana no henep. Am ori o nikabalinas da rana. Akman sang o araraw no yai ko a Nipamnekan na ni Ama ta do to a jyaziman.