Jenɨzɨzɨ 46
46
Jaikopɨnɨdaka Yɨzɨpɨ sabanna kaanna wɨyaa'.
(46:1-34)
1-4Yɨzɨrelɨ gannya gɨlyɨvɨta yuya maarɨna yaka anga Bɨyazivana yɨ'mavaawɨna yaka jɨlɨkyaawarya Gotɨyarɨna dɨka yɨra'na ya'. Yɨra'na kya' Gotɨyai wɨda' “Gotɨyainyɨra. Gɨmaamaanga Aazakɨ yɨlaaya nyɨmarya'. Kwaaka Yɨzɨpɨ sabanneigɨ lɨka minnera! Saba gɨmɨreraavɨ kwala naangera dɨragɨnyara wɨmwaaihɨna yɨdeinyɨra. Gɨmɨjɨ wawakadeinaalyɨra. Nabaai gɨmɨ bala'daa'gi Jozepɨyai gɨmɨnyaba mwaaladelyɨra. Wɨla pɨgaa' ayɨna bya'neihɨrɨ yɨhɨmwaaihɨdeinyɨra,” wɨda'.
5-27Bɨyazivadaasɨ Yɨzɨpɨ sabanne Jaikopɨjɨ gawaalɨvava garaayava sa kaanna wɨna ye'. Yɨzɨpɨ sabanna yɨ'mavaaweva a'mwe daraai dalyaraavɨre ata sɨvɨlɨraai yaka pware atɨraai yuya mwaale'. (Yuya 70 mwaale').
28-34Jaikopɨ Jutharɨ wɨdasaawɨna “Jozepɨyaigɨ Kwaaka Gozanɨ wɨra'naka!” Jozepɨyai wɨjɨmaa'nyɨna kya' galamujɨ'nyɨna yagɨla kɨnna maredɨnagi. Kamaredɨnagi ganɨmaangei wɨda' “Gwangamweinyɨ dahaa' yɨlaaya yɨna, nayaa balɨdeinyɨra.” Jozepɨyai kumɨzangɨ wɨda' “Nɨmɨ kaanna waanyɨna ya'mujɨ Peroyarɨ wɨdɨna yɨdeinyɨra. ‘Jɨlɨkyaawaryajɨ kaimɨraavɨzɨmyajɨ nɨmɨre sa bamwaaihava.’ Sarɨmɨ dara duzi! ‘Nemɨ jɨlɨkyaawarya yɨ'dɨvaidaanyainera.’ Yɨzɨpɨ mwaalyara jɨlɨkyaawaryaraavɨna yɨlaaya myadɨvɨsarera. Yɨ'dɨvaidɨvɨsaihi mwaaidapi Peroyai ‘Gozanɨ kwaaka tewaanyaba dɨmwaalyɨla!’ yɨhɨthathelyɨra.”
Đang chọn:
Jenɨzɨzɨ 46: byr
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2013, Wycliffe Bible Translators, Inc. All rights reserved.