MƐ̀KÌKÌÌ MƐ ƁƐKƐ̀NÌ-FÌTOM 9
9
Ŋwaàdɛŋ lɛ Sol à lɔ̀ɔ̀ghrɛɛ ǹɗem, à gherɛ̀n Kan Yeesus
(Mkk. 22:6-16; 26:12-18)
1Yɛ̀ɛ sol à ɓaghà di à kaka rì coo ǹɗem wu rìgɛn wulɛ, a cuùcùùsì ɓɛ̀gherɛ̀n ɓɛ Kan, nni à kɛ̀ngà kì ghɛɛ̀ ǹkɔ̀mɛ̀n ɓɛ̀pìrɛɛtìrɛ̀ àgwey, 2à tɔg nyi ɓɛ̀kaàtà ɓɛ ɓɛ faa nyi Ìtèɗ wulɛ, a kɛǹ a Damas, i à tanɛɛ ɓum ɓi naa yi bɔ̀ŋzɛ̀n, nsoò, ɓɛ̀yiɓ nsoò ɓɛ̀baŋì ɓɛ ɓɛɛ̀ nɔ̀ɔnɔɔ̀tì bee i Kan, a ɓangiì ɓɔ a ki sug yi rì ɓɔ a Yorisalɛm ɓɛ̀kàgakɛn.
3Yɛ̀ɛ à kɛ̀nkɛni a Damas, di à ti ɓiì wuuwuɓsɛ̀n bàn, nni à sìgmɛ̀ngà di kìtɛɛtɛn ki mɛ làn yi ɗyoo lɛ ŋwààɗ, ki ceŋzɛ̀n nyi. 4Fɔɔnnɛ à kpìghà ɓi zi à wog di jɛ̀ɛ̀ yɛ̀ɛ kpaakpaa nyi lɛ: Sol, Sol wɔ̀, ɓisuucɛ nnɛ u tɔtɔɓ mɛ fɛlɛ̀? 5Sol à tɔg lɛ: Kan, wɔ̀ ghɛn wɔ̀ yɛɛ ri? Jɛ̀ɛ̀ ì pɛ̀ɛ̀zì nyi lɛ: Mɛ̀ yɛɛ ri Yeesus ànɛ u tɔtɔ̀ɓ ki ri wɔ̀ ɓiì ɓaà ǹtɔɓ lɛ u ki ti ǹtoòtèɗ di mɛ̀kɔ̀ŋ mɛɛ̀ roorogì wɔ̀. Nni Sol à risìghà, à tumɛ̀n rìnììghnìŋdɛ̀n à kpaa lɛ: Kan nni wɔ̀ɔ kɔ̀ngi lɛ nki la? Kan à ɓàg min nyi lɛ: 6Pɛ̀sɛn aɗyoo, u ɗiŋi ɓi bàn, wɔɔnnɛ ɓɛ ri wɔ̀ ɓiì kpaà com ki ù ghɛ̀ɛ̀sɛɛ kì kìi. 7Ɓumɓɛ Sol à kɛ̀ɛ̀kɛ̀ɛ̀ghà ǹɗaŋ ri ɓɔ, ɓɛ rɛlìghà, ìris wu mamzì ɓɔ, ɓisuulɛ, ɓɛ wowɔkà jɛ̀ɛ̀ yɔ̀ ri yɔ̀, ɓɛ̀ kɛɛ̀ ghɛn ŋwaànɛ à tòtòkà. 8Nni Sol à pɛ̀sɛ̀ngà aɗyoo, wɔ̀lɛ kɛ̀ɛ ghɛnɛnti nsoò yɛ̀ɛ mis mii mɛ ɓaghà mɛ̀ ŋwàrɛn. Fɔɔnnɛ ɓɛ ɓangà nyi ɓi càg, ɓɛ kɛɛ̀sì nyi à kpaŋ a Damas. 9À kɔ̀rì mɛ̀ru mɛraa, kɛ̀ɛ ghɛnɛn, kɛ̀ɛ ɗi, kɛ̀ɛ nɔ.
10Ǹgherɛ̀n àdɛŋ ɗii lɛ Ananyas à ɓaghà a Damas, nyi nnɛ Kan à reŋìghà fɛlɛ yɛ̀ɛ ɓìdɛ̀ndɛm à kpaa nyi lɛ: Ananyas wɔ̀! Roànɛ̀n à ɓàg nyi lɛ: Kan, mɛ̀ɛnɛ lɛ. 11Kan à kpaa tì nyi lɛ: Pɛ̀sɛn aɗyoo, u kɛǹ ɓi bee ì mɛ̀rɛy, u kpaŋ a mɛɛ mɛ Zyudas, u tɔg ŋwaàdɛŋ wɔɔ lɛ Sol, ànɛ à yalɛ̀ngà a Tarisi àncèm a kìki bɔ̀ŋzɛ̀n ɓigomìnɛ; 12nni ɓi bɔŋ̀zɛ̀n ìnɛn, ki kiì yì nyi fɛlɛ yɛ̀ɛ ɓìdɛ̀ndɛm lɛ à ghɛɛ yì mum ɗii lɛ Ananyas di à ɗiŋii yì ɓi naa yìì, à ki saagh nyi ɓyàg ɓi nyoo lɛ di a ghɛnɛn tì. 13Ananyas à ɓàg lɛ: Kan, m̀mɛ wog di ɓum lɛɛ̀gwey ɓɛɛ sɛsɛg rigɛn ɗi ŋwaànɛ̀n àa nkìi ɓɛ̀gherɛ̀n ɓɛ a Yorisalɛm. 14Nni ɓi ɗi à rì ɗi fɛ, ɓɛ̀pìrɛɛtìrɛ̀ ɓɛgwey ɓɛ nfaa nyi ìtèɗ wulɛ a ɓangi ɓum ɓɛ̀cèm ɓɛ ɓɛɛ̀ rereŋi ɗii ɗyɔɔ, à ki fogi ɓɔ ɓi ɓìsɔŋ. 15Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl. 16Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.
17Fɔɔnnɛ Ananyas à kɛ̀ngà min wɔɔ; nni yɛɛ̀ à ɗiŋìghà ɓi naa ìnɛ Sol à ɓaghà miì, à saagh nyi ɓyàg ɓi nyoo a ki kpaa nyi lɛ: Geni wɛ̀m Sol, Kan Yeesus ànɛ àa ǹɗèsɛɛ yì wɔ̀ ɓi bee di u yùyuiy fɛ, yɛɛ romiì mɛ̀ a lɔ̀ŋkɔɔ, lɛ mɛ̀ nsaagh wɔ̀ ɓyàg ɓi nyoo di wɔ̀ɔ ghɛnɛn tì, ù ki ɓa nɗonɛn ɗi Kìtɛntɛ̀ɛ̀n ki Nghay. 18Lɔŋ ɓi gom yɔ̀miɗ inɛ̀n, ɓyom ɓidɛŋ fɛlɛ yɛ̀ɛ ɓìɓaaɓaa ɓi ɓìzɛn ɓi ɓaaghrɛ̀ngày ɓi mis mɛ Sol, ɓi kpi ɓi zi, à ghɛnɛ̀n tì min, fɔɔnnɛ à pɛ̀sɛ̀ngà aɗyoo, ɓɛ ɓaɓtì nyi. 19Yɛ̀ɛ à ɗighà ɓìɗilàg, ìtèɗ wu yutì nyi ɓi nyoo.
À kɔ̀rìghà tì gàɓ ì mɛ̀ru rì ɓɛ̀gherɛ̀n ɓɛ a Damas. 20Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll. 21Ɓum ɓɛ̀cèm ɓɛ ɓɛ wowòkà di a kpaakpaa fɔlɔɔ, ɓɛ Kuuràkà, ɓɛ tɔtɔ̀g lɛ: Àa ŋwaànɛ yɛɛ ǹ-yeèyèèsì ɓum ɓɛ̀cèm ɓɛ ɓɛɛ kpɔŋkpɔŋ ɗii ɗi Yeesus a Yorisalɛm? Àncèm aà n-yuyuu yì ɓi fɛ rì fèg ànɛ lɛ, a ɓangi bɔ, a fogi ɓɔ ɓi ɓìsɔŋ, di a kɛǹ ɗì ɓɔ a ɓɛ̀pìrɛɛtìrɛ̀ ɓɛgwey? 22Kìɓan kifog Sol à kɛ̀nkɛ̀ngà lɔŋ asu, à ki sìisiìrɛ̀n ɓi rìrèrèsì ɗi ɓum lɛ ɓɛɛ yi saaɗ lɛ Yeesus à rì lɔŋ Kiris; Ɓɛ̀yudɛ̀n ɓɛ a Damas ɓɛ rɔɓkà kɛ̀ɛ̀ kìɓan ki ɓɛ ri lɛ ɓɛ pɛ̀ɛ̀zì Sol.
23Yɛ̀ɛ gàɓ ì mɛ̀ru ì ghaghìghà tì foo, Ɓɛ̀yudɛ̀n ɓɛ wɔrɛ̀n lɛ ɓɔɔ wey Sol. 24Kìɓan kifog, Sol à yighà kìtɔ̀kɔ̀ kaa ɓisuulɛ ɓɛ ramgàkà nyi a mɛ̀suunaa mɛ bàn lɛ ɓɛɛ wey nyi, ɓɛ beŋ̀ mɔ lɛ rì ìru rì ŋwos. 25Nni ɓɛ̀yilàg ɓii ɓɛ tekà nyi ɓi-ru wudɛŋ, ɓɛ kaŋ̀ nyi ɓi kìkpoŋ, ɓɛ ɓɔg gari ɗi nyi lɛ ɓɛɛ sɛɛ̀di nyi rì ǹɗig ɓɛg àmbog.
26Yɛ̀ɛ Sol à kpagà a Yorisalɛm, nni à kaaghà bee ìnɛ a rarɛn ɗì ɓɛ̀gherɛ̀n ɓɛ wɔ̀ɔ̀, kìɓan kifog ɓɛ̀roɓɛ̀n ɓɛ̀sɛ̀ɛ̀ ɓɛ̀cèm ɓɛ rirìsìghà nyi, lɛ ɓɛ ɓiisɛ̀ngà ɓi kigherɛɛ lɛ à ti ǹ-yilàg. 27Fɔɔnnɛ Ɓarinaɓas à tekà Sol à kɛ̀n ɗì nyi a ɓɛ̀kɛ̀nì-fìtom, à kpaa ɓɔ yɛ̀ɛ Sol à ghɛngà Kan ɓi bee ìnɛ a Damas rì yɛ̀ɛ Kan à tòòghrɛ̀ngà ɗì nyi, nni à kpaatìghà ɓɔ rìkuu ɗi ǹtyweeyi ɗi Sol àa ǹɗì rì ɗyɔ a Damas di a kakali ɓum ɗii ɗi Yeesus. 28À tumɛ̀n ɓi cààmɛ̀n kiǹ innɛ Sol à ɓasɛ̀ngà rì ɓɔ, ɓɛ kikì lɛ, ɓɛ ɓɔg, ɓɛ sɛn ǹɗaŋ di ɓɛɛ̀ rèresi ɓum ɗii ɗi Kan rì ǹtyweeyi ɓi nɗem. 29Sol à kuùkùrɛ̀ngà ɗì Ɓɛ̀yudɛ̀n ɓɛ ɓɛ ǹtòkì rìgìrɛg, à ki nyoonyolɛ̀n ɗì ɓɔ, wɔ̀lɛ ɓɛ̀roɓɛ̀n ɓɔɔ kaakàà bee inɛ lɛ ɓɛɛ wey nyi. 30Yɛ̀ɛ ɓɛ̀geni ɓɛ Sol ɓɛ righerɛn ɓɛ wokà fɔlɔɔ, fɔɔnnɛ ɓɛ kɛngà ɗì nyi a Sezare; yɛ̀ɛ ɓɛ kpagà wɔɔ, ɓɛ càɗ nyi lɛ a ghaàgh a Tarisi.
31Kìseŋi ki ɓaghà lɛ fyòoog, ɓi zi ì Zyude bimiɗ, a Galile rì a Samari; kìseŋi ki tetèkà ìtèɗ, ki kikì Kan mɛ̀wog, ki ki tèeghteghɛ̀n rì ǹghɛɓsɛn wu Kitɛntɛ̀ɛ̀n ki Nghay.
Pyɛɛri à wɔ̀ɔ̀zii ŋwaàdɛŋ ɗii lɛ Enee
32Pyɛɛri à rerènìghà kìlɔŋ kìcèm, nni nwos adɛŋ, à sɛngà a Lida lɛ a ghɛn ɓɛ̀gherɛ̀n ɓɛ ɓɛ ɓaghà wɔɔ. 33Fɔɔnnɛ à tanɛ̀ngà ŋwaàdɛŋ wɔɔ ɗii lɛ Enee ǹnɔ̀nɔŋiyɛn ɓi kon. Ki ɓaghà di ki ti bèg taàraa yɛ̀ɛ ŋwaànɛ̀n à kpìghà ɓi zi, lɛ à ɓaghà ǹwɔ̀ɔ̀ghrɛn. 34Nni Pyɛɛri à kpaaghà ŋwaànɛ̀n lɛ: Enee wɔ̀, Yeesus Kiris à wɔ̀ɔ̀zii wɔ̀, pɛ̀sɛn aɗyoo, u pegsɛn ɓyom ɓilɔ̀ŋ ɓyɔɔ. Fɔɔnnɛ ŋwaànɛ̀n à ghàskà kì pɛ̀sɛɛ aɗyoo. 35Yɛ̀ɛ ɓum ɓɛ̀cèm ɓɛ a Lida, rì ɓɛ ɓi-reɓ wu lɛ Sarɔn ɓɛ ghɛngà ŋwaànɛ̀n, nni ɓɛ gherɛ̀ngà Kan.
Pyɛɛri à ghèmzii giɓ adɛŋ ɗii lɛ Taɓita
36Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg. 37Ɓi mɛ̀ru mɛ̀n, nni à roɓkà, à ki wu. Yɛ̀ɛ ɓɛ wuɓsìghà kìloŋ kii, ɓɛ kɛǹ kɔ kì nɔ̀ŋzii ɓi kìden ki naa ɓi mɛɛ mɛ aɗyoo. 38Yɛ̀ɛ ɓɛ̀gherɛ̀n ɓɛ a Zyope ɓɛ wokà lɛ Pyɛɛri à rì a Lida, Lida ànɛn à ràɓsɛ̀ngà ɓi loò rì Zyope, nni ɓɛ romgà ɓum ɓɛɓɛɛ̀ lɛ ɓɛɛ kɛǹ kì kpaà Pyɛɛri lɛ: Kùrùg yuis̀ a lɔ̀ŋkis, kɔ̀ɔ̀ lɛ̀mziì. 39Fɔɔnnɛ à pɛ̀sɛ̀ngà, à kɛ̀ɛ̀zɛ̀n ɗì ɓɔ. Yɛ̀ɛ à kpagà wɔɔ, ɓɛ ɓɔg ɗì nyi ɓi kìden ki naa ki ɓi mɛɛ aɗyoo, mɛ̀kpɔɓ mɛcèm mɛ tyoŋdɛ̀n nyi a nyoo di mɛɛ̀ rènɗèn ɓɛ rerèsì nyi lɛ, rì bùɓa rì ɓɛ̀kàɓà ɓɛ Dorikas à raràɗkà di à kaka cem. 40Nni Pyɛɛri à kpaŋzìghà min ɓum ɓɛ̀cèm ɓidan, à ɓag mɛ̀ɗu ɓi zi, à ɓɔ̀ŋzàg Bɛ̀ll, ajɛ̀m ìnɛn à lɔ̀ɔ̀ghrɛ̀n min ɓi ɓɛg à kìloŋ à kpaa lɛ: Taɓita wɔ̀, pɛ̀sɛn aɗyoo! Nni à ŋwàɗkà min mis à ghɛn Pyɛɛri, à pɛ̀sɛ̀n kìkɔ̀ɔ̀kɔ̀ɔ̀. 41Pyɛɛri à ɓan nyi ɓi càg, à pɛ̀sì nyi mɛ̀rɛy. À regìì min lɛ, rì ɓɛ̀gherɛ̀n rì mɛ̀kpɔɓ, à rèsì ɓɔ nyi, ɓɛ ghɛn lɛ à ti cem. 42Bàn ì Zyope bimiɗ ì wokà kìɓan kiǹ, ɓum lɛɛ̀gwey ɓɛ ki gherɛn Kan. 43Pyɛɛri à finɛ̀ngà a Zyope lèg àdɛŋ, à kɔ̀kɔ̀rì yɛ̀ɛ ŋwaàdɛŋ lɛ Simɔn ànɛ à ɓaghà ǹkìì-gòò.
Đang chọn:
MƐ̀KÌKÌÌ MƐ ƁƐKƐ̀NÌ-FÌTOM 9: BAFNT
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bafia Nouveau Testament © Bible Society of Cameroon, 2019.
MƐ̀KÌKÌÌ MƐ ƁƐKƐ̀NÌ-FÌTOM 9
9
Ŋwaàdɛŋ lɛ Sol à lɔ̀ɔ̀ghrɛɛ ǹɗem, à gherɛ̀n Kan Yeesus
(Mkk. 22:6-16; 26:12-18)
1Yɛ̀ɛ sol à ɓaghà di à kaka rì coo ǹɗem wu rìgɛn wulɛ, a cuùcùùsì ɓɛ̀gherɛ̀n ɓɛ Kan, nni à kɛ̀ngà kì ghɛɛ̀ ǹkɔ̀mɛ̀n ɓɛ̀pìrɛɛtìrɛ̀ àgwey, 2à tɔg nyi ɓɛ̀kaàtà ɓɛ ɓɛ faa nyi Ìtèɗ wulɛ, a kɛǹ a Damas, i à tanɛɛ ɓum ɓi naa yi bɔ̀ŋzɛ̀n, nsoò, ɓɛ̀yiɓ nsoò ɓɛ̀baŋì ɓɛ ɓɛɛ̀ nɔ̀ɔnɔɔ̀tì bee i Kan, a ɓangiì ɓɔ a ki sug yi rì ɓɔ a Yorisalɛm ɓɛ̀kàgakɛn.
3Yɛ̀ɛ à kɛ̀nkɛni a Damas, di à ti ɓiì wuuwuɓsɛ̀n bàn, nni à sìgmɛ̀ngà di kìtɛɛtɛn ki mɛ làn yi ɗyoo lɛ ŋwààɗ, ki ceŋzɛ̀n nyi. 4Fɔɔnnɛ à kpìghà ɓi zi à wog di jɛ̀ɛ̀ yɛ̀ɛ kpaakpaa nyi lɛ: Sol, Sol wɔ̀, ɓisuucɛ nnɛ u tɔtɔɓ mɛ fɛlɛ̀? 5Sol à tɔg lɛ: Kan, wɔ̀ ghɛn wɔ̀ yɛɛ ri? Jɛ̀ɛ̀ ì pɛ̀ɛ̀zì nyi lɛ: Mɛ̀ yɛɛ ri Yeesus ànɛ u tɔtɔ̀ɓ ki ri wɔ̀ ɓiì ɓaà ǹtɔɓ lɛ u ki ti ǹtoòtèɗ di mɛ̀kɔ̀ŋ mɛɛ̀ roorogì wɔ̀. Nni Sol à risìghà, à tumɛ̀n rìnììghnìŋdɛ̀n à kpaa lɛ: Kan nni wɔ̀ɔ kɔ̀ngi lɛ nki la? Kan à ɓàg min nyi lɛ: 6Pɛ̀sɛn aɗyoo, u ɗiŋi ɓi bàn, wɔɔnnɛ ɓɛ ri wɔ̀ ɓiì kpaà com ki ù ghɛ̀ɛ̀sɛɛ kì kìi. 7Ɓumɓɛ Sol à kɛ̀ɛ̀kɛ̀ɛ̀ghà ǹɗaŋ ri ɓɔ, ɓɛ rɛlìghà, ìris wu mamzì ɓɔ, ɓisuulɛ, ɓɛ wowɔkà jɛ̀ɛ̀ yɔ̀ ri yɔ̀, ɓɛ̀ kɛɛ̀ ghɛn ŋwaànɛ à tòtòkà. 8Nni Sol à pɛ̀sɛ̀ngà aɗyoo, wɔ̀lɛ kɛ̀ɛ ghɛnɛnti nsoò yɛ̀ɛ mis mii mɛ ɓaghà mɛ̀ ŋwàrɛn. Fɔɔnnɛ ɓɛ ɓangà nyi ɓi càg, ɓɛ kɛɛ̀sì nyi à kpaŋ a Damas. 9À kɔ̀rì mɛ̀ru mɛraa, kɛ̀ɛ ghɛnɛn, kɛ̀ɛ ɗi, kɛ̀ɛ nɔ.
10Ǹgherɛ̀n àdɛŋ ɗii lɛ Ananyas à ɓaghà a Damas, nyi nnɛ Kan à reŋìghà fɛlɛ yɛ̀ɛ ɓìdɛ̀ndɛm à kpaa nyi lɛ: Ananyas wɔ̀! Roànɛ̀n à ɓàg nyi lɛ: Kan, mɛ̀ɛnɛ lɛ. 11Kan à kpaa tì nyi lɛ: Pɛ̀sɛn aɗyoo, u kɛǹ ɓi bee ì mɛ̀rɛy, u kpaŋ a mɛɛ mɛ Zyudas, u tɔg ŋwaàdɛŋ wɔɔ lɛ Sol, ànɛ à yalɛ̀ngà a Tarisi àncèm a kìki bɔ̀ŋzɛ̀n ɓigomìnɛ; 12nni ɓi bɔŋ̀zɛ̀n ìnɛn, ki kiì yì nyi fɛlɛ yɛ̀ɛ ɓìdɛ̀ndɛm lɛ à ghɛɛ yì mum ɗii lɛ Ananyas di à ɗiŋii yì ɓi naa yìì, à ki saagh nyi ɓyàg ɓi nyoo lɛ di a ghɛnɛn tì. 13Ananyas à ɓàg lɛ: Kan, m̀mɛ wog di ɓum lɛɛ̀gwey ɓɛɛ sɛsɛg rigɛn ɗi ŋwaànɛ̀n àa nkìi ɓɛ̀gherɛ̀n ɓɛ a Yorisalɛm. 14Nni ɓi ɗi à rì ɗi fɛ, ɓɛ̀pìrɛɛtìrɛ̀ ɓɛgwey ɓɛ nfaa nyi ìtèɗ wulɛ a ɓangi ɓum ɓɛ̀cèm ɓɛ ɓɛɛ̀ rereŋi ɗii ɗyɔɔ, à ki fogi ɓɔ ɓi ɓìsɔŋ. 15Nsoò fɔlɔɔ, Kan à kpaatìghà Ananyas lɛ: Kɛ̀na lɔŋ ɓisuulɛ, Sol à rì mɛ̀ fɛlɛ yɛ̀ɛ com ki kisay ki ǹsɔnɛɛ. À rì ɓiì rèresii ɗii ɗyɛ̀m ɓi ɓìlɔ̀ŋ ɓi ɓɛ yii ɓi mɛ wɔɔ, rì a mɛ̀fòm, rì ɓi nyìinyìm à ɓɔn ɓɛ Isirayɛl. 16Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.
17Fɔɔnnɛ Ananyas à kɛ̀ngà min wɔɔ; nni yɛɛ̀ à ɗiŋìghà ɓi naa ìnɛ Sol à ɓaghà miì, à saagh nyi ɓyàg ɓi nyoo a ki kpaa nyi lɛ: Geni wɛ̀m Sol, Kan Yeesus ànɛ àa ǹɗèsɛɛ yì wɔ̀ ɓi bee di u yùyuiy fɛ, yɛɛ romiì mɛ̀ a lɔ̀ŋkɔɔ, lɛ mɛ̀ nsaagh wɔ̀ ɓyàg ɓi nyoo di wɔ̀ɔ ghɛnɛn tì, ù ki ɓa nɗonɛn ɗi Kìtɛntɛ̀ɛ̀n ki Nghay. 18Lɔŋ ɓi gom yɔ̀miɗ inɛ̀n, ɓyom ɓidɛŋ fɛlɛ yɛ̀ɛ ɓìɓaaɓaa ɓi ɓìzɛn ɓi ɓaaghrɛ̀ngày ɓi mis mɛ Sol, ɓi kpi ɓi zi, à ghɛnɛ̀n tì min, fɔɔnnɛ à pɛ̀sɛ̀ngà aɗyoo, ɓɛ ɓaɓtì nyi. 19Yɛ̀ɛ à ɗighà ɓìɗilàg, ìtèɗ wu yutì nyi ɓi nyoo.
À kɔ̀rìghà tì gàɓ ì mɛ̀ru rì ɓɛ̀gherɛ̀n ɓɛ a Damas. 20Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll. 21Ɓum ɓɛ̀cèm ɓɛ ɓɛ wowòkà di a kpaakpaa fɔlɔɔ, ɓɛ Kuuràkà, ɓɛ tɔtɔ̀g lɛ: Àa ŋwaànɛ yɛɛ ǹ-yeèyèèsì ɓum ɓɛ̀cèm ɓɛ ɓɛɛ kpɔŋkpɔŋ ɗii ɗi Yeesus a Yorisalɛm? Àncèm aà n-yuyuu yì ɓi fɛ rì fèg ànɛ lɛ, a ɓangi bɔ, a fogi ɓɔ ɓi ɓìsɔŋ, di a kɛǹ ɗì ɓɔ a ɓɛ̀pìrɛɛtìrɛ̀ ɓɛgwey? 22Kìɓan kifog Sol à kɛ̀nkɛ̀ngà lɔŋ asu, à ki sìisiìrɛ̀n ɓi rìrèrèsì ɗi ɓum lɛ ɓɛɛ yi saaɗ lɛ Yeesus à rì lɔŋ Kiris; Ɓɛ̀yudɛ̀n ɓɛ a Damas ɓɛ rɔɓkà kɛ̀ɛ̀ kìɓan ki ɓɛ ri lɛ ɓɛ pɛ̀ɛ̀zì Sol.
23Yɛ̀ɛ gàɓ ì mɛ̀ru ì ghaghìghà tì foo, Ɓɛ̀yudɛ̀n ɓɛ wɔrɛ̀n lɛ ɓɔɔ wey Sol. 24Kìɓan kifog, Sol à yighà kìtɔ̀kɔ̀ kaa ɓisuulɛ ɓɛ ramgàkà nyi a mɛ̀suunaa mɛ bàn lɛ ɓɛɛ wey nyi, ɓɛ beŋ̀ mɔ lɛ rì ìru rì ŋwos. 25Nni ɓɛ̀yilàg ɓii ɓɛ tekà nyi ɓi-ru wudɛŋ, ɓɛ kaŋ̀ nyi ɓi kìkpoŋ, ɓɛ ɓɔg gari ɗi nyi lɛ ɓɛɛ sɛɛ̀di nyi rì ǹɗig ɓɛg àmbog.
26Yɛ̀ɛ Sol à kpagà a Yorisalɛm, nni à kaaghà bee ìnɛ a rarɛn ɗì ɓɛ̀gherɛ̀n ɓɛ wɔ̀ɔ̀, kìɓan kifog ɓɛ̀roɓɛ̀n ɓɛ̀sɛ̀ɛ̀ ɓɛ̀cèm ɓɛ rirìsìghà nyi, lɛ ɓɛ ɓiisɛ̀ngà ɓi kigherɛɛ lɛ à ti ǹ-yilàg. 27Fɔɔnnɛ Ɓarinaɓas à tekà Sol à kɛ̀n ɗì nyi a ɓɛ̀kɛ̀nì-fìtom, à kpaa ɓɔ yɛ̀ɛ Sol à ghɛngà Kan ɓi bee ìnɛ a Damas rì yɛ̀ɛ Kan à tòòghrɛ̀ngà ɗì nyi, nni à kpaatìghà ɓɔ rìkuu ɗi ǹtyweeyi ɗi Sol àa ǹɗì rì ɗyɔ a Damas di a kakali ɓum ɗii ɗi Yeesus. 28À tumɛ̀n ɓi cààmɛ̀n kiǹ innɛ Sol à ɓasɛ̀ngà rì ɓɔ, ɓɛ kikì lɛ, ɓɛ ɓɔg, ɓɛ sɛn ǹɗaŋ di ɓɛɛ̀ rèresi ɓum ɗii ɗi Kan rì ǹtyweeyi ɓi nɗem. 29Sol à kuùkùrɛ̀ngà ɗì Ɓɛ̀yudɛ̀n ɓɛ ɓɛ ǹtòkì rìgìrɛg, à ki nyoonyolɛ̀n ɗì ɓɔ, wɔ̀lɛ ɓɛ̀roɓɛ̀n ɓɔɔ kaakàà bee inɛ lɛ ɓɛɛ wey nyi. 30Yɛ̀ɛ ɓɛ̀geni ɓɛ Sol ɓɛ righerɛn ɓɛ wokà fɔlɔɔ, fɔɔnnɛ ɓɛ kɛngà ɗì nyi a Sezare; yɛ̀ɛ ɓɛ kpagà wɔɔ, ɓɛ càɗ nyi lɛ a ghaàgh a Tarisi.
31Kìseŋi ki ɓaghà lɛ fyòoog, ɓi zi ì Zyude bimiɗ, a Galile rì a Samari; kìseŋi ki tetèkà ìtèɗ, ki kikì Kan mɛ̀wog, ki ki tèeghteghɛ̀n rì ǹghɛɓsɛn wu Kitɛntɛ̀ɛ̀n ki Nghay.
Pyɛɛri à wɔ̀ɔ̀zii ŋwaàdɛŋ ɗii lɛ Enee
32Pyɛɛri à rerènìghà kìlɔŋ kìcèm, nni nwos adɛŋ, à sɛngà a Lida lɛ a ghɛn ɓɛ̀gherɛ̀n ɓɛ ɓɛ ɓaghà wɔɔ. 33Fɔɔnnɛ à tanɛ̀ngà ŋwaàdɛŋ wɔɔ ɗii lɛ Enee ǹnɔ̀nɔŋiyɛn ɓi kon. Ki ɓaghà di ki ti bèg taàraa yɛ̀ɛ ŋwaànɛ̀n à kpìghà ɓi zi, lɛ à ɓaghà ǹwɔ̀ɔ̀ghrɛn. 34Nni Pyɛɛri à kpaaghà ŋwaànɛ̀n lɛ: Enee wɔ̀, Yeesus Kiris à wɔ̀ɔ̀zii wɔ̀, pɛ̀sɛn aɗyoo, u pegsɛn ɓyom ɓilɔ̀ŋ ɓyɔɔ. Fɔɔnnɛ ŋwaànɛ̀n à ghàskà kì pɛ̀sɛɛ aɗyoo. 35Yɛ̀ɛ ɓum ɓɛ̀cèm ɓɛ a Lida, rì ɓɛ ɓi-reɓ wu lɛ Sarɔn ɓɛ ghɛngà ŋwaànɛ̀n, nni ɓɛ gherɛ̀ngà Kan.
Pyɛɛri à ghèmzii giɓ adɛŋ ɗii lɛ Taɓita
36Giɓ adɛŋ yɛɛ ɓaghà ǹgherɛ̀n a Zyope ɗii lɛ Taɓita yɛɛ lɔɔ lɛ Dorikas; à kìkìghà kìrɔɔ lɛɛ̀gwey à ki ghɛɛghɛɓsì ɓum ɓɛ nyìighnyìg. 37Ɓi mɛ̀ru mɛ̀n, nni à roɓkà, à ki wu. Yɛ̀ɛ ɓɛ wuɓsìghà kìloŋ kii, ɓɛ kɛǹ kɔ kì nɔ̀ŋzii ɓi kìden ki naa ɓi mɛɛ mɛ aɗyoo. 38Yɛ̀ɛ ɓɛ̀gherɛ̀n ɓɛ a Zyope ɓɛ wokà lɛ Pyɛɛri à rì a Lida, Lida ànɛn à ràɓsɛ̀ngà ɓi loò rì Zyope, nni ɓɛ romgà ɓum ɓɛɓɛɛ̀ lɛ ɓɛɛ kɛǹ kì kpaà Pyɛɛri lɛ: Kùrùg yuis̀ a lɔ̀ŋkis, kɔ̀ɔ̀ lɛ̀mziì. 39Fɔɔnnɛ à pɛ̀sɛ̀ngà, à kɛ̀ɛ̀zɛ̀n ɗì ɓɔ. Yɛ̀ɛ à kpagà wɔɔ, ɓɛ ɓɔg ɗì nyi ɓi kìden ki naa ki ɓi mɛɛ aɗyoo, mɛ̀kpɔɓ mɛcèm mɛ tyoŋdɛ̀n nyi a nyoo di mɛɛ̀ rènɗèn ɓɛ rerèsì nyi lɛ, rì bùɓa rì ɓɛ̀kàɓà ɓɛ Dorikas à raràɗkà di à kaka cem. 40Nni Pyɛɛri à kpaŋzìghà min ɓum ɓɛ̀cèm ɓidan, à ɓag mɛ̀ɗu ɓi zi, à ɓɔ̀ŋzàg Bɛ̀ll, ajɛ̀m ìnɛn à lɔ̀ɔ̀ghrɛ̀n min ɓi ɓɛg à kìloŋ à kpaa lɛ: Taɓita wɔ̀, pɛ̀sɛn aɗyoo! Nni à ŋwàɗkà min mis à ghɛn Pyɛɛri, à pɛ̀sɛ̀n kìkɔ̀ɔ̀kɔ̀ɔ̀. 41Pyɛɛri à ɓan nyi ɓi càg, à pɛ̀sì nyi mɛ̀rɛy. À regìì min lɛ, rì ɓɛ̀gherɛ̀n rì mɛ̀kpɔɓ, à rèsì ɓɔ nyi, ɓɛ ghɛn lɛ à ti cem. 42Bàn ì Zyope bimiɗ ì wokà kìɓan kiǹ, ɓum lɛɛ̀gwey ɓɛ ki gherɛn Kan. 43Pyɛɛri à finɛ̀ngà a Zyope lèg àdɛŋ, à kɔ̀kɔ̀rì yɛ̀ɛ ŋwaàdɛŋ lɛ Simɔn ànɛ à ɓaghà ǹkìì-gòò.
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bafia Nouveau Testament © Bible Society of Cameroon, 2019.