Masmur 149
149
Ransyeran kangkaman anasineko
1AMISY ararimbe!
Wakinyo ransyerano nggwanyine raijo AMISY Ai!
Inya, vatano wasatawandi watavondi Amisye Ai weap, wapo ararimbe no wapa anugane rai!
2Inya, Israel, wasanayanambe weye Wepi Po wasanari;
Inya, vatano wana no Sion,#149:2 Sion omamo munijo Yerusalem ama tamo wusyine mijem, muno veano vatano Israel mawain tavon. wasananibe weye wapa Akarijo Titi pije!
3Wasarer indamu Apa tame rararimbe,
weapo itari raeyan muno airape#149:3 itari ranigwano ‘‘kecapi’’ rai muno airape ranigwano ‘‘rebana’’ rai. ranepat indamu AMISY ararimbe!
4Weye AMISY anuga no irati Apa kawasae mai;
muno Wepi Po anasineko marova mai raunanto irati vatano manuga mpaaje mai.
5Indati Apa vatano matawandi utavondi Aije nawamo umananibe
weye Po marova apinde to,
muno ukiny manayanambe no arono unaki.
6Koveamo wenao ukangkamambe Amisye Ai rave manamoto manakoeve rai,
umba wo anaiyu nsansinao raijaro maneme rai.
7Indamu wo marova rasakinavo susyo wanave Amisye Ai jewene mansai,
muno mangke raugaje irati susye kotaro wanave Ai jewene mansai.
8Indamu wo poor besi raasaro awa akarijo titi mai,
muno waijo besi veano awa akarijo wo nuge raijanande maokaisy.
9Maisyare omaisy, wo mangke raugaje susyo mine so mai,
mamaisyo Amisye Apa dapatimuge rai.
Omirati kovo manakoe Amisye Po raugaje Apa kawasae matawandi utavondi Ai mansai mijem.
AMISY ararimbe!
Đang chọn:
Masmur 149: yva
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)