पेरेरित 11
11
पत्रुसले आप्न कर्ल कामक बारेम कहल
1यहुदिया पर्देसम भेल पेरेरित आ अरु बिस्वासिस्या पनि दस्रो जातक मानुकस्या पर्मेसोरक बचनका आप्न जिबनम सुइकार करल्को कहिक सुनल्के। 2ओहेस जब पत्रुस यरुसलेम एले त खत्ना कर्ल बिस्वासिस्या ओक्र बिरोध कर्ति एनामे कहल्के, 3“तुइं खत्ना नाइ भेल मानुकसिक घरम जाइक किर खनाइ खाइछ?” 4तब पत्रुसले जे-जे भेल छले उ सभे बातसब सुरुवेस एनामे सुनाब लग्ले,
5“हम योप्पा सहरम रहत खुमा पर्थना कर्ति छल्यो। ओहे जुमा हम एगो दर्सन देख्ल्यो। ओइ दर्सनम चारो कोनम घुरिस बाह्न्ल एगो बर्किगो तन्ना जक्या चिज सोर्गस तरभर झार्त देख्ल्यो। अनि उ तन्ना जक्या चिज हम्रलग एलो। 6जब हम अस्लिमे ताक्ल्यो त ओइम पिर्थिबिक चारगो टाङ भेल पसुसब, बोनक पसुसब, घिसर्लाहार जन्तु आ अकासक फुदिसब देख्ल्यो। 7ओहे जुमा हम एना कहत एगो अबाज सुन्ल्यो, ‘ए पत्रुस, उठ् आ एकर्सिका मारिक खो।’ 8तर हम एनामे कहल्यो, ‘नाइ प्रभु, हम नाइ खेबो किरकि कह्याहु न हम एहेन अपबित्र आ असुद्द चिजसब आप्न मुहम घाल्ल नाइ स्यो।’ 9तर उ अबाजले सोर्गस फेरि एनामे कहल्को, ‘पर्मेसोरले जुन चिजका सुद्द कर्ल छो ओक्रा तुइं किर असुद्द कहछ।’ 10तिन बाजि तलिक ओनाहिमे भेलो। तब उ सभे चिज फेरि सोर्गम लगाइल्को। 11ओहे जुमा कैसरिया सहरस हम्रा बलाब पठाइल तिन जना मानुकसब हम रहल घरम एलो। 12अनि पबित्र आत्माले हम्रा बिना हिच्किचाइक ओकर्सिसङ जो कहिक कहल्को। हम्रसङ यि छ जना भाइसब पनि गेल छलो। हमर्स्या सभे जना कर्नेलियसक घरम ढुक्ल्यो। 13अनि कर्नेलियसले हमर्सिका आप्न घरम एगो सोर्गदुत देखा पर्ल बात सुनाइल्को। उ सोर्गदुतले ओक्रा एनामे कहल छलो, ‘तुइं योप्पा सहरम मानुकसब पठाइक पत्रुस कहलाहार सिमोनका बलाइक आन्। 14ओइले तोरा पर्मेसोरक बचन सुनाइतो। ओहे बचनक मार्फत तुइं आ तोर पुरा परिबारले मुक्ति पाइब।’ 15जब हम बज सुरु कर्ल्यो त जेनामे सुरुम आपन्सिक उप्रिम पबित्र आत्मा आइल छलो ओनाहिमे ओकर्सिक उप्रिम पनि एलो। 16तब हम्रा प्रभुले कहल उ बचन याद एलो, ‘युहन्नाले त पानिस बप्तिस्मा देल्को तर तोर्स्या पबित्र आत्मास बप्तिस्मा हेब।’#पेरेरित १:५ 17प्रभु येसु खिरिस्टका बिस्वास कर्त खुमा जुन पबित्र आत्मा पर्मेसोरले आपन्सिका देल छलो, ओहे पबित्र आत्मा दस्रो जातक मानुकसिका पनि देल्को त हम कोन स्यो झन पर्मेसोरका रोक सक्लाहार?”
18यि बात सुनिक प्रभुका बिस्वास कर्लाहार यहुदिसब चुप भेले। अनि एना कहति पर्मेसोरक पर्संसा करल्के, “आब् त पर्मेसोरले दस्रो जातक मानुकसिका पनि पस्चताप करिक जिबन पाइलाहार मौका देल छो।”
एन्टिओखिया सहरक मन्डलि
19इस्तिफनक हत्याक पछा यरुसलेमक बिस्वासिसिका सताइल कारनस ओइलगक बिस्वासिसब छिरोबित भइक कुन्हुँ फोनिके पर्देस, कुन्हुँ साइपरस टापु आ कुन्हुँ चाहिं एन्टिओखिया सहरम पुग्ले। ओकर्स्या ओइलगक यहुदिसिका मत्रे खुसिक खबर सुनाबेक। 20तर ओकर्सिभोरिम कुन्हुँ-कुन्हुँ चाहिं साइपरस आ कुरेनि सहरक बिस्वासिसब छले। ओकर्स्या एन्टिओखिया सहरम जाइक दस्रो जातक मानुकसिका पनि प्रभु येसुक बारेम खुसिक खबर सुनाइल्के। 21प्रभुक सक्ति ओकर्सिसिसङ भेल कारनस थुप्रे मानुकस्या बिस्वास करिक प्रभुभर घुमिक एले।
22जब यि खबर यरुसलेमक मन्डलिम पुग्ले त ओकर्स्या बर्नबासका एन्टिओखिया पठाइल्के। 23अनि बर्नबास ओत पुग्ले त पर्मेसोरले ओइलगक बिस्वासिसिका आसिक देल देखिक उ एक्दम खुसि भेले। अनि प्रभुका पुरा मनस बिस्वास कर्ह्य कहिक ओकर्सिका हौसला देल्के। 24बर्नबास पबित्र आत्मास भोर्ल आ बिस्वासम एक्दम जोर्गर भेल इमान्दार मानुक छले। ओइले थुप्रे मानुकसिका प्रभुम बिस्वास कराइल्के।
25ओक्र पछास बर्नबास साउलका खोज लागि टार्सस सहर गेले। 26जब ओइले साउलका भेटाइल्के त ओक्रा एन्टिओखया सहर आनल्के। अनि एक बरिस तलिक ओकर्स्या दुनु जनाले मन्डलिक मानुकसिसङ सङ्गति कर्ति थुप्रे मानुकसिका सिखाइल्के। सभेस सुरुम एन्टिओखिया सहरेम येसुक चेलासिका खिरिस्टियन कहिक कहल्के।
27ओहे जुमा कुन्हुँ-कुन्हुँ अगमबक्तासब यरुसलेम सहरस एन्टिओखिया एले। 28ओकर्सिभोरिम अगाबस कहलाहार एक जना अगमबक्ता छले। ओइले मन्डलिम उठिक सन्सारेभोरि बर्कि अनिकाल पर लग्ल छो कहिक पबित्र आत्माक मार्फत अगमबानि करल्के। उ अनिकाल रोमि माहारजा कलौडियसले सासन कर्ल समैम पुरा भेले। 29ओहेस एन्टिओखियाक बिस्वासिस्या आप्न हैसियत अन्सार यहुदिया पर्देसक बिस्वासिसिक लागि सहयोग पठाइलाहार बिचार करल्के। 30एनामे ओकर्स्या ढेवा उठाइक बर्नबास आ साउलक मार्फत यरुसलेमक मन्डलिक अगुवासिका पठाइ देल्के।
Đang chọn:
पेरेरित 11: DANU
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.
पेरेरित 11
11
पत्रुसले आप्न कर्ल कामक बारेम कहल
1यहुदिया पर्देसम भेल पेरेरित आ अरु बिस्वासिस्या पनि दस्रो जातक मानुकस्या पर्मेसोरक बचनका आप्न जिबनम सुइकार करल्को कहिक सुनल्के। 2ओहेस जब पत्रुस यरुसलेम एले त खत्ना कर्ल बिस्वासिस्या ओक्र बिरोध कर्ति एनामे कहल्के, 3“तुइं खत्ना नाइ भेल मानुकसिक घरम जाइक किर खनाइ खाइछ?” 4तब पत्रुसले जे-जे भेल छले उ सभे बातसब सुरुवेस एनामे सुनाब लग्ले,
5“हम योप्पा सहरम रहत खुमा पर्थना कर्ति छल्यो। ओहे जुमा हम एगो दर्सन देख्ल्यो। ओइ दर्सनम चारो कोनम घुरिस बाह्न्ल एगो बर्किगो तन्ना जक्या चिज सोर्गस तरभर झार्त देख्ल्यो। अनि उ तन्ना जक्या चिज हम्रलग एलो। 6जब हम अस्लिमे ताक्ल्यो त ओइम पिर्थिबिक चारगो टाङ भेल पसुसब, बोनक पसुसब, घिसर्लाहार जन्तु आ अकासक फुदिसब देख्ल्यो। 7ओहे जुमा हम एना कहत एगो अबाज सुन्ल्यो, ‘ए पत्रुस, उठ् आ एकर्सिका मारिक खो।’ 8तर हम एनामे कहल्यो, ‘नाइ प्रभु, हम नाइ खेबो किरकि कह्याहु न हम एहेन अपबित्र आ असुद्द चिजसब आप्न मुहम घाल्ल नाइ स्यो।’ 9तर उ अबाजले सोर्गस फेरि एनामे कहल्को, ‘पर्मेसोरले जुन चिजका सुद्द कर्ल छो ओक्रा तुइं किर असुद्द कहछ।’ 10तिन बाजि तलिक ओनाहिमे भेलो। तब उ सभे चिज फेरि सोर्गम लगाइल्को। 11ओहे जुमा कैसरिया सहरस हम्रा बलाब पठाइल तिन जना मानुकसब हम रहल घरम एलो। 12अनि पबित्र आत्माले हम्रा बिना हिच्किचाइक ओकर्सिसङ जो कहिक कहल्को। हम्रसङ यि छ जना भाइसब पनि गेल छलो। हमर्स्या सभे जना कर्नेलियसक घरम ढुक्ल्यो। 13अनि कर्नेलियसले हमर्सिका आप्न घरम एगो सोर्गदुत देखा पर्ल बात सुनाइल्को। उ सोर्गदुतले ओक्रा एनामे कहल छलो, ‘तुइं योप्पा सहरम मानुकसब पठाइक पत्रुस कहलाहार सिमोनका बलाइक आन्। 14ओइले तोरा पर्मेसोरक बचन सुनाइतो। ओहे बचनक मार्फत तुइं आ तोर पुरा परिबारले मुक्ति पाइब।’ 15जब हम बज सुरु कर्ल्यो त जेनामे सुरुम आपन्सिक उप्रिम पबित्र आत्मा आइल छलो ओनाहिमे ओकर्सिक उप्रिम पनि एलो। 16तब हम्रा प्रभुले कहल उ बचन याद एलो, ‘युहन्नाले त पानिस बप्तिस्मा देल्को तर तोर्स्या पबित्र आत्मास बप्तिस्मा हेब।’#पेरेरित १:५ 17प्रभु येसु खिरिस्टका बिस्वास कर्त खुमा जुन पबित्र आत्मा पर्मेसोरले आपन्सिका देल छलो, ओहे पबित्र आत्मा दस्रो जातक मानुकसिका पनि देल्को त हम कोन स्यो झन पर्मेसोरका रोक सक्लाहार?”
18यि बात सुनिक प्रभुका बिस्वास कर्लाहार यहुदिसब चुप भेले। अनि एना कहति पर्मेसोरक पर्संसा करल्के, “आब् त पर्मेसोरले दस्रो जातक मानुकसिका पनि पस्चताप करिक जिबन पाइलाहार मौका देल छो।”
एन्टिओखिया सहरक मन्डलि
19इस्तिफनक हत्याक पछा यरुसलेमक बिस्वासिसिका सताइल कारनस ओइलगक बिस्वासिसब छिरोबित भइक कुन्हुँ फोनिके पर्देस, कुन्हुँ साइपरस टापु आ कुन्हुँ चाहिं एन्टिओखिया सहरम पुग्ले। ओकर्स्या ओइलगक यहुदिसिका मत्रे खुसिक खबर सुनाबेक। 20तर ओकर्सिभोरिम कुन्हुँ-कुन्हुँ चाहिं साइपरस आ कुरेनि सहरक बिस्वासिसब छले। ओकर्स्या एन्टिओखिया सहरम जाइक दस्रो जातक मानुकसिका पनि प्रभु येसुक बारेम खुसिक खबर सुनाइल्के। 21प्रभुक सक्ति ओकर्सिसिसङ भेल कारनस थुप्रे मानुकस्या बिस्वास करिक प्रभुभर घुमिक एले।
22जब यि खबर यरुसलेमक मन्डलिम पुग्ले त ओकर्स्या बर्नबासका एन्टिओखिया पठाइल्के। 23अनि बर्नबास ओत पुग्ले त पर्मेसोरले ओइलगक बिस्वासिसिका आसिक देल देखिक उ एक्दम खुसि भेले। अनि प्रभुका पुरा मनस बिस्वास कर्ह्य कहिक ओकर्सिका हौसला देल्के। 24बर्नबास पबित्र आत्मास भोर्ल आ बिस्वासम एक्दम जोर्गर भेल इमान्दार मानुक छले। ओइले थुप्रे मानुकसिका प्रभुम बिस्वास कराइल्के।
25ओक्र पछास बर्नबास साउलका खोज लागि टार्सस सहर गेले। 26जब ओइले साउलका भेटाइल्के त ओक्रा एन्टिओखया सहर आनल्के। अनि एक बरिस तलिक ओकर्स्या दुनु जनाले मन्डलिक मानुकसिसङ सङ्गति कर्ति थुप्रे मानुकसिका सिखाइल्के। सभेस सुरुम एन्टिओखिया सहरेम येसुक चेलासिका खिरिस्टियन कहिक कहल्के।
27ओहे जुमा कुन्हुँ-कुन्हुँ अगमबक्तासब यरुसलेम सहरस एन्टिओखिया एले। 28ओकर्सिभोरिम अगाबस कहलाहार एक जना अगमबक्ता छले। ओइले मन्डलिम उठिक सन्सारेभोरि बर्कि अनिकाल पर लग्ल छो कहिक पबित्र आत्माक मार्फत अगमबानि करल्के। उ अनिकाल रोमि माहारजा कलौडियसले सासन कर्ल समैम पुरा भेले। 29ओहेस एन्टिओखियाक बिस्वासिस्या आप्न हैसियत अन्सार यहुदिया पर्देसक बिस्वासिसिक लागि सहयोग पठाइलाहार बिचार करल्के। 30एनामे ओकर्स्या ढेवा उठाइक बर्नबास आ साउलक मार्फत यरुसलेमक मन्डलिक अगुवासिका पठाइ देल्के।
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.