Gewilde Bybelverse vanaf Injil 1: Moti 24

Deel

Naformanir foriman baṛizibo, erlagi bout manshor maya-momota ḳomizibo. Oile hesh forzonto zera ṭikia roiba, era-u rehai faiba.

Hoḳol zatir gese shakki hishabe behesti bashshair kush-ḳobri toblig kora oibo, erbade-u kiamot aibo.

Huno, zuddor aoaz ar laṛair ḳobor tumra faibae, oile itae ḍoraio na. Ita nisoy goṭbo, goṭle-o ita to shesh nae.

Eḳ zatie aroḳ zatir loge, eḳ deshe aroḳ deshor loge laṛai korbo. Bout zagat boisal ar nidan deḳa dibo. Oile ita to ḳali mosibotor shuru.

Asman-zomin hoḳolta binash oizibo, oile amar kalam hamesha zari roibo.

Bout zone amar nam doria aibo, aia ḳoibo, ami-u al-Mosi, ḳoia boutre ṭogibo.

“Ou shomoy aile manshe tumrare zulum ḳorar lagi dorai dibo ar kun ḳoraibo. Amar lagi hoḳol zatie tumrare ginnaibo. Teu bout zon fislizibo, eḳe-oinnore ginnaibo ar dorai dibo. Bout bonḍo nobi aia manshore ṭogiba.

Isae ḳoila, “Dekio, ḳeu zanu tumrare na ṭoge.

Erlagi tumra-o hamesha tiar roio, ze shomoyor ḳota tumra sinta-o ḳortae nae, hou shomoy bin-Adom aiba.

Erlagi koiram, tumra hushiar roio, tumrar malik kun din aiba, ita to tumra zano na.

“Hou din ar hi shomoyor befare ḳali amar gaibi baf Alla saṛa ar ḳeu zanoin na. Asmani firista ba Ibnullae-o zanoin na.

Ḳaron al-Mosi nam loia bout bonḍo aiba, nobi hazia-o bout bonḍo aiba. Itae bout boṛo boṛo asanok keramoti kam deḳaiba. Tara saiba, shuzug faile Allar fosond ḳora bondare duka dia be-fote nitagi.

Nuh nobir amolo ze halot oisil, ami bin-Adom dusrabar aoar shomoy ṭik olaḳan-u oibo. Boinna shuru oar age Nuh nobi zazo uṭar ag forzonto manshe ḳaoa-daoa ḳorse, eḳe-oinnore bia-shadi korse. Nuh nobir boinnar fanie itare bashaia neoar ag forzonto tara kunta-u ṭer faila na. Ami bin-Adom aibar shomoy-o ṭik olaḳan oibo.