एफिसि 3
3
पावलको गैर-यहुदिगेलाइहेङ प्राचार
1ओदोङ भाअ्सिङ का पावल नाङको भाअ्सिङ प्रार्थाना पाङका, का येसु ख्रिस्टको कैदि जेङका हिघा हाइपालिपानु का नाअ् गैर-यहुदिगेलाइहेङ सुसमाचार प्राचार पाका काम पाघा। 2निसित दोङ नेलाइ गिसुखेना, कि परमेस्वर कासेहेङ वाको आनुग्रहहोइ नेलाइहेङ सुसमाचार प्राचार पालि जिम्मा पिका हि। 3परमेस्वर कासेहेङ वाको म्होनाका योजाना देखाल पिका हि, जाइको बारेता का लाम्फा दोङ आधे काथा लेखेलि दोका हिघा। 4जेलाउ नेलाइ काङको लेखेका इङको काथागेलाइ पढेसुना पानु ख्रिस्टको बारेता म्होनाका सत्ये काथा का बुझिका हिघा दोअ्तेङ नेलाइ गिलि दोस्वाना। 5बितिका सोमोइता, परमेस्वर द्याङगेलाइहेङ इङको म्होनाका सत्येता देखाल पापिका मान्थुघाखे, कालाउ एला पबित्तरो आत्माहोइ इङको म्होनाका रहस्य वाको पबित्तरो छाल्न्हाका चात्यागेलाइहेङ कालाउ परमेस्वरको बक्तागेलाइहेङ देखाल पापिका हि। 6इङको म्होनाका रहस्य चाहि या हि: कि केलाइको ख्रिस्ट दोफाको सम्बन्धको कारन, गैर-यहुदिगेलाइ जाइ येसु ख्रिस्टता हि, इम्बालाइ बुङ सुसमाचार पाहासो यहुदिगेलाइ भाइपा परमेस्वरको आसिसगेलाइ निनावा। कालाउ गैर-यहुदिगेलाइ बुङ एनोङ दोङ जिउको आङगगेलाइ कालाउ परमेस्वरको पाका प्रतिग्याको भागिदार जेङका हि।
7परमेस्वरको एन्साङ दोङ पिका बरदान आनुग्रह कालाउ वाको सरबुङ पाहासो, का सुसमाचार प्राचार पालिको भाअ्सिङ सेवक जेङका हिघा। वा ताइको सरबुङसो कासेहेङ इदोइ आनुग्रह पिका हि। 8परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि। 9कालाउ कासेहेङ इदोइ रहस्यको योजाना गोताङ द्याङगेलाइहेङ दोअ्लि माउका पिहि, जाइ गोताङ आमेनेगेलाइ बानाइका परमेस्वर म्होतेङ ताअ्का हिघाहि। 10परमेस्वरको उदेस्य चाहि मन्डलिसो स्वर्गको गोताङ सासकगेलाइ कालाउ सरबुङगेलाइ एला परमेस्वरको ग्यानहेङ गिलि द्वाको जेदोङ चाहि नुगामारि हि। 11परमेस्वर इदोइ ताइको आनान्त योजाना आन्सार पाहि, कालाउ इङको आनान्त योजाना चाहि वा केलाइको प्रभु येसु ख्रिस्ट पाहासो पुरा पाहि। 12केलाइको ख्रिस्ट दोफाको सम्बन्ध कालाउ वाकोता खाङधुरिको कारन एला केलाइ साहासि कालाउ निर्धक्क जेङतेङ परमेस्वरको आगा लोलि द्वाङ। 13एन्साङ दोङ का नेलाइहेङ सेउपाखा, कि नेलाइको भाअ्सिङ का दोङ कस्ट ल्होपाका तिङतेङ नेलाइ हारेस माचासु। हाइपालिपानु इदोइ गोताङ नेलाइको फाइदाको भाअ्सिङ हि।
एफिससको मन्डलिको भाअ्सिङ ख्रिस्टता प्रार्थाना
14ओदोङ भाअ्सिङ का पावल आबा परमेस्वरको आगाता तिरु थोतेङ प्रार्थाना पाखा, 15वा दोङ गोताङ खान्धुराइगेलाइको आबा हि जाइ स्वर्ग कालाउ प्रिथिबिता हि। 16का प्रार्थाना पाङका कि परमेस्वर ताइको महिमाको आसिम मुलसो नेलाइहेङ ताइको आत्मासो सरबुङ प्याको कालाउकि नेलाइ आत्माता बल्लियाका जेङलि दोसु। 17नेलाइ आत्माता बल्लियाका जेङलि गोइखे, कालाउकि नेलाइको खाङधुरिहोइ ख्रिस्ट नेलाइको ह्रदयता ह्याको। का प्रार्थाना पाखा, कि नेलाइको परमेस्वर दोफाको प्रेम कालाउ एमिसो भेनेङ दोफा प्रेमहोइ नेलाइहेङ बल्लियाका बानाइलि द्वाको कालाउ पाप पालिसो बान्चि पाको। 18कालाउ गोताङ परमेस्वरको जनगेलाइ दोफा नेलाइ गिलि दोसु, कि ख्रिस्ट केलाइहेङ हेथे प्रेम पाखे। वा केलाइहेङ हेन्जा प्रेम पाखे, कालाउ इङको प्रेमको हिदोइ बुङ सिमा मान्थु। 19का प्रार्थाना पाखा, कि नेलाइ ख्रिस्टको प्रेम बुझिलि दोसु, जेदोङ द्याङको बुद्दि खान्तेङ बाहार हि। कालाउकि नेलाइ परमेस्वर कोनिङ गोताङ काथाता परिपक्क जेङलि दोसु।
20परमेस्वर केलाइको ह्रेका कालाउ सोचिका खान्तेङ हेन्जाङ पालि दोखे, हाइपालिपानु वाको सरबुङ केलाइ लिता काम पातेङ हि। 21केलाइको येसु ख्रिस्ट दोफाको सम्बन्धको कारन मन्डलिता परमेस्वरहेङ पुस्तासो पुस्ताङ थेकापा जेलाउलाउ बुङ महिमा मिलियाको। आमेन।
Đang chọn:
एफिसि 3: DHINT
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Dhimal New Testament, by The Love Fellowship is licensed under Creative Commons Attribution-ShareAlike 4.0 License.
एफिसि 3
3
पावलको गैर-यहुदिगेलाइहेङ प्राचार
1ओदोङ भाअ्सिङ का पावल नाङको भाअ्सिङ प्रार्थाना पाङका, का येसु ख्रिस्टको कैदि जेङका हिघा हाइपालिपानु का नाअ् गैर-यहुदिगेलाइहेङ सुसमाचार प्राचार पाका काम पाघा। 2निसित दोङ नेलाइ गिसुखेना, कि परमेस्वर कासेहेङ वाको आनुग्रहहोइ नेलाइहेङ सुसमाचार प्राचार पालि जिम्मा पिका हि। 3परमेस्वर कासेहेङ वाको म्होनाका योजाना देखाल पिका हि, जाइको बारेता का लाम्फा दोङ आधे काथा लेखेलि दोका हिघा। 4जेलाउ नेलाइ काङको लेखेका इङको काथागेलाइ पढेसुना पानु ख्रिस्टको बारेता म्होनाका सत्ये काथा का बुझिका हिघा दोअ्तेङ नेलाइ गिलि दोस्वाना। 5बितिका सोमोइता, परमेस्वर द्याङगेलाइहेङ इङको म्होनाका सत्येता देखाल पापिका मान्थुघाखे, कालाउ एला पबित्तरो आत्माहोइ इङको म्होनाका रहस्य वाको पबित्तरो छाल्न्हाका चात्यागेलाइहेङ कालाउ परमेस्वरको बक्तागेलाइहेङ देखाल पापिका हि। 6इङको म्होनाका रहस्य चाहि या हि: कि केलाइको ख्रिस्ट दोफाको सम्बन्धको कारन, गैर-यहुदिगेलाइ जाइ येसु ख्रिस्टता हि, इम्बालाइ बुङ सुसमाचार पाहासो यहुदिगेलाइ भाइपा परमेस्वरको आसिसगेलाइ निनावा। कालाउ गैर-यहुदिगेलाइ बुङ एनोङ दोङ जिउको आङगगेलाइ कालाउ परमेस्वरको पाका प्रतिग्याको भागिदार जेङका हि।
7परमेस्वरको एन्साङ दोङ पिका बरदान आनुग्रह कालाउ वाको सरबुङ पाहासो, का सुसमाचार प्राचार पालिको भाअ्सिङ सेवक जेङका हिघा। वा ताइको सरबुङसो कासेहेङ इदोइ आनुग्रह पिका हि। 8परमेस्वरको जनगेलाइ मध्येसो का झाराङ खान्तेङ तुच्स हिघा, परमेस्वर ताइको आनुग्रह पाहासो गैर-यहुदिगेलाइहेङ प्राचार पालि इदोइ माउका कासेहेङ पिहि, कि ख्रिस्टसो केलाइ निङका आसिस केलाइको सोच कालाउ बुझिका खान्तेङ बार्का हि। 9कालाउ कासेहेङ इदोइ रहस्यको योजाना गोताङ द्याङगेलाइहेङ दोअ्लि माउका पिहि, जाइ गोताङ आमेनेगेलाइ बानाइका परमेस्वर म्होतेङ ताअ्का हिघाहि। 10परमेस्वरको उदेस्य चाहि मन्डलिसो स्वर्गको गोताङ सासकगेलाइ कालाउ सरबुङगेलाइ एला परमेस्वरको ग्यानहेङ गिलि द्वाको जेदोङ चाहि नुगामारि हि। 11परमेस्वर इदोइ ताइको आनान्त योजाना आन्सार पाहि, कालाउ इङको आनान्त योजाना चाहि वा केलाइको प्रभु येसु ख्रिस्ट पाहासो पुरा पाहि। 12केलाइको ख्रिस्ट दोफाको सम्बन्ध कालाउ वाकोता खाङधुरिको कारन एला केलाइ साहासि कालाउ निर्धक्क जेङतेङ परमेस्वरको आगा लोलि द्वाङ। 13एन्साङ दोङ का नेलाइहेङ सेउपाखा, कि नेलाइको भाअ्सिङ का दोङ कस्ट ल्होपाका तिङतेङ नेलाइ हारेस माचासु। हाइपालिपानु इदोइ गोताङ नेलाइको फाइदाको भाअ्सिङ हि।
एफिससको मन्डलिको भाअ्सिङ ख्रिस्टता प्रार्थाना
14ओदोङ भाअ्सिङ का पावल आबा परमेस्वरको आगाता तिरु थोतेङ प्रार्थाना पाखा, 15वा दोङ गोताङ खान्धुराइगेलाइको आबा हि जाइ स्वर्ग कालाउ प्रिथिबिता हि। 16का प्रार्थाना पाङका कि परमेस्वर ताइको महिमाको आसिम मुलसो नेलाइहेङ ताइको आत्मासो सरबुङ प्याको कालाउकि नेलाइ आत्माता बल्लियाका जेङलि दोसु। 17नेलाइ आत्माता बल्लियाका जेङलि गोइखे, कालाउकि नेलाइको खाङधुरिहोइ ख्रिस्ट नेलाइको ह्रदयता ह्याको। का प्रार्थाना पाखा, कि नेलाइको परमेस्वर दोफाको प्रेम कालाउ एमिसो भेनेङ दोफा प्रेमहोइ नेलाइहेङ बल्लियाका बानाइलि द्वाको कालाउ पाप पालिसो बान्चि पाको। 18कालाउ गोताङ परमेस्वरको जनगेलाइ दोफा नेलाइ गिलि दोसु, कि ख्रिस्ट केलाइहेङ हेथे प्रेम पाखे। वा केलाइहेङ हेन्जा प्रेम पाखे, कालाउ इङको प्रेमको हिदोइ बुङ सिमा मान्थु। 19का प्रार्थाना पाखा, कि नेलाइ ख्रिस्टको प्रेम बुझिलि दोसु, जेदोङ द्याङको बुद्दि खान्तेङ बाहार हि। कालाउकि नेलाइ परमेस्वर कोनिङ गोताङ काथाता परिपक्क जेङलि दोसु।
20परमेस्वर केलाइको ह्रेका कालाउ सोचिका खान्तेङ हेन्जाङ पालि दोखे, हाइपालिपानु वाको सरबुङ केलाइ लिता काम पातेङ हि। 21केलाइको येसु ख्रिस्ट दोफाको सम्बन्धको कारन मन्डलिता परमेस्वरहेङ पुस्तासो पुस्ताङ थेकापा जेलाउलाउ बुङ महिमा मिलियाको। आमेन।
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Dhimal New Testament, by The Love Fellowship is licensed under Creative Commons Attribution-ShareAlike 4.0 License.