मति 14:18-19

कालाउ येसु दोअ्हि, इङको तोले कालाउ हायागेलाइ इता चुमासु। कालाउ न्हुसो येसु गोताङ द्‍याङगेलाइहेङ सिङजालजालका घासिता तोम्बा-तोम्बा बानाइहि कालाउ योम्लि आग्या पिहि। येसु इङको नालोङ तोले कालाउ न्हेनोङ हाया चुम्तेङ स्वर्ग भारि म्हाल्तेङ परमेस्वरहेङ धन्यबाद पिहि, कालाउ इङको तोलेगेलाइ पोङहि कालाउ द्‍याङगेलाइको आगाता ताअ्पि दोअ्तेङ चात्यागेलाइहेङ पिहि, कालाउ इङको न्हेनोङ हाया बुङ वा झाराङहेङ बाख्राइपिहि।