Iivesi zeBhayibhile ezithandwayo ezisuka Mga Taga-Roma 8

Yabelana

Nasayod kita nga diha sa tanang butang nagbuhat ang Dios alang sa kaayohan niadtong nahigugma kaniya, kadtong iyang mga tinawag sumala sa iyang katuyoan.

Kay nakasiguro ako nga walay bisan unsa nga makapahimulag kanato gikan sa iyang gugma: bisan ang kamatayon o kinabuhi, o mga anghel, o ang mga langitnong pamunoan o mga gahom, o ang mga butang karon ug sa umaabot nga kapanahonan, bisan ang kalibotan sa itaas o sa ilalom—wala gayoy bisan unsa sa mga binuhat nga makapahimulag kanato gikan sa gugma sa Dios nga naato pinaagi kang Cristo Jesus nga atong Ginoo.

Sa samang paagi, sa atong pagkahuyang tabangan kita sa Espiritu kay dili kita mahibalo unsaon pag-ampo. Ang Espiritu mismo mao ang mangaliyupo sa Dios alang kanato uban sa mga pag-agulo nga dili ikasaysay sa pulong.

Karon, unsa may atong ikasulti mahitungod niini? Kon dapig kanato ang Dios, kinsay makigbatok kanato?

Tungod niini, karon dili na hukman sa silot ang nahiusa kang Cristo Jesus.

Ang paghunahuna kanunay sa mga butang nga tawhanon mosangpot sa kamatayon apan ang paghunahuna kanunay sa mga butang nga espirituhanon mosangpot sa kinabuhi ug kalinaw.

Dili! Hinuon, taliwala niining tanan, may hingpit kitang kadaogan pinaagi kaniya nga nahigugma kanato!

Giisip ko nga ang atong mga pag-antos niining panahona dili gayod ikatandi sa himaya nga ipadayag unya kanato.

Busa, kinsay makapahimulag kanato gikan sa gugma ni Cristo? Ang kasakit ba, ang kalisdanan, ang mga paglutos, ang gutom, ang kakabos, ang katalagman, o ang kamatayon?

Ug ang Dios nga nasayod sa kasingkasing sa mga tawo, nasayod unsay gihunahuna sa Espiritu; kay ang Espiritu mangaliyupo sa Dios alang sa iyang katawhan sumala sa iyang kabubut-on.

Ang tanang gimandoan sa Espiritu sa Dios, mga anak sa Dios.

Kay kadtong nagkinabuhi sumala sa ilang tawhanong kinaiya naghunahuna kanunay sa mga butang nga tawhanon ingon nga kadtong nagkinabuhi sumala sa Espiritu naghunahuna kanunay sa espirituhanong mga butang.

Kon wala magdumili ang Dios sa pagtugyan sa iyang Anak ngadto sa kamatayon alang kanatong tanan, dili ba hatagan usab kita niya sa tanang butang nga atong pangayoon kaniya?

Makighiusa ang maong Espiritu sa atong espiritu aron pagmatuod nga kita mga anak sa Dios. Ug kay mga anak man kita niya, madawat nato ang mga panalangin nga gitagana sa Dios ug madawat nato kini uban kang Cristo. Kay kon makig-ambit kita sa iyang mga pag-antos, makaambit usab kita sa iyang himaya.

Busa kaaway sa Dios ang tawo nga kanunayng maghunahuna sa mga butang nga tawhanon kay dili man siya motuman sa balaod sa Dios ug dili gayod siya makatuman niini.

Mahinangpon nga nagpaabot ang kabuhatan nga ipadayag sa Dios ang iyang mga anak.

Nasayod kita nga hangtod karon ang tibuok kabuhatan nag-agulo tungod sa kasakit sama sa babaye nga nagbati.