Ìyìn: Àṣàrò nínú Orin DáfídìÀpẹrẹ

Kí ni ó sọ?

Ìṣẹ̀dá Ọlọ́run fi ẹni tí Ó jẹ́ hàn, àṣẹ Rẹ̀ sì ń san èrè fún àwọn tí ó tẹ̀lé wọn. Ìfòyemọ̀ Rẹ̀ ń ṣ'àfihàn ẹ̀ṣẹ̀ kí ẹnikẹ́ni má bàá lè jẹ́ aláìlẹ́bi l'ójú Rẹ̀.

Kí ni ìtumọ̀ rẹ́?

Sáàmù yìí fi ìdí tí Dáfídì fi tẹ̀lé Olúwa hàn. Ó bẹ̀rẹ̀ pẹ̀lú ìwòye tí ó tọ́ nípa Ọlọ́run gẹ́gẹ́ bí Ẹni tí ó dá gbogbo nkan n'ígbà tí àwọn orílẹ̀-èdè tí ó wà ní àdúgbò ń sin ẹ̀dá oríṣiríṣi. Dáfídì tún rí àwọn àǹfààní ẹsẹ̀kẹsẹ̀ tí ó wà nínú títẹ̀lé Òfin Ọlọ́run. Ọ̀pọ̀lọpọ̀ ọdún tí ó ti ń gbé ní ọ̀dọ̀ Saulu kọ́ ọ pé ìgbọràn sí Olúwa mú ìtẹ́lọ́rùn wá ju ọrọ̀ tàbí ọlá ààfin lọ. Ní ìkẹyìn, Dáfídì gbádùn ìbáṣepọ̀ tímọ́tímọ́ pẹ̀lú Olúwa. Ó mọ̀ wí pé òun f'ọ́jú sí àwọn àṣìṣe tí Ọlọ́run nìkan lè fi hàn-án. Ìrònú déédéé l'órí Ọ̀rọ̀ Ọlọ́run tàn ìmọ́lẹ̀ sí àwọn ibi òkùnkùn ọkàn rẹ̀, tí ó ń jẹ́ kí ó mọ ohunkóhun tí yíò mú inú Olúwa dùn.

Báwo ni kí n ṣe dáhùn?

A sọ̀rọ̀ púpọ̀ nípa bí Ọlọ́run ṣe fi ara Rẹ̀ hàn nínú Ìwé Mímọ́. Kí ló dé tí èyí fi ṣe pàtàkì? Èrò tí ó tọ́ nípa Ọlọ́run ṣe pàtàkì láti leè ní èrò tí ó tọ́ nípa ara rẹ. Fún àpẹẹrẹ, gbígba Ọlọ́run gẹ́gẹ́ bí Ẹlẹ́dàá alágbára ń ràn wá l'ọ́wọ́ l'áti mọ àṣẹ Rẹ̀ wí pé Ó retí ìgbọràn wa pátápátá sí àwọn ọ̀nà Rẹ̀. Àwọn ìgbàgbọ́ wo nípa Olúwa ni o ti pàdé l'ẹ́nu àìpẹ́ yìí? Bàwo ni Ìwé Mímọ́ ṣe fi ìdí àwọn ìgbàgbọ́ wọ̀nyẹn mú lẹ̀ tàbí ta kò ó? Tí o bá bẹ̀ẹ̀rẹ̀ ní ójoojúmọ́ l'áti kọ́ ẹ́kọ̀ọ́ Ọ̀rọ̀ Ọlọ́run, tí o sì ń yin orúkọ Rẹ̀ l'ógo nínú àdúrà, ó ṣe é ṣe kí èrò àti ìṣe rẹ ní gbogbo ọjọ́ náà tẹ́ Ẹ lọ́rùn ní àkọ́kọ́ àti ní ìṣáájú.