पेरेरित 24
24
पावल बर्कि हाकिम फेलिक्सक अगाम
1ओक्र पाँच दिन् पछा सभेस बर्कि पुजारि हननिया आ कुन्हुँ-कुन्हुँ धर्मगुरुसब तर्तुल्लस कहलाहार वकिलसङ कैसरिया एले। अनि बर्कि हाकिम फेलिक्सलग जाइक पावलक बिरोधम मुद्दा घालल्के। 2जब पावलका बर्कि हाकिमक अगाम आनल्के त तर्तुल्लसले ओक्र बिरोधम एना कहति दोस लगाब लग्ले, “आदरनिय फेलिक्स, तुइं एक्दम बुद्धिमान मानुकस्या। तोर कारनस हमर्सिक देसम एक्दम सान्ति भेल छो। अनि तोरे कारनस हमर्सिक देसम थुप्रे अस्लि कामसब पनि भेल छो।
3“यि बात हमर्स्या जत पनि आ जखन पनि सुइकार कर्स्यो अनि मन भित्रिस तोरा धन्येबाद देस्यो। 4तर आब् हम तोर बेसि समै नाइ लइक कनेक सना बात कह चाहास्यो। किर्पा करिक हमर्सिक बात सुनि दे। 5किरकि यि मानुकले जति-तति हुल-दङ्ङा कराइ छो आ सन्सारभोरिक सभे यहुदिसिक बिचम झग्रा कराइ छो। अनि यि मानुक नासरि समुहक अगुवा पनि स्यो। 6अइले मन्दिरका पनि अपबित्र कर खोज्ति छलो। तर ओहे जुमा हमर्स्या एक्रा पकर्ल्यो। [हमर्स्या एक्रा आप्न नियम अन्सार सजाए दिअ खोज्ल छल्यो। 7तर सेनापति लुसियस आइक बलिस्के एक्रा हमर्सिक हाथस छिनिक लगाइल्को। अनि एक्र बिरोधम दोस लगाइलाहार्सिका तोरलग आइलाहार आदेस देल्को।]#24:7 पुर्ना गिरिक भसाक बाइबलम यि पद निख्ल नाइ छो। ओहेस यि पदका एहेन कोठा भित्रिम राख्ल छो। 8तुइं आप्नि एक्रा पुछ-ताछ कर्ब त उ सभे बात तोरा थाहा हेतो, जुन दोस हमर्स्या एक्रा लगाइल स्यो।” 9ओइलग आइल अरु यहुदिस्या पनि तर्तुल्लसले कहल बात साँच्चेक स्यो कहिक सहमति देल्के।
पावलले आप्न बारेम कहल
10जब बर्कि हाकिमले पावलका बज लागि इसारा करल्के त पावलले एनामे कहल्के, “हम्रा थाहा छो कि तुइं थुप्रे बरिसस यि देसक न्यायधिस स्या कहिक। ओहेस आब् हम खुसि भइक आप्न पछम कह स्यो।
11“हम यरुसलेमम पर्मेसोरक पुजा कर गेल बार दिनस बेसि भेल नाइ छो। यि बात तुहुँ पत्ता लगाब सक्ब। 12एकर्स्या न त हम्रा मन्दिरम कक्रोसङ बाद-बिबाद कर्ल पाइल छो, न त सभाघरम न सहरम हुल-दङ्ङा कर लागि मानुकसिका उक्साइल पाइल छो। 13न त अखन हम्रा लगाइल कुन्हुँ दोसक पर्मान एकर्स्या दिअ सक्तो। 14तर यि बात हम तोर अगाम सुइकार कर्स्यो कि जुन मुक्तिक पैराका एकर्स्या गलत कह छो, हम ओहे पैराका पछ्याइक मोसाले देल नियम आ अगमबक्तासिक कितापम निख्ल सभे बातका बिस्वास करिक आप्न पुर्खासिक पर्मेसोरका पुज्स्यो। 15हम एकर्सिएक जक्या धर्मि आ पापि मानुकसब मोरिक जेतो त ओकर्स्या फेरि जिउँत हेतो कहिक पर्मेसोरम आस राख्ल स्यो। 16ओहेस हम पर्मेसोर आ मानुकसिक अगाम आप्न सोचका सुद्द राख लागि कोसिस कर्स्यो।
17“हम थुप्रे बरिसक पछा आप्न यहुदि दाजुभाइसिका दान पुगाब आ पर्मेसोरका भेटि चर्हाब लागि यरुसलेम गेल छल्यो।#पेरेरित २१:१७-२८ 18यि काम कर्ति-कर्ति ओकर्स्या हम्रा मन्दिरम भेटाइल्को। उजुमा हम नियम अन्सार सुद्द भेल्हार बिधि पुरा करि सक्ल छल्यो। उजुमा ओइलग न त मान्खक भिर छलो, न त हुल-दङ्ङा भेल छलो। 19तर ओइलग एसिया पर्देसस आइल कुन्हुँ-कुन्हुँ यहुदिसब छलो। हम्र बिरोधम कथ्यो बात रहते त बरु ओकर्स्या तोरलग आइक हम्र उप्रिम दोस लगाब सक्ते। 20हम्र कहल बात गलत रहतो त एकर्स्या आप्नि यि कहुस कि जब हम यहुदिसिक बर्कि पन्चायतक अगाम ठेर्याइल छल्यो त हम्रम कथि दोस पाइल्को? 21एकर्स्या हम्रा यि बातम मत्रे दोस लगाब सक्तो। उ बात यि स्यो कि हम ओकर्सिक अगाम कस्याइक एनामे कहल छल्यो, ‘मोर्ल मानुकसब फेरि जिउँत हेतो कहिक बिस्वास कर्ल कारनस आजु हम्र मुद्दा चल्ति छो।’”#पेरेरित २३:६
22फेलिक्सका मुक्तिक पैराक बारेम अस्लिमे थाहा छले। ओहेस ओइले अदालतक बहसका रोकिक एना कहिक ओकर्सिका पठाइ देल्के, “जब सेनापति लुसियस एत एतो त हम तोर्सिक मुद्दा फैसला करि देबो।” 23एतेक कहिक फेलिक्सले कप्तानका एनामे आदेस देल्के, “पावलका सिपाहिसिक देख्भालम राख् तर ओक्रा बेसि दबाब नाइ धिह्य। अनि ओक्रा खाँचो पर्ल समानसब पुगाब आइलाहार ओक्र सङ्सिका पनि नाइ रोक्ह्य।”
फेलिक्स आ दुरुसिल्लाक अगाम पावल
24जब कन्हेक दिन् बित्ले त फेलिक्सले आप्न यहुदि बहु दुरुसिल्लाका लइक एले। अनि ओइले पावलका बलाइक येसु खिरिस्टका बिस्वास कर्लाहार बारेम पावलक मुहस सुनल्के। 25तर पावलले धार्मिक नियमका पालन कर पर्लाहार बात, आप्न मनका सम्हालिक राख्लाहार बात आ पछास पर्मेसोरले कर्लाहार फैसलाक बात सुनाइल्के त फेलिक्सले डेराइक एनामे कहल्के, “अखन तुइं जो, हम्रा फुर्सत हेतो त हम तोरा फेरि बलाइबो।” 26फेलिक्सले पावलस ढेवा पाइबो कि कहिक आस कर्ल छले। ओहेस ओइले पावलका घरि-घरि बलाइक बात-चित करेक।
27तर दुइ बरिस बित्ले त फेलिक्सक ठावम पर्किअस फेस्तस कहलाहार हाकिम एले। फेलिक्सले यहुदिसिका खुसि कर लागि पावलका जेलेम छोरि देल्के।
Đang chọn:
पेरेरित 24: DANU
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.
पेरेरित 24
24
पावल बर्कि हाकिम फेलिक्सक अगाम
1ओक्र पाँच दिन् पछा सभेस बर्कि पुजारि हननिया आ कुन्हुँ-कुन्हुँ धर्मगुरुसब तर्तुल्लस कहलाहार वकिलसङ कैसरिया एले। अनि बर्कि हाकिम फेलिक्सलग जाइक पावलक बिरोधम मुद्दा घालल्के। 2जब पावलका बर्कि हाकिमक अगाम आनल्के त तर्तुल्लसले ओक्र बिरोधम एना कहति दोस लगाब लग्ले, “आदरनिय फेलिक्स, तुइं एक्दम बुद्धिमान मानुकस्या। तोर कारनस हमर्सिक देसम एक्दम सान्ति भेल छो। अनि तोरे कारनस हमर्सिक देसम थुप्रे अस्लि कामसब पनि भेल छो।
3“यि बात हमर्स्या जत पनि आ जखन पनि सुइकार कर्स्यो अनि मन भित्रिस तोरा धन्येबाद देस्यो। 4तर आब् हम तोर बेसि समै नाइ लइक कनेक सना बात कह चाहास्यो। किर्पा करिक हमर्सिक बात सुनि दे। 5किरकि यि मानुकले जति-तति हुल-दङ्ङा कराइ छो आ सन्सारभोरिक सभे यहुदिसिक बिचम झग्रा कराइ छो। अनि यि मानुक नासरि समुहक अगुवा पनि स्यो। 6अइले मन्दिरका पनि अपबित्र कर खोज्ति छलो। तर ओहे जुमा हमर्स्या एक्रा पकर्ल्यो। [हमर्स्या एक्रा आप्न नियम अन्सार सजाए दिअ खोज्ल छल्यो। 7तर सेनापति लुसियस आइक बलिस्के एक्रा हमर्सिक हाथस छिनिक लगाइल्को। अनि एक्र बिरोधम दोस लगाइलाहार्सिका तोरलग आइलाहार आदेस देल्को।]#24:7 पुर्ना गिरिक भसाक बाइबलम यि पद निख्ल नाइ छो। ओहेस यि पदका एहेन कोठा भित्रिम राख्ल छो। 8तुइं आप्नि एक्रा पुछ-ताछ कर्ब त उ सभे बात तोरा थाहा हेतो, जुन दोस हमर्स्या एक्रा लगाइल स्यो।” 9ओइलग आइल अरु यहुदिस्या पनि तर्तुल्लसले कहल बात साँच्चेक स्यो कहिक सहमति देल्के।
पावलले आप्न बारेम कहल
10जब बर्कि हाकिमले पावलका बज लागि इसारा करल्के त पावलले एनामे कहल्के, “हम्रा थाहा छो कि तुइं थुप्रे बरिसस यि देसक न्यायधिस स्या कहिक। ओहेस आब् हम खुसि भइक आप्न पछम कह स्यो।
11“हम यरुसलेमम पर्मेसोरक पुजा कर गेल बार दिनस बेसि भेल नाइ छो। यि बात तुहुँ पत्ता लगाब सक्ब। 12एकर्स्या न त हम्रा मन्दिरम कक्रोसङ बाद-बिबाद कर्ल पाइल छो, न त सभाघरम न सहरम हुल-दङ्ङा कर लागि मानुकसिका उक्साइल पाइल छो। 13न त अखन हम्रा लगाइल कुन्हुँ दोसक पर्मान एकर्स्या दिअ सक्तो। 14तर यि बात हम तोर अगाम सुइकार कर्स्यो कि जुन मुक्तिक पैराका एकर्स्या गलत कह छो, हम ओहे पैराका पछ्याइक मोसाले देल नियम आ अगमबक्तासिक कितापम निख्ल सभे बातका बिस्वास करिक आप्न पुर्खासिक पर्मेसोरका पुज्स्यो। 15हम एकर्सिएक जक्या धर्मि आ पापि मानुकसब मोरिक जेतो त ओकर्स्या फेरि जिउँत हेतो कहिक पर्मेसोरम आस राख्ल स्यो। 16ओहेस हम पर्मेसोर आ मानुकसिक अगाम आप्न सोचका सुद्द राख लागि कोसिस कर्स्यो।
17“हम थुप्रे बरिसक पछा आप्न यहुदि दाजुभाइसिका दान पुगाब आ पर्मेसोरका भेटि चर्हाब लागि यरुसलेम गेल छल्यो।#पेरेरित २१:१७-२८ 18यि काम कर्ति-कर्ति ओकर्स्या हम्रा मन्दिरम भेटाइल्को। उजुमा हम नियम अन्सार सुद्द भेल्हार बिधि पुरा करि सक्ल छल्यो। उजुमा ओइलग न त मान्खक भिर छलो, न त हुल-दङ्ङा भेल छलो। 19तर ओइलग एसिया पर्देसस आइल कुन्हुँ-कुन्हुँ यहुदिसब छलो। हम्र बिरोधम कथ्यो बात रहते त बरु ओकर्स्या तोरलग आइक हम्र उप्रिम दोस लगाब सक्ते। 20हम्र कहल बात गलत रहतो त एकर्स्या आप्नि यि कहुस कि जब हम यहुदिसिक बर्कि पन्चायतक अगाम ठेर्याइल छल्यो त हम्रम कथि दोस पाइल्को? 21एकर्स्या हम्रा यि बातम मत्रे दोस लगाब सक्तो। उ बात यि स्यो कि हम ओकर्सिक अगाम कस्याइक एनामे कहल छल्यो, ‘मोर्ल मानुकसब फेरि जिउँत हेतो कहिक बिस्वास कर्ल कारनस आजु हम्र मुद्दा चल्ति छो।’”#पेरेरित २३:६
22फेलिक्सका मुक्तिक पैराक बारेम अस्लिमे थाहा छले। ओहेस ओइले अदालतक बहसका रोकिक एना कहिक ओकर्सिका पठाइ देल्के, “जब सेनापति लुसियस एत एतो त हम तोर्सिक मुद्दा फैसला करि देबो।” 23एतेक कहिक फेलिक्सले कप्तानका एनामे आदेस देल्के, “पावलका सिपाहिसिक देख्भालम राख् तर ओक्रा बेसि दबाब नाइ धिह्य। अनि ओक्रा खाँचो पर्ल समानसब पुगाब आइलाहार ओक्र सङ्सिका पनि नाइ रोक्ह्य।”
फेलिक्स आ दुरुसिल्लाक अगाम पावल
24जब कन्हेक दिन् बित्ले त फेलिक्सले आप्न यहुदि बहु दुरुसिल्लाका लइक एले। अनि ओइले पावलका बलाइक येसु खिरिस्टका बिस्वास कर्लाहार बारेम पावलक मुहस सुनल्के। 25तर पावलले धार्मिक नियमका पालन कर पर्लाहार बात, आप्न मनका सम्हालिक राख्लाहार बात आ पछास पर्मेसोरले कर्लाहार फैसलाक बात सुनाइल्के त फेलिक्सले डेराइक एनामे कहल्के, “अखन तुइं जो, हम्रा फुर्सत हेतो त हम तोरा फेरि बलाइबो।” 26फेलिक्सले पावलस ढेवा पाइबो कि कहिक आस कर्ल छले। ओहेस ओइले पावलका घरि-घरि बलाइक बात-चित करेक।
27तर दुइ बरिस बित्ले त फेलिक्सक ठावम पर्किअस फेस्तस कहलाहार हाकिम एले। फेलिक्सले यहुदिसिका खुसि कर लागि पावलका जेलेम छोरि देल्के।
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.