রোমীয় 16:25-27

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়, মাত্তর্ ইক্কিনে গম্ হবরানর্ মাধ্যমে সিয়েন ফগদাং ওইয়্যে আর সেবাবোত্যেগুরি মুই প্রচার গরঙর্। উমর গোজেনর্ উগুম মজিম ভাববাদীগুনোর্ লেঘার্ মাধ্যমে বেক্ জাদর্ মানুচ্চুনো ইধু সিয়েন জানা ওইয়্যে, যেন তারা খ্রীষ্ট উগুরে বিশ্বেজ্ গুরিনে গোজেনর্ বাধ্য ওই পারন্। তে বানা এক্কো গোজেন, তেয়ই জ্ঞানী। যীশু খ্রীষ্টর্ মাধ্যমে উমরত্তে তার্ বাঈনী ওক্। আমেন।