Salmos 150

150

Salmo 150

Vivii jín tee o yaa ma, te jín kata o, te jín ndachiñu'u o Su'si ma

1Jayiñu'u na koo nuu Su'si Iya Tátnuni a.

Jin ndachiñu'u ni Su'si o a ini veñu'u ya ma.

Jin ndachiñu'u ni Su'si o iya tátnuni onde andivi ma.

Jin ndachiñu'u ni Su'si o a,

vaa maa ya kúu iya kúu sa'a ndaka.

2Jin ndachiñu'u ni Su'si o a,

vaa maa ya chi ñatuu nawa jákituu ya ja ma kuu sa'a ya ma.

3Jin tivi ni trompeta ma, te jin ndachiñu'u ni ya.

Jin tee ni arpa ma ji'in salterio ma, te jin ndachiñu'u ni ya.

4Jin kandava jin kandita ni, te jin skixin ni pandero ma,

te jin ndachiñu'u ni ya.

Te jin tivi ni flauta ma, te jin tee ni yutnu ka yi'i tuchi ma,

te jin ndachiñu'u ni ya.

5Vivii jin skixin ni platillu ma, te jin ndachiñu'u ni ya.

6Te ndaka ñayii a ja kúu ka xtatachi i ma,

jín ndachiñu'u i Su'si Iya Tátnuni ma.

Te ndaka tna kiti ma ja kúu ka xtatachi ti ma,

jin sa'a tna ti sukan.

¡Aleluya! ¡Ûni kóo jayiñu'u Su'si o Iya Tátnuni a!

Đang chọn:

Salmos 150: xtm

Tô màu

Sao chép

So sánh

Chia sẻ

Bạn muốn lưu những tô màu trên tất cả các thiết bị của mình? Đăng ký hoặc đăng nhập

Những câu Kinh Thánh phổ biến từ
Salmos 150