Luke 17
17
1ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩ ᨯᩱᩢᨷ᩠ᩋᨠᨠᩣ᩠ᩅ᩵ᨴᩦ᩵ᩃᩪᨠᨶ᩠ᩋᨦᩢᩅᩤ᩵ “ᩈ᩠ᨦᩥ᩵ᨡ᩠ᩋᨦᨴᩦ᩵ᩋ᩠ᨶᩢᩉᩮ᩠ᨯᩉᩨᩢᨤ᩠ᨶᩫ ᩁᩮᩣᩢᨾᩦᨹ᩠ᨯᩥᨴᩰ᩠ᩇᨴᩩᨧᩁ᩠ᨲᩥᨶ᩠ᨶᩢᩢ ᨾᩦᨾᩣ᩠ᨠᩉᩖᩣ᩠ᨿᨴᩯᩢᩓ᪩ ᨣᩭᨲᩯ᩵ᩅᩤ᩵ ᨤ᩠ᨶᩫᨴᩦ᩵ᩋ᩠ᨶᩢᨧᩩᩈᩳ᩵ᩉᩨᩢᨠᩣᩴ᩠ᨴᨹ᩠ᨯᩥᨶ᩠ᨶᩢᩢ ᨸᩮ᩠ᨶᩋᨾᨣᩘᩃᨣᩭᩓ᪩ 2ᨻᩮ᩠ᩋᩨ᩵ᩉᩨᩢᨻᩮ᩠ᨶᩨ᩵ ᨠᩣᩴ᩠ᨴᨹ᩠ᨯᩥᨴᩰ᩠ᩇᨴᩩᨧᩁ᩠ᨲᩥᨶ᩠ᨶᩢᩢ ᩉᩮ᩠ᨾᩨᩁᨯ᩠ᨦᩢ᩵ᩐᩣᩢᨩᩮ᩠ᨠᩨᩈ᩠ᨷᩩᨤᩳ ᨲ᩠ᩅᩫᨧᩮᩣᩢᩢᨠᩮᩣᩢ᩵ᩈᩮᩓ᩠ᩅᩢ ᩉ᩠ᨠᩫᨲ᩠ᨠᩫᨶᩱᨶᩣᩴᩢᨾᩉᩣᩈ᩠ᨾᩩ᩻ᨯᨶ᩠ᨶᩢᩢ ᨯᩦᨠ᩠ᩅᩣ᩵ᩉᩮᩖᩨᩋᨻᩮ᩠ᨶᩨ᩵ᩅᩤ᩵ᩋ᩠ᨶᩢᩢᨯᩯ᩵”᪩ 3ᨼᩰ᩠ᩋᩡᩈ᩠ᨶᩢᨶ᩠ᨶᩢᩢ ᨡᩳᩉᩨᩢᩁᩡᩅ᩠ᨦᩢᩅᩱᩢᨲ᩠ᩅᩫᨹᩱᨲ᩠ᩅᩫᨾ᩠ᨶᩢ᪩
ᨳᩣᩢᩅᩤ᩵ᨶᩱᨻᩦ᩵ᨶ᩠ᩋᨦᩢᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨯᩱᩢᩉᩮ᩠ᨯᨠᩣᩴ᩠ᨴᨹ᩠ᨯᩥᨶ᩠ᨶᩢᩢ ᨩᩭ᩵ᨠ᩠ᨶᩢᩈ᩠ᨦᩢ᩵ᩈ᩠ᩋᩁᩉᩨᩢᩈᩮᨣᩣᩴᩓ᪩ ᨳᩣᩢᩅᩤ᩵ᨾ᩠ᨶᩢᨯᩱᩢᩈᩴᩅᩮ᩠ᨣᨶ᩠ᨶᩢᩢ ᨩ᩠ᩅᩁᨠ᩠ᨶᩢᩋᨶᩩᨬᩣ᩠ᨲᨸ᩠ᨶᩢᨾ᩠ᨶᩢᩈᩮᨣᩣᩴ᪩ 4ᨳᩣᩢᩅᩤ᩵ᨾ᩠ᨶᩢᨯᩱᩢᨠᩣᩴ᩠ᨴᨹ᩠ᨯᩥᩅ᩠ᨶᩢ ᪑ ᨧᩮ᩠ᨯᨻ᩠ᩋᨠᩓ᩠ᩅᩢ ᨾᩣᩈ᩠ᨾᩫᨾᩣᨤ᩠ᨶᩨ ᨴᩩᨠᨻ᩠ᩋᨠᨶ᩠ᨶᩢᩢ ᩈᩪᨲ᩠ᩋᨦᩢᩋᨶᩩᨬᩣ᩠ᨲᨸ᩠ᨶᩢᨾ᩠ᨶᩢᩈᩮᨣᩣᩴ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩
ᨣ᩠ᩅᩣ᩠ᨾᨿᩩ᩵ᨾᨿᩣᩴᩓᩢ ᩉ᩠ᨶᩣᩢᨴᩦ᩵ᨠᩣ᩠ᩁ 5ᨿᩣ᩠ᨾᨶ᩠ᨶᩢᩢ ᩈᩣᩅᨠᨴ᩠ᨦᩢᩉᩖᩣ᩠ᨿᨧᩮᩣᩢᩢᩅᩤ᩵ “ᨡᩳᩉᩨᩢᨧᩪᩢᨡᩣᩢᨡᩮᩣᩢᨾᩦᨧᩱᨿᩩ᩵ᨾᨿᩣᩴ ᨡ᩠ᨶᩨᩢᨾᩣᩉᩮᩖᩨᩋᨠᩮᩣᩢ᩵ᩈᩮᨣᩣᩴᩓ” ᩉᩱ᩠ᩅᩢᩈᩣᩅᩤ᩵ᨯ᩠ᨦᩢ᩵ᨶᩦᩢ᪩ 6ᨴ᩠ᨶᩤ᩵ᨧᩮᩣᩢᩢᩅᩤ᩵ “ᨳᩣᩢᩅᩤ᩵ᨾᩦᨧᩱᨿᩩ᩵ᨾᨿᩣᩴᨷᩕᨾᩣ᩠ᨱᨾ᩠ᩋᨠ ᨣᩤ᩵ᨾᩮ᩠ᨯᨹ᩠ᨠᩢᨠᩣ᩠ᨯᨯᩣᩴᩈᩮᨣᩢᨯᩦ ᩉᩮ᩠ᨾᩨᩁᨯ᩠ᨦᩢ᩵ᩅᩤ᩵ ᩉᩖᩫᨠᩐᩣᩢᩁᩣ᩠ᨠᨲ᩠ᨶᩫᩢ ᨷ᩠ᩋᩁᩈᩮᨸ᩠ᨦᩫᩋᩣᨩ᩠ᨬᩣ ᩉᩨᩢᨻᩱᩋ᩠ᩋᨠᨴᩦ᩵ᨶᩱᨶᩣᩴᩢ ᨾᩉᩣᩈ᩠ᨾᩩ᩻ᨯᨶ᩠ᨶᩢᩢ ᨲ᩠ᨶᩫᩢᨷ᩠ᩋᩁᨿ᩠ᨦᩢ ᨧᩢᨼ᩠ᨦᩢᨣᩣᩴᩀᩪ᩵ᩓ”᪩ 7“ᨳᩣᩢᩅᩤ᩵ᩃᩪᨠᨶ᩠ᩋᨦᩢᨴ᩠ᨶᩤ᩵ᨳᩱᨶᩣ᪨ ᩃ᩠ᨿᨦᩢᨪ᩠ᩅᩫᩓ᩠ᩅᩢᨻ᩠ᩋᨠᨾᩣᨤ᩠ᨶᩨᨶ᩠ᨶᩢᩢ ᨴ᩠ᨶᩤ᩵ᨧᩢᩁ᩠ᨷᩢᨲ᩠ᩋᩁᩢᩉᩨᩢᨡᩮᩣᩢᩢᨾᩣᨶᩱᩁᩮ᩠ᨶᩨᩓ᩠ᩅᩢᨠ᩠ᨶᩥ ᩋᩣᩉᩣ᩠ᩁᩀᩪ᩵ᩌᩣᩢ᪩ 8ᨷᩢᩅᩤ᩵ᨯᩱᩢᩓ ᩉᩮ᩠ᨯᩋᩣᩉᩣ᩠ᩁᨸ᩠ᨶᩢᨣᩪᨠ᩠ᨶᩥᩓ᩠ᩅᩢ ᨻᩱᩢᨳᩣᩢᨣᩪᨲᩳ᩵ᨳ᩠ᨦᩨᨻᩳᨠ᩠ᨶᩥᩓ᩠ᩅᩢ ᨾ᩠ᨦᩨᨧ᩠ᨦᩥ᩵ᩐᩣᩢᨠ᩠ᨶᩥᩓ ᨴ᩠ᨶᩤ᩵ᨧᩢᩅᩤ᩵ᨯ᩠ᨦᩢ᩵ᨶᩦᩢᨷᩢᨩᩱ᩵ᩌᩣᩢ᪩ 9ᨷᩢᩈ᩠ᨾᩫᨣ᩠ᩅᩁᨯᩦᨡ᩠ᩋᨷᨣᩩᨱᩓ᪩ 10ᩉᩮ᩠ᨾᩨᩁᨠ᩠ᨶᩢᨯ᩠ᨦᩢ᩵ᨠᩮᩣᩢ᩵ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨳᩣᩢᩅᩤ᩵ᨩᩱᩢᩉᩮ᩠ᨯᨠᩣ᩠ᩁᩓ᩠ᩅᩢᨶ᩠ᨶᩢᩢ ᨡᩮᩣᩢᨣᩢᩅᩤ᩵ ᨡᩣᩢᨡᩮᩣᩢᨶᩦᩢᨸᩮ᩠ᨶᨤ᩠ᨶᩫᨩᩱᩢ ᨵᨾ᩠ᨾᨯᩣᨣᩭᩈ᩠ᨾᩫᨣ᩠ᩅᩁᨯᩦᨠᩣᩴ᩠ᨴ ᨣᩢᨧᩢᨯᩱᩢᨠᩣᩴ᩠ᨴᨣᩭ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 11ᩅᩣ᩠ᨿᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᨶᩦᩢ ᨯᩱᩢᨹᩣ᩠ᨶ᩵ᨻᩱᨶᩱ ᨾᩮ᩠ᨦᩨ᩵ᨣᩤᩃᩥᩃᩯ ᨯᩯ᩠ᨶᨧᩣ᩠ᨷᩈᩮ᩠ᨶᩢᨴᩤ᩠ᨦ ᨴᩮᩈᨾᩮ᩠ᨦᩨ᩵ᨪᨾᩣᩁᩥᩓᩢ ᩅ᩠ᨿᨦᨩᩮᩁᩩᩈᩃᩮ᩠ᨾᨶ᩠ᨶᩢᩢ᪩ 12ᨯᩱᩢᨻᩱᩁ᩠ᩋᨯᨹᩯ᩠ᩅᨷᩤ᩠ᨶᩢ ᪑ ᨾᩦᨤ᩠ᨶᩫᨸᩮ᩠ᨶᨡᩦᩢᨴᩪᨯᩈ᩠ᨷᩥᨣᩳᩢ ᨧᩩᨠᨿ᩠ᨶᩨᨻᩱᩢᩁ᩠ᨷᩢᨲ᩠ᩋᩢᩁ ᨴ᩠ᨶᩤ᩵ᨧᩮᩣᩢᩢᨴᩦ᩵ᨷᩢᨻᩳᨠᩱᨻᩳᨧᩣᩴᨶ᩠ᨶᩢᩢ᪩ 13ᩁ᩠ᩋᨦᩢᩋ᩠ᩋᨠᩈ᩠ᨿᨦᩁᩯ᩠ᨦᪧᩅᩤ᩵ “ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩ ᨡᩳᩉᩨᩢᨻ᩠ᨦᨯᩪᨾᩉᩣᨣᩁᩩᨱᩣᨾᩮᨲ᩠ᨲᩣᨹᩪᩢ ᨡᩣᩢᨴ᩠ᨦᩢᩉᩖᩣ᩠ᨿ ᩈᩮᨣᩣᩴᩓ” ᩉᩱ᩠ᩅᩢᩈᩣᨯ᩠ᨦᩢ᩵ᨶᩦᩢ᪩ 14ᨴ᩠ᨶᩤ᩵ᨧᩮᩣᩢᩢᨯᩱᩢᩉ᩠ᨶᩢᨡᩮᩣᩢᩓ᩠ᩅᩢ “ᩉᩨᩢᨡᩮᩣᩢᨻᩱᩉᩯ᩠ᨶᨲ᩠ᩅᩫᨡᨶ᩠ᨵ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨴᩦ᩵ ᩉ᩠ᨾᩳᨷᩁᩮᩣᩉ᩠ᨲᩥᩈᩮᨣᩣᩴᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢ᪩ ᩅᩮᩃᩣᨾᩮ᩠ᩋᩨ᩵ᨡᩮᩣᩢᨻᩱᩀᩪ᩵ᨶ᩠ᨶᩢᩢ ᩁᩰ᩠ᨣᨡᩦᩢᨴᩪᨯᨡᩮᩣᩢ ᨣᩢᩃ᩠ᩅᨯᩉᩣ᩠ᨿᨻᩱᨣᩣᩴᨯ᩠ᨿᩴᩉ᩠ᨶᩢᩢᩓ᪩ 15ᨶᩱᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨾᩦᨣᩳᩢ ᪑ ᨯᩱᩢᩁᩪᩢᩅᩤ᩵ᩁᩰ᩠ᨣ ᨡᩦᩢᨴᩪᨯᩉᩣ᩠ᨿᨻᩱᩓ᩠ᩅᩢ ᨣᩢᨯᩱᩢᨿ᩠ᨠᩫᨿᩳᨣᩩᨱᨻᩕᨧᩮᩣᩢᩢ ᩋ᩠ᩋᨠᩈ᩠ᨿᨦᩁᩯ᩠ᨦᪧᩈᩮ ᨻ᩠ᩋᨠᨤ᩠ᨶᩨᨾᩣᩉᩣᨴ᩠ᨶᩤ᩵ᨧᩮᩣᩢᩢᨶ᩠ᨶᩢᩢᩓ᪩ 16ᩅᩣ᩠ᨿᨶ᩠ᨶᩢᩢᨾ᩠ᨶᩢ ᨣᩢᨯᩱᩢᨻᩱᨠ᩠ᨾᩫᩢᩉ᩠ᩅᩫ ᨶ᩠ᨷᩫᨴᩦ᩵ᨲ᩠ᨶᩥᨴ᩠ᨶᩤ᩵ᨧᩮᩣᩢᩢᩓᩢ ᨿ᩠ᨠᩫᨿᩳᨣᩩᨱᨡ᩠ᩋᨷ ᨷᩩᨬᨣᩩᨱᨴ᩠ᨶᩤ᩵ᨧᩮᩣᩢᩢᩀᩪ᩵ᩅᩤ᩵ᩋ᩠ᨶᩢᩢᩓ᪩ ᨾ᩠ᨶᩢᨸᩮ᩠ᨶᨾᩮ᩠ᨦᩨᨤ᩠ᨶᩫᨪᨾᩣᩁᩥᩅᩤ᩵ᩋ᩠ᨶᩢᩢᩓ᪩ 17ᨿᩣ᩠ᨾᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨪᩣᩴᩢᩅᩤ᩵ “ᨤ᩠ᨶᩫᩋ᩠ᨶᩢᩉᩣ᩠ᨿᨧᩣ᩠ᨠ ᩁᩰ᩠ᨣᨡᩦᩢᨴᩪᨯᨶ᩠ᨶᩢᩢ ᨾᩦᩈ᩠ᨷᩥᨤ᩠ᨶᩫᨷᩢᨩᩱ᩵ᩌᩣᩢ᪩ ᨯ᩠ᨦᩢ᩵ᨤ᩠ᨶᩫᨠᩮᩣᩢᩢᨣᩳᩢᨶ᩠ᨶᩢᩢ ᨡᩮᩣᩢᨻᩱᨴᩦ᩵ᩉᩱ᩠ᨶ᪩ 18ᨻᩕᨧᩮᩣᩢᩢ ᩋ᩠ᨶᩢᨻ᩠ᩋᨠᨾᩣᨤ᩠ᨶᩨᩈᩮᩓ᩠ᩅᩢ ᨿ᩠ᨠᩫᨿᩳᨣᩩᨱᨴ᩠ᨶᩤ᩵ᨧᩮᩣᩢᩢᨶ᩠ᨶᩢᩢ ᨾᩦᨲᩯ᩵ᨤ᩠ᨶᩫᨲᩣ᩠ᨦ᩵ᨤᩮ᩠ᩋᩨ ᨤ᩠ᨶᩫᨲᩣ᩠ᨦ᩵ ᨣᩢᨷᩢᩉ᩠ᨶᩢᨾᩦᨹᩪᩢᨯᩱᩌᩣᩢ” ᨳᩣ᩠ᨾᩅᩤ᩵ᩋ᩠ᨶᩢᩢ᪩ 19ᨴ᩠ᨶᩤ᩵ᨧᩮᩣᩢᩢ “ᨣᩢᨷ᩠ᩋᨠᨠᩣ᩠ᩅ᩵ᩉᩨᩢ ᨤ᩠ᨶᩫᨾᩮ᩠ᨦᩨᨪᨾᩣᩁᩥ ᩃᩩᨠᨻᩱᨴᩰ᩠ᩋᩡ᪩ ᨯ᩠ᨦᩢ᩵ᨴ᩠ᨶᩤ᩵ᨯᩱᩢᨿᩩ᩵ᨾᨿᩣᩴᨶ᩠ᨶᩢᩢ ᨣᩢᨠᩣᩴ᩠ᨴᩉᩨᩢᨹᩣ᩠ᨿᨷᩕᩰ᩠ᨯ ᨴ᩠ᨶᩤ᩵ᩀᩪ᩵ᨯᩦᩓ᩠ᩅᩢᨯᩯ᩵” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 20ᨾᩦᩅ᩠ᨶᩢ ᪑ ᨹᩣᩁᩥᨪᩯ ᨩᩮ᩠ᩋᩨᨹ᩠ᩋ᩵ᨦᨡᩮᩣᩢᩅᩤ᩵ᨴᩦ᩵ᨴ᩠ᨶᩤ᩵ᨧᩮᩣᩢᩢ ᩃᨠ᩠ᨡᨱᨶᩥᨾ᩠ᨲᩥ “ᩈᩣᩈᨶᩣᨻᩕᨧᩮᩣᩢᩢᨶᩦᩢ ᨧᩢᨹᩩᨯᩋ᩠ᩋᨠᨾᩣᨾᩮ᩠ᩋᩨ᩵ᨯᩱᨩᩣ” ᩉᩱ᩠ᩅᩢᩈᩣᨳᩣ᩠ᨾᨯ᩠ᨦᩢ᩵ᩋ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨧ᩠ᨦᩥ᩵ᨲ᩠ᩋᨷᩅᩤ᩵ “ᩈᩣᩈᨶᩣᨻᩕᨧᩮᩣᩢᩢᨶᩦᩢ ᨷᩢᨩᩣ᩠ᨦ᩵ᩉ᩠ᨶᩢ ᩉᩮ᩠ᨾᩨᩁᨯ᩠ᨦᩢ᩵ ᨸᩮ᩠ᨦᩨᩋ᩠ᨶᩢᩈᩪᩉ᩠ᨶᩢᨶ᩠ᨶᩢᩢᩓ᪩ 21ᨴ᩠ᩅ᩠ᨿᨴᩦ᩵ᩉ᩠ᨶᩦᩢ᪩ ᨴ᩠ᩅ᩠ᨿᨴᩦ᩵ᩉ᩠ᨶᩢᩢ᪩ ᨣᩢᨷᩢᨩᩣ᩠ᨦ᩵ᨷ᩠ᩋᨠᨠᩣ᩠ᩅ᩵ᨯᩱᩢ ᨼᩰ᩠ᩋᩡᩉᩮ᩠ᨲᩩᨯᩱᩋ᩠ᨶᩢᩅᩤ᩵ᨶ᩠ᨶᩢᩢ ᩈᩣᩈᨶᩣᨻᩕᨧᩮᩣᩢᩢᨶᩦᩢ ᨾᩦᩅᩱᩢᨴᩦ᩵ᨶᩱᨧᩱs ᩉᩯ᩠ᨦ᩵ᨴ᩠ᨶᩤ᩵ᨶ᩠ᨶᩢᩢᨣᩭ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩ 22ᨪᩣᩴᩢᨳᩯ᩠ᨦᩢ ᨴ᩠ᨶᩤ᩵ᨧᩮᩣᩢᩢ ᨷ᩠ᩋᨠᨠᩣ᩠ᩅ᩵ᨴᩦ᩵ᩃᩪᨠᨶ᩠ᩋᨦᩢᩅᩤ᩵ “ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᩅᩮᩃᩣᨤᩱ᩵ᩉ᩠ᨶᩢ ᩃᩪᨠᨩᩣ᩠ᨿᨧᩮᩣᩢᩢ ᩅ᩠ᨶᩢ ᪑ ᨣᩢᨷᩢᩉ᩠ᨶᩢᨯᩱᩢ ᨸᩮ᩠ᨶᨾᩣᨯ᩠ᨦᩢ᩵ᨶᩦᩢᩓ᪩ 23ᨤ᩠ᨶᩫᨩᩮ᩠ᩋᩨᨶ᩠ᨶᩢᩢ ᩅᩤ᩵ᩉᩨᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨴ᩠ᩅ᩠ᨿᨴᩦ᩵ᩉ᩠ᨶᩦᩢᩓ ᨴ᩠ᩅ᩠ᨿᨴᩦ᩵ᩉ᩠ᨶᩢᩢᩓ ᩅᩤ᩵ᨯ᩠ᨦᩢ᩵ᨶ᩠ᨶᩢᩢ ᨷᩢᨲ᩠ᩋᨦᩢᩉᩮ᩠ᨯᨩ᩠ᩋᨾᨡᩮᩣᩢ᪩ 24ᨼᩰ᩠ᩋᩡᩈ᩠ᨶᩢᨯᩱᩓᩢᩅᩤ᩵ᩋ᩠ᨶᩢ ᩅ᩠ᨶᩢᩋ᩠ᨶᩢᩃᩪᨠᨩᩣ᩠ᨿᨧᩮᩣᩢᩢᨧᩢᨾᩣᨶ᩠ᨶᩢᩢ ᨧᩢᨯᩱᩢᩉ᩠ᨶᩢᩉᩮ᩠ᨶ᩠ᩋᩨ ᨴ᩠ᩋᨦᩢᨼᩣᩢ ᩁᩮ᩠ᩋᩨ᩵ᩃᩯ᩠ᨦᩉᩮ᩠ᨾᩨᩁᨯ᩠ᨦᩢ᩵ᨼᩣᩢᨾᩮ᩠ᨷ ᨣᩢᩉᩮ᩠ᨾᩨᩁᨯ᩠ᨦᩢ᩵ᩋ᩠ᨶᩢᩢᩓ᪩ 25ᨣᩭᨲᩯ᩵ᩅᩤ᩵ ᨷᩢᨳ᩠ᨦᩨᩅᩮᩃᩣᨴᩮ᩠ᩋᩨ᩵ᨶ᩠ᨶᩢᩢ ᨾ᩠ᨶᩢᨧᩢᨴᩕ᩠ᨦᩫᩁ᩠ᨷᩢᩅᩮᨴᨶᩣᩓ᩠ᩅᩢ ᨤ᩠ᨶᩫᨣᩣ᩠ᨷᨸᩣ᩠ᨶᨾᩮ᩠ᩋᩨ᩵ᨯ᩠ᨿᩴᨶᩦᩢ ᨣᩢᨷᩢᨿ᩠ᩋᨾᩁ᩠ᨷᩢᨯᩱᩢ”᪩ 26ᨸᩮ᩠ᨶᩉᩮ᩠ᨾᩨᩁᨯ᩠ᨦᩢ᩵ ᨣᩣ᩠ᨷᨸᩣ᩠ᨶᨶᩳᩋᩮᩃᩮ᩠ᨯt ᨸᩣ᩠ᨶᩃᩪᨠᨩᩣ᩠ᨿᨧᩮᩣᩢᩢ ᨣᩢᨩᩣ᩠ᨦ᩵ᨸᩮ᩠ᨶᩃᩩᨯ᩠ᨦᩢ᩵ᨶ᩠ᨶᩢᩢᩓ᪩ 27ᨶᩣᩴᩢᨳ᩠ᩅᨾᩢᩓ᩠ᩅᩢᨶᩳᩋᩮᨶᩦᩢ ᨲᩳ᩵ᨳ᩠ᨦᩨᩅ᩠ᨶᩢᨧᩢᨡᩮᩣᩢᩢᨻᩱᨶᩱ ᩁᩮ᩠ᩋᩨᩈᨻᩮᩣᩢᨶ᩠ᨶᩢᩢ ᨤ᩠ᨶᩫᨴ᩠ᨦᩢᩉᩖᩣ᩠ᨿ ᨩ᩠ᩅᩁᨠ᩠ᨶᩢᨠ᩠ᨶᩥᨩ᩠ᩅᩁᨠ᩠ᨶᩢᩀᩪ᩵ ᨧ᩠ᨯᩢᨠᩣ᩠ᩁᨲᩯ᩠ᨦ᩵ᨦᩣ᩠ᨶᩀᩪ᩵ ᩈᩉᩮ᩠ᨾᩨᩋᨯ᩠ᨦᩢ᩵ᩋ᩠ᨶᩢᩢ ᨳᩪᨠᨶᩣᩴᩢᨳ᩠ᩅᨾᩢᩓ᩠ᩅᩢᨯᩱᩢᩈᩮ ᨩᩦᩅ᩠ᨲᩥᨻᩱᨴ᩠ᨦᩢᩈ᩠ᨿᨦᩢᩅᩤ᩵ᩋ᩠ᨶᩢᩢᩓ᪩ 28ᩉᩮ᩠ᨾᩨᩁᨠ᩠ᨶᩢᨯ᩠ᨦᩢ᩵ᨠᩮᩣᩢ᩵ ᨣᩣ᩠ᨷᨸᩣ᩠ᨶᩃᩳᨲu ᨴᩦ᩵ᩅ᩠ᨿᨦᨴᩳᨴᩩᩫᨦᨶ᩠ᨶᩢᩢ ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢᨩ᩠ᩅᩁᨠ᩠ᨶᩢᨠ᩠ᨶᩥ ᨩ᩠ᩅᩁᨠ᩠ᨶᩢᩀᩪ᩵ ᨣᩤᩢᪧᨡᩣ᩠ᨿ ᨸᩪᨠᨹ᩠ᨠᩢᨸᩪᩉᩮ᩠ᨿᩨᩢᩋ ᨲᩯ᩠ᨦ᩵ᪧᩈᩣ᩠ᨦᩢᪧᩀᩪ᩵ ᩈᩉᩮ᩠ᨾᩨᩋᩀᩪ᩵ᨶ᩠ᨶᩢᩢ᪩ 29ᩅ᩠ᨶᩢᩋ᩠ᨶᩢᩃᩳᨲᩋ᩠ᩋᨠᨻᩱᨶ᩠ᨶᩢᩢ ᨺ᩠ᨶᩫᨼᩱᨲ᩠ᨠᩫᩃ᩠ᨦᩫᨾᩣᨴᩦ᩵ᨶᩱᩅ᩠ᨿᨦᨤᩣᩴᨧᩮᩣᩢᩢᩓ᩠ᩅᩢ ᩅᨾᩮ᩠ᨦᩨᩈᩮᩣᨴᩩᨦ ᨠᩣᩴ᩠ᨴᩉᩨᩢᨤ᩠ᨶᩫᨴ᩠ᨦᩢᩉᩖᩣ᩠ᨿ ᩈ᩠ᨿᨦᩢᨩᩦᩅ᩠ᨲᩥ ᨻᩱᨴ᩠ᨦᩢᩈ᩠ᨿᨦᩢᩅᩤ᩵ᩋ᩠ᨶᩢᩢᩓ᪩ 30“ᩅ᩠ᨶᩢᩋ᩠ᨶᩢᩃᩪᨠᨩᩣ᩠ᨿᨧᩮᩣᩢᩢᨯᩱᩢ ᨹᩩᨯᩋ᩠ᩋᨠᨸᩮ᩠ᨶᨾᩣᨶ᩠ᨶᩢᩢ ᨣᩢᨧᩢᩃᩩᩉᩯᩖᩅᨯ᩠ᨦᩢ᩵ᨶᩦᩢᩓ᪩ 31ᨶᩱᩅ᩠ᨶᩢᨾᩮ᩠ᩋᩨ᩵ᨶ᩠ᨶᩢᩢ ᨤ᩠ᨶᩫᨩᩮ᩠ᩋᩨᩋ᩠ᨶᩢᨾᩦᩀᩪ᩵ ᨴᩦ᩵ᩉᩮ᩠ᨶ᩠ᩋᩨ ᨷ᩠ᨶᩫᩉᩖᨦᩢᨤᩣᨶ᩠ᨶᩢᩢ ᨧᩢᩃ᩠ᨦᩫᨾᩣᩐᩣᩢᩈ᩠ᨦᩥ᩵ᨡ᩠ᩋᨦᩈᩮᨩᩮ᩠ᩋᩨᩢᩈᩮᩋ᩠ᨶᩢᨶ᩠ᨶᩢᩢ ᨣᩢᨷᩢᨲ᩠ᩋᨦᩢᩃ᩠ᨦᩫᨾᩣ᪩ ᨤ᩠ᨶᩫᨩᩮ᩠ᩋᩨᩋ᩠ᨶᩢᨾᩦᩀᩪ᩵ᨴᩦ᩵ᨶᩱᨶᩣᨶ᩠ᨶᩢᩢ ᨣᩢᨷᩢᨲ᩠ᩋᨦᩢᨻ᩠ᩋᨠᨾᩣᩐᩣᩢᩈ᩠ᨦᩢ᪩ 32ᨾᩮᩉᩯ᩠ᨦ᩵ᩃᩳᨲvᨶ᩠ᨶᩢᩢ ᨸᩮ᩠ᨶᨩᩮ᩠ᩋᩨᩢᨯᩱ ᩃᩩᩉᩯᩖᩅᨩᩮ᩠ᩋᩨᨯᩱᩋ᩠ᨶᩢᩅᩤ᩵ᨶ᩠ᨶᩢᩢ ᨡᩳᩉᩨᩢᨯᩱᩢᨤ᩠ᨯᩥᨳ᩠ᨦᩨᨠ᩠ᨶᩢᩈᩮᨣᩣᩴ᪩ 33ᨲ᩠ᨶᩫᨲ᩠ᩅᩫᩉᩯ᩠ᨦ᩵ᨹᩱᨾ᩠ᨶᩢ ᨡ᩠ᨯᩢᨧᩱᨧᩢᨷᩕᩰ᩠ᨯᨩᩦᩅ᩠ᨲᩥᨶ᩠ᨶᩢᩢ ᨣᩢᨧᩢᨯᩱᩢᩃᩩᨪᩩᨾᨣᩭ ᨹᩪᩢᨴᩦ᩵ᩋ᩠ᨶᩢ ᩈ᩠ᩃᩡᨩᩦᩅ᩠ᨲᩥᨯᩱᩢᨶ᩠ᨶᩢᩢ ᨣᩢᨩᩣ᩠ᨦ᩵ᨯᩱᩢᨩᩦᩅ᩠ᨲᩥᨤ᩠ᨶᩨᩓ᪩ 34ᨣᩪᨧᩢᨷ᩠ᩋᨠᨠᩣ᩠ᩅ᩵ᨸ᩠ᨶᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨶᩱᨤ᩠ᨶᩨᨶ᩠ᨶᩢᩢ ᨤ᩠ᨶᩫᩈ᩠ᩋᨦᨣᩳᩢᨶ᩠ᩋᩁᩀᩪ᩵ᨩ᩠ᩋᨾᨠ᩠ᨶᩢ ᨧᩢᨯᩱᩢᩁ᩠ᩋᨦᩢ ᩐᩣᩢᨻᩱᨤ᩠ᨶᩫ ᪑ ᨣᩳᩢ ᪑ ᨧᩢᨠ᩠ᨯᩧᨤᩣ᩠ᨦᩢᩅᩱᩢᩀᩪ᩵᪩ 35ᨹᩪᩢᨿ᩠ᨦᩥᩈ᩠ᩋᨦᨣᩳᩢᩋ᩠ᨶᩢ ᨲᩣᩴᨡᩮᩣᩢᩢᩀᩪ᩵ᨶ᩠ᨶᩢᩢ ᨣᩢᨧᩢᩁ᩠ᩋᨦᩢᩋ᩠ᩋᨠᨻᩱᨤ᩠ᨶᩫ ᪑ ᩈᩮ ᨤᩣ᩠ᨦᩢᩅᩱᩢᨣᩳᩢᨶ᩠ᨦᩨ᩵᪩ 36ᨤ᩠ᨶᩫᩈ᩠ᩋᨦᨣᩳᩢᩋ᩠ᨶᩢᨾᩦᩀᩪ᩵ ᨴᩦ᩵ᨶᩱᨶᩣᨶ᩠ᨶᩢᩢ ᨣᩢᨧᩢᩁ᩠ᩋᨦᩢᩐᩣᩢᨻᩱᨣᩳᩢ ᪑ ᩈᩮ ᨤᩣ᩠ᨦᩢᩅᩱᩢᨣᩳᩢ” ᪑ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᩓ᪩ 37ᩃᩪᨠᨶ᩠ᩋᨦᩢᨧ᩠ᨦᩥ᩵ᨳᩣ᩠ᨾᩅᩤ᩵ “ᨴ᩠ᨶᩤ᩵ᨧᩮᩣᩢᩢᨾᩮ᩠ᩋᩨ᩵ᨯᩱᩓᩢ ᨧᩢᨸᩮ᩠ᨶᨯ᩠ᨦᩢ᩵ᨶᩦᩢᨡᩣᩢᨩᩣ” ᩉᩱ᩠ᩅᩢᩈᩣᨳᩣ᩠ᨾᨯ᩠ᨦᩢ᩵ᨶᩦᩢ᪩ᨴ᩠ᨶᩤ᩵ᨧᩮᩣᩢᩢᨧ᩠ᨦᩥ᩵ᨷ᩠ᩋᨠᩅᩤ᩵ “ᩁᩯ᩠ᨦᩢᨡᩮᩣᩢᨶᩦᩢᨣᩮ᩠ᨿᩨᨩᩩ ᨲᩩᨾᨠ᩠ᨶᩢᩀᩪ᩵ᨴᩦ᩵ᩋ᩠ᨶᩢ ᨾᩦᨤ᩠ᨶᩫᨲᩣ᩠ᨿᨶ᩠ᨶᩢᩢᨣᩭᨯᩯ᩵” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨯᩯ᩵᪩
Đang chọn:
Luke 17: ktpv-rv
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
This translation of the Khun Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
