ᔪᐊᓇᓯᐅᑉ ᑕᑯᑎᑕᐅᓂᖏᑦ 13
13
ᐆᒪᔪᐊᓘᒃ ᒪᕐᕈᒃ
1 #
ᑖᓂᐊᓕ 7:3;
ᑕᑯᑎ 17:3,7-12. ᐆᒪᔪᐊᓗᖕᒥᒡᓗ ᑕᑯᕗᖓ ᐃᒪᕕᖕᒥᑦ ᖃᑭᔪᒥᒃ, ᖁᓕᓂᒃ ᓇᒡᔪᖃᕐᑐᒥᒃ 7ᓂᒡᓗ ᓂᐊᖁᖃᕐᓗᓂ, ᓇᒡᔪᖏᓪᓗ ᐊᑐᓂᑦ ᐊᖓᔪᖅᑳᕐᔪᐊᕐᓯᐅᑎᓂᒃ ᓂᐊᖂᑎᖃᕐᐳᑦ, ᓂᐊᖁᖏᓐᓂᓗ ᑎᑎᕋᕐᓯᒪᔪᖃᕐᐳᖅ ᒎᑎᒥᒃ ᐅᖃᕐᓂᕐᓘᑎᖃᕐᑐᓂᒃ. 2#ᑖᓂᐊᓕ 7:4-6.ᐆᒪᔪᐊᓗᒡᓗ ᑕᑯᔭᕋ ᓕᐅᐸᕐᑎᑐᑦ ᑕᐅᑦᑐᖃᕐᐳᖅ, ᐃᑎᒐᖃᕐᓗᓂᓗ ᓇᓄᕐᑎᑐᑦ, ᖃᓂᖃᕐᓗᓂᓗ ᓔᔭᓐᑎᑐᑦ. ᑐᕌᒎᓂᐅᓪᓗ ᐆᒪᔪᐊᓗᒃ ᐱᔪᓐᓇᕐᓂᕐᒥᓂᒃ ᑐᓂᓯᕕᒋᕚ ᐊᖓᔪᖅᑲᐅᕕᖕᒥᓂᒡᓗ ᐊᑕᓂᐅᓂᕐᔪᐊᒥᓂᒡᓗ. 3ᐆᒪᔪᐊᓘᓪᓗ ᓂᐊᖁᖓᑦᑕ ᐃᓚᖓᑦ ᑐᖁᑦᔪᑎᒃᓴᐅᔭᕐᑐᒥᒃ ᐃᑭᓕᕐᑕᐅᓯᒪᕗᖅ, ᐃᑭᓕᕐᑕᐅᓯᒪᓂᖓᓕ ᒪᒥᑉᐳᖅ, ᓄᓇᕐᔪᐊᕐᒥᐅᓕᒫᓪᓗ ᑲᒪᓂᕐᒧᑦ ᒪᓕᓕᕐᐳᑦ ᐆᒪᔪᐊᓗᖕᒥᒃ. 4ᐃᓄᐃᓪᓗ ᑐᕌᒎᓂ ᑐᒃᓯᐊᕐᕕᒋᕚᑦ, ᐱᔪᓐᓇᕐᓂᓕᒫᒥᓂᒃ ᑐᓂᓯᓚᐅᕐᒪᑦ ᐆᒪᔪᐊᓗᖕᒧᑦ, ᐆᒪᔪᐊᓗᒃᑕᐅᖅ ᑐᒃᓯᐊᕐᕕᐅᖃᑦᑕᕆᕗᖅ ᐃᓄᖕᓄᑦ ᐅᖃᕐᓗᑎᒃ, “ᐆᒪᔪᐊᓗᒃ ᑭᓇᒧᑦ ᐊᑦᔨᒋᔭᐅᔪᓐᓇᕐᐸ, ᑭᓇᓗ ᐅᓇᑕᕈᓐᓇᕐᐹ ᑖᑦᓱᒥᖓ?”
5 #
ᑖᓂᐊᓕ 7:8,25; 11:36. ᐆᒪᔪᐊᓗᒡᓗ ᐱᐅᔪᕆᓂᕐᒥᒃ ᐅᖃᕐᓂᕐᓗᒍᓐᓇᕐᓂᕐᒥᒡᓗ ᐅᖃᕈᓐᓇᕐᑎᑕᐅᕗᖅ, ᑍᒤᓕᐅᕈᓐᓇᕐᑎᑕᐅᕗᕐᓗ ᑕᖅᑭᓂᒃ 42ᓂᒃ; 6ᒎᑎᒥᒡᓗ ᐅᖃᕐᓂᕐᓘᑎᖃᓕᕐᐳᖅ, ᐊᑎᖓᓂᒃ ᐃᓂᖏᔭᖓᓂᒡᓗ, ᕿᓚᖕᒥᐅᓕᒫᓂᒡᓗ. 7#ᑖᓂᐊᓕ 7:21.ᐃᑦᔪᕐᓁᑦᑐᓂᒡᓗ ᐅᓇᑕᕈᓐᓇᕐᑎᑕᐅᕗᖅ ᓵᓚᖃᕈᓐᓇᕐᑎᑕᐅᓪᓗᓂᓗ. ᐱᔪᓐᓇᕐᓂᖃᕐᑎᑕᐅᕗᕐᓗ ᑭᖑᕚᕇᓕᒫᓄᑦ ᐃᓄᓕᒫᓄᓪᓗ ᐅᖃᐅᓯᖃᖃᑎᒌᖏᑦᑐᓄᓪᓗ ᐃᓅᖃᑎᒌᒡᔪᐊᓄᓪᓗ. 8#ᐃᓐᖏᕈᑦ 69:28.ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.
9“ᓯᐅᑎᖃᕐᑐᖅ ᓇᓪᓕᐊᑦ, ᑐᓴᕐᓕ! 10#ᔨᕆᒤᐊ 15:2; 43:11.ᓇᓪᓕᐊᑦ ᑎᒍᔭᐅᓂᐊᕐᓂᕈᓂ, ᑎᒍᔭᐅᓗᓂ ᑭᓯᐊᓂᐅᓂᐊᕐᐳᖅ; ᓇᓪᓕᐊᓪᓗ ᓴᕕᒡᔪᐊᒧᑦ ᑐᖁᑕᐅᓂᐊᕐᓂᕈᓂ ᑐᖁᑕᐅᓗᓂ ᑭᓯᐊᓂᐅᓂᐊᕆᕗᖅ. ᑕᕝᕙᓂ ᐃᑦᔪᕐᓁᑦᑐᑦ ᕿᓄᐃᓵᖁᔭᐅᕗᑦ ᐅᒃᐱᕐᓂᖃᕐᓗᑎᒃ.”
11ᑕᑯᒃᑲᓐᓂᕆᕗᖓ ᐆᒪᔪᐊᓗᖕᒥᒃ ᐊᓯᐊᓂᒃ ᓄᓇᕐᔪᐊᕐᒥᑦ ᓴᖅᑭᑦᑐᒥᒃ; ᒪᕐᕉᖕᓂᒃ ᓇᒡᔪᓕᖕᒥᒃ ᓄᕐᕋᐅᔭᕐᑐᑦ ᑐᕌᒎᓂᑐᓪᓗ ᐅᖃᓪᓚᐅᓯᖃᕐᐳᖅ. 12ᐆᒪᔪᐊᓘᓪᓗ ᓯᕗᓪᓕᐅᑉ ᐱᔪᓐᓇᕐᑎᑕᐅᓂᓕᒫᖓᓂᒃ ᐱᔪᓐᓇᐅᑎᖃᕐᐳᖅ ᓇᔪᕐᑕᒥᓂ, ᓄᓇᕐᔪᐊᕐᒥᐅᓪᓗ ᑐᒃᓯᐊᕐᑎᑉᐰᑦ ᐆᒪᔪᐊᓗᖕᒧᑦ ᓯᕗᓪᓕᕐᒧᑦ, ᐃᑭᖃᓚᐅᕐᑑᒐᓗᐊᒧᑦ ᒪᒥᓚᐅᕐᑐᒧᑦ. 13ᐆᒪᔪᐊᓗᒃ ᑭᖑᓪᓕᖅ ᑲᒪᓇᕐᑐᕐᔪᐊᓂᒃ ᐱᓇᓱᐊᕈᓐᓇᕐᐳᖅ, ᐊᒡᓛᑦ ᕿᓚᖕᒥᑦ ᐃᑯᒪᒥᒃ ᓄᓇᕐᔪᐊᕐᒧᑦ ᑲᑕᒃᑎᑦᓯᔪᓐᓇᕐᐳᖅ ᐃᓄᐃᑦ ᑕᒃᑯᐊᓂ. 14ᑲᒪᓇᕐᑐᓕᔪᓐᓇᕐᓂᕐᒥᓄᑦ ᓄᓇᕐᔪᐊᕐᒦᑦᑐᑦ ᐅᐃᕕᕐᕆᕔᑦ ᑲᒪᓇᕐᑐᓕᓂᕐᓂᒃ ᐱᓂᐊᕈᓐᓇᕐᑎᑕᐅᒐᒥ ᐆᒪᔪᐊᓘᑉ ᓯᕗᓪᓕᐅᑉ ᐱᔪᓐᓇᕐᓂᖓᒍᑦ, ᐆᒪᔪᐊᓗᒡᓗ ᓴᓇᖁᔨᕗᖅ ᐆᒪᔪᐊᓘᑉ ᐊᑦᔨᖓᓂᒃ ᐅᐱᒍᓲᑎᒋᔭᐅᔪᒃᓴᒥᒃ ᑖᑦᓱᒥᖓ ᐃᑭᓕᕐᑕᐅᓚᐅᕋᓗᐊᕐᓗᓂ ᑐᖁᓚᐅᖏᒻᒪᑦ; 15ᐆᒪᔪᐊᓘᒃ ᓯᕗᓪᓕᐅᑉ ᐊᑦᔨᓐᖑᐊᖓ ᐊᓂᕐᓵᕐᕕᒋᕚ ᓴᓇᓯᒪᔪᕐᓗ ᐅᖃᕈᓐᓇᕐᓯᕗᖅ, ᑐᖁᑕᐅᑎᑦᓯᔪᓐᓇᕐᓯᓪᓗᓂᓗ ᑐᒃᓯᐊᕐᕕᖃᕈᒪᖏᑦᑐᓕᒫᓂᒃ ᑖᑦᓱᒥᖓ. 16ᐃᓄᓕᒫᓪᓗ, ᓵᓚᐅᓂᕐᐹᑦ ᐱᔪᓐᓇᕐᑐᓪᓗ, ᐊᔪᕐᓴᓐᖏᑐᑦ ᐊᔪᕐᓴᕐᑐᓪᓗ, ᐱᔩᑦ ᐱᔨᐅᖏᑦᑐᓪᓗ, ᓇᓗᓁᒃᑯᑕᕐᑖᕐᑎᑉᐰᑦ ᐊᒡᒐᖏᑕ ᑕᓕᕐᐱᖏᑎᒍᑦ ᖃᐅᖏᑎᒍᓪᓘᓐᓃᑦ, 17ᓇᓪᓕᐊᓪᓗ ᓂᐅᕕᕈᓐᓇᓐᖏᓚᖅ ᓂᐅᕐᕈᑎᖃᕈᓐᓇᕋᓂᓘᓐᓃᑦ ᓇᓗᓁᒃᑯᑕᖃᖏᒃᑯᓂ ᐆᒪᔪᐊᓘᑉ ᐊᑎᖓᓂᒃ ᓈᓴᐅᑎᖓᓂᒡᓘᓐᓃᑦ.
18ᓯᓚᑐᓂᒃᑯᑦ ᐅᓇ ᐱᔭᕆᐊᖃᕐᐳᖅ: ᑐᑭᓯᔪᓐᓇᕐᑑᑉ ᐆᒪᔪᐊᓘᑉ ᓈᓴᐅᑎᖓ ᖃᐅᔨᔪᓐᓇᓂᐊᕐᐹ, ᑖᓐᓇ ᓈᓴᐅᑦ ᐃᓅᑉ ᓈᓴᐅᑎᒋᖕᒪᒍ, ᓈᓴᐅᑎᖓᓗ 666ᐅᕗᖅ.
Đang chọn:
ᔪᐊᓇᓯᐅᑉ ᑕᑯᑎᑕᐅᓂᖏᑦ 13: EAIB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Eastern Arctic Inuktitut Bible © Canadian Bible Society, 2012, 2021-2023.