मत्ती 17

ईसु राः रूप बदलो एना

(मरकुस 9:2-13; लूका 9:28-36)

1छो दिन राः बाद रे ईसु पतरस अवुर एकूब अवुर एकूब बोहोत एहुन्‍ना, अनेज सुदा सुनहर ओत उसुला बुरू हनतेय गोःतेड कुआ। 2हेनारे हेंकू मड़ंग रे हेंय राः रूप बदलो एना, अवुर आँख मुँह तू बेर चमकोआ घयते चमको एना, अवुर हेंय राः कपड़ा तय फक फक पुंडी यनु। 3अवुर मरित मरिताः कींञ भविस्यवक्‍ता कींञ, मूसा अवुर एलियाह ईसु सुदा कींञ टेबोः तोलोग कू ञेंलवड किञाँ। 4हेना वरी पतरस ईसु थरेय कहनी तेडा, “ए परभु, अबू नआँ रे दोहोन लगड बढ़ियाँ गिआ। अगर अमाआँ मरजी इदान रेदो, ना रे पेयटंग तम्बुंञ बनोआँ; मियाँटंग अम लगड, मियाँटंग मूसा लगड, मियाँटंग एलियाह लगाडू।” 5#मत्ती 3:17; 12:18; मरकुस 1:11; लूका 3:22#2 पतरस 1:17,18हेंय टेनेबोः दोहो एनु, तहाँ पुंडी लिंबीर घेरो उकू गोत्तेड कू, अवुर लिंबीर वरी न याःते आवाज मेजेना, “नेय इंञाअय दुलारय कोड़ा होपोन हवे, नेय थरे इंञ खुस इदानिञाँ, नेय राः टेबोःपे अँजोमू।” 6तहाँ नआँ अँजोम केते चेलाकू अखीर कू बोरो यनु, अवुर अहत कू राः बल तेकू लोजोर एना। 7हेना वरी ईसु हेंकू थरे मेजकेन तेय छुयों तेडकुआ, अवुरिय कहनी तेडा, “रिमुःपे, अलोपे बो-रू।” 8तहाँ हेंकू तको तेड दो ईसु छोड़ अवुर कनय मेने कू ञेंलगाडा।

चेला कुतय एलियाह राः बारे तेकू होंबोर तेडा

(मरकुस 9:9-13)

9हेंकू बुरू वरी कू अगड़ुः तोलोग ईसु हेंकू नआँ याःतेय हुकूम वडकू दोहो एनु, “इंञ होड़ होपोन गोजकेनकू मेंडे रे अनायीनिय जियो रिमुः मेन दिन, जो कुछ पे ञेंलकेडा, हेना कनय थरे अलोपे लाय बेड़ायू।” 10हेना वरी चेला कुतय हेंय कू होंबोर तेडा, “हेंडे दो एहूदी नियम चेचेडकू ची लगड कू कहनियाँ किदो मसीहा वरी मड़ंग ते एलियाह जरूरिय मेजुआ मेनते?” 11हेना वरिय जबाब तेडा, “नआँ टेबोः सही हवे, धरमग्रंथ रे नआँ घयते लिखल इदाना, ‘एलियाह जरूरिय मेजुआ, अवुर सगोरिय सुधरो वेआ।’#मला 4:5-6 12#मत्ती 11:14लेकिन इंञ अपे थरेंञ कहनी यडा, एलियाह दोय मेज चुको केना, अवुर होड़कू हेंय मेने कू चिन्हों गडिया; जेयसे कू चहो एना, हेन घयते हेंय सुदा कू करो तेडा। नेन घयते इंञ होड़ होपोन हो हेंकू हाँथ वरी दूखिंञ रीमा।” 13तहाँ चेलाकू बतिस्मा ए-माय एहुन्‍ना राः बिसेय तेय कहनी तेडा मेनते कू अड़ींग एना।

भूत लगो तनय चोंडीजिय चिकन तेडा

(मरकुस 9:14-29; लूका 9:37-43)

14ईसु अवुर पेय होड़ चेलाकू भीड़ रेकू मेजेना, तहाँ मियाँहोड़ होड़ हेंय थरेय मेजेना, अवुर हेंय उकड़ूम केनतेय कहनी वडियू, 15“ओ परभु, कोड़ा होपोनिंञ थरे दयाः मी! हेंय मिरगी अयू, अवुर अखीरिय ससीतुः तना; हेंय बित्ताहिते सेंगेल सेंनेगेल ते अवुर दाः दनाः तेय लोजोर जोमा। 16चेला कुतम थरेंञ अगतेडिया, लेकिन हेंकू मेने कू चिकन सको गना।” 17हेना वरी ईसु जबाब तेडा, “ए अन बिसवास अवुर हठू होड़कू, तिमीन दिन इंञ अपे सुदांञ दोहोना? तिमीनांञ सहोवेः तपेआ? इंञ थरे पे अगेयू।” 18तहाँ ईसु भूतिय दबेट तेडा, हेना वरी हेंय चोंडिज वरिय उडूंग यनु; अवुर हेंय कोड़ा चोंडिज तुरेत्तेय चिकन यनु।

19हेना वरी चेलाकू ईसु मियाँहोड़ तेय दोहोएन तोलोग सेनकेन तेकू होंबोर तेडिया, “अले मेय भूत ची लगड मेने ले उडूंग सको गना?” 20#मत्ती 21:21; मरकुस 11:23; 1 कुरि 13:2हेना वरी हेंय हेंकू थरेय कहनी तेडा, “कहेकि अपे भगवान राः सक्‍ति रे मेने पे बिसवास गडा, इंञ अपे थरे सही मेतेंञ कहनी यडा, सरसों दना#17:20 इसरायिल देस रे सरसों दना बडे बडे ते काठुआ मेनमोट अपे राः बिसवास दोहोन रेदो, नआँ बुरू पे कहनी सकोआ, ‘नआँ वरी अड़ी कोःते मेंदेर रेम सेनुः मेनते’, अवुर हेना अड़िआ; अवुर कनारा टेबोः अपे लगड असम्भव एरो होया एना। 21[लेकिन नेकू जात बिनती अवुर उपास बिना ते मेने कू उडूंगुआ।#17:21 कुछ उनानी हस्तलेख रे नआँ पद मेने ञँमुआ]”

ईसु अनेज राः मिरतू राः बारे ते फे-रिय भविस्यवाड़ी तेडा

(मरकुस 9:30-32; लूका 9:43-45)

22एक दिन राः दिन रे ईसु अवुर चेलाकू गलील जिला रेकू दोहो एना, हेन तोलोग ईसु कहनी तेडा, “इंञ होड़ होपोन होड़कू रेंञ एर पकड़ोआ; 23इंञ कू ञेंड गोजेञाँ, अवुर इंञ तीसरा दिन रेंञ जियो रिमुआ।” नआँ अँजोम केते चेलाकू मन उदास यनकू।

मँडिल राः मलगुजारी

24हेना वरी ईसु अवुर चेलाकू कफरनहूम रेकू मेजेना, तहाँ मँडिल राः मलगुजारी#17:24 एहूदिकू राः रूपया राः ञुमू हवे सेकेल, साल रे मियाँहोड़ अद्हा सेकेल मँडिल राः मलगुजारी एएम दोहो एना तिलाअय पतरस थरे मेजकेन तेय होंबोर तेडा, “अपे रेनिय गुरू मँडिल राः मलगुजारी मेनेय एमेया किदो?” 25हेना वरी हेंय कहनी तेडा, “हूँ, एमेय मयू।” हेना वरी पतरस ओड़ाः भीतारिय बोलो एना, तहाँ ईसु होंबोरिय वरी पहील ते हेंय थरेय कहनी तेडा, “ए सिमोन, अम काःतेम पसींद यडा? नआँ दुनिया रेनकू राजाकू ईया वरी मलगुजारी कू तिलाआ? अनाकू होपोनकू थरे किदो एटाःकू थरे?” 26हेना वरी पतरस कहनी तेडा, “एटाःकू थरे।” हेना वरी ईसु हेंय थरेय कहनी तेडा, “हेंडे दो होपोन तुकू दोकू बंचो यना। 27अलोबू एचे लजियो कू लगड, अम समुन्धर अड़ी रे सेनकोःते बंसीम एनेजू, अवुर मड़ंग तेय बझहोः हेंय हकुम साबू; हेंय अहाम चहाब रेदो, मियाँटंग सिक्‍काम ञाँमा, हेना अक्‍केते ईञाआँ अवुर अमा अम पटो गोत्ते।”

Đang chọn:

मत्ती 17: ksz

Tô màu

Chia sẻ

So sánh

Sao chép