Blywende Hoop预览

Memoriseervers:

Ook julle was voorheen ver van God af en vyandiggesind teenoor Hom, soos blyk uit julle sondige lewenswyse. Maar nou het Hy ook julle met Homself versoen deurdat sy Seun as mens gesterwe het om julle heilig, sonder smet en onberispelik voor Hom te stel. Maar dan moet julle vas en sterk bly staan in die geloof en julle nie laat losruk van die hoop wat in julle gewek is deur die evangelie wat julle gehoor het nie. Dit is die evangelie wat aan al die mense op die aarde verkondig is en waarvan ek, Paulus, ‘n dienaar geword het.

Kolossense 1:21-23

Uitdaging vir die week:

Hoop is ‘n anker vir ons siele as gevolg van wie ons hoop in is. Bestee hierdie week tyd om een van die evangelies te lees en skryf neer hoe Jesus sy beloftes nagekom het terwyl Hy op aarde was. Hoe gee dit jou die vertroue dat Hy sy belofte om eendag terug te keer, sal nakom?