ሃዋ̈ 2
2
ዬሱ̈ሳ ታማ̈ራን ጋልዳ ጌ̈ሻ ኣያ̇ና ሶ̈ቢዴ
1ጴ̈ንጤቆ̈ስጣ#2፡1 ጴ̈ንጤቆስጣ ጋ̈ዝ ባ̈ሊንዳ ኣይሁዳን ፋ̈ሲጋ ባ̈ል ኣ̈̇ኖፖ ኢሺ̇ን ታጳ̇ ቃማ̇ፖ̇ ዎሃ ቦንቺ̇ንቲ̇ዝ ባ̈ሌ። ጌይዝ ባ̈ላ ጋላስ ዬሱ̈ስ ታማራን ዎይ ዎል ፔታ̇ን ፔቲ̇ ቤስ̇ ሺ̈ቃር ዎዶ̈ን፥ 2ኢንቲ̇ ቆፓካይዶ̈ን ጴች ዉርጊ ጊርቂዛ̈ዲፌ̈ን ጊርሲ ኣፋፖ̇ ዬ̈ሪ ኢንቲ̇ ዎ ኬ̈ምባር ኩሚዴ። 3ታማ ላ ማይጺዝባዝ ኢንታ̇ብ ቤንቲ̇ዴ፤ ዪና̇ ታማ ላ ማይጻዚን ፋጊንታ̇ ፋጊንታ̇ር ዎይን ጋልዳ ሉካ̇ር ሶ̈ባዴ። 4ኢናፖ ዎይን ጌ̈ሻ̇ ኣያ̇ናባራ ኩሚዴ፤ ጌ̈ሻ̇ ኣያ̇ና̈ዲ ኢንቲ̇ ሶ̈ላምፔ̈ን ኢንታ̇ብ ኢሚ̇ኖንዲፌ̈ኒ ዱማ ዱማ ኖ̈ናባር ሶ̈ሊ ኤ̈̇ዴ።
5ኣላማ ጋልዳ ዎ ጋዳን ዎይን ጋርታ̇ፖ̇ ዬይኖ ዎይ ጋላስ ጾ̈ሳ̇̇̈ቦ ጎሽቲዝ ኣይሁድ ዜርን ዬሩሳ̈ላም ጋርታ ዎዶን፤ 6ኢንቲ̇ ዪና̇ ጊርሲን ሲስካ̇ሪ ዎይሊን ኣስ ማ̈ቃ̇ር ኢና ሺ̈ቂዴ፤ ዎይን ኢንታ̇ ኖ̈ኒንባር ሶ̈ሊን ሲስካ̇ሪ ጋራ̇ሚንቲ̇ዴ። 7ኢንታር ዎይሊን ጋራ̇ሚንታ̇ሪ “ዓን ዓ̈ፌ̈ን ሶ̈ሊዛን ዎይ ኢንቲ̇ ጋሊላ ጋዶ̇ ኣስ ባያ? 8ኢንቲ̇ ኑ ዎይን ኖ̈ኒንባር ሶ̈ሊን ኑ ሲስካ̇ዚን ዓና̇ ዎዛራ? 9ኑ̈ኒ ጳሪጣፖ፣ ሜ̈ዳፖ፣ ኤ̈ላማፖ፣ ሜሶጶጣማፖ፣ ዪሁዳፖ፣ ቄጴዶቃፖ፣ ጳ̈ንጦሳፔኬ ኢ̈ሳፖ፣ 10ፊርጋፖ፥ ጲንፊላፖ፣ ጊብጻፖ፣ ቄሬ̈ና ላፍ ዎን ሊ̈ባ ጋዳ̇ ዶኢዛን፤ ማ ሮማ ጋዳ̇ፖ̇ ዬ̈ይኖ ኣይሁዳንኬ ዎሃ ኣይሁድ ኣማ̇ና ጋርታ̇ ጌሊኖንር ዎ። 11ማ ቄርጤ̈ሳፕኬ ኣራባፖ̇ ዬይኖ ኣሳንር ዎ። ዪዚ ዪን ኑ ዎይ ጾ̈ሳ̇ ኦ̈ኖ ጴቻ̇ ኦ̈ሲን ኣሳን ኑ ኖ̈ኒንባር ሶ̈ላዚን ዓ̈ዲሼ ኑ ሲስኪ̈ሬ። 12ዪዚ ዎይን ጋራ̇ሚንታርኬ ኢንታ̇ ጌይዝ ባዚ ዪን “ዓፌ̈ኖ ባዝ ኣብዝዶኔ” ጋ̈ሪ ዎል ዎልኣ ኦይጪ̇ዴ።
13ፔታ̇ን ፔታ̇ናን “ዓን ዎይና ዣ ኡሽካ̇ር ማሲቲኔ” ጌዪ ኢንታ̇ ጋልዳ ሚ̈ጪ̇ዴ።
ጴ̈ጥሮ̈ሲ ዎርዣቦ ሶ̈ሊኖ ሶ̈ላ
14ኢናፖ ጴ̈ጥሮ̈ሲ ታጶ̇ ፔቲ̇ ሃዋ̈ራታንባር ዎልኣ ኤቃ̇ር ፌ ቆ̈ን ሾክ̇ ዎታሪ ዎርዣ̈ኮ “ዪንቲ̇ ዪሁዳ ጋዶ̇ ኣሳንኬ ዬሩሳ̈ላም ዶኢዝ ኣሳን ዎይ፥ ዓና̇ ኢዛ ኣብዝኮ ኤራንዳ̇ቦ ታ ሶ̈ላዚን ዋይሳር ሲስኪ̇ብቴ። 15ሳ̈ዚ ዎንቲ̇ኖፖ̇ ቢርት ዓይዚ̇ ሳኣ̈ታ። ዪንቲ̇ ቆፒኖንዲፌ̈ኒ ዓን ኣሳን ማሲቲኖ ኣስ ጊዳካ̇ዬ። 16ዓና̇ ማ̈ቂ̇ኖንዳ̇ ሚን ናባ ዩኤ̈ሊ ሶ̈ሊ̈ርዶሪ፥
17“ ‘ጊዳን ዉርሲ ቃምባራ፥
ታ̈ኒ ታ ኣያ̇ና ኣስ ዎይ ጋልዳ ሶ̈ቢሳንዳ፤
ዪንታ̇ ናኣን ኣቲናንኬ ማጫ̇ ናኣን ካያ ካ̈ዪዝዳ፤
ኤርዳንሬ ሳጻ ቤቂ̇ዝዳ፤
ጪጛሻንሬ ኣይባ ቤቂ̇ዝዳ።
18ማ ዪን ቃማ̇ን ጋርታ̇፥
ኣቲናእኬ ማጫናእ ታ ኣይላን ጋልዳ
ታ ኣያ̇ና ሶ̈ቢሳንዳ፤
ኢንታ̇ሬ ካ̈ያ ካ̈ዪዝዳ።
19ፉዳ ኣፋ ጋራ̇ሚሲዝ ባዚ፥
ቶ̈ራ ሳ̈ዳ̇ር ታ̈ሚ̇ራ̈ታ ቤይሳንዳ፤
ሱ̈ኬ ታማኬ ጩ̈ይዥ ቃይቃያ ቤንቲ̈̇ሬ።
20ጎዳ ዬ̈ዝ ጴችኬ ጋራ̇ምሳዝ ቃሚ̇ን ዬላናፖ̇ ቲ̈ን፥
ኣዋ̈ፊን ̈ማ̇̈ሬ፤
ኣጋኒንዳር ዞቃ̇ር ሱ̈ ማይጻ̈ሬ።
21ጎዳ ሱምን ጼይጊዝ ኣሲ ዎይ ፋጺ̈ሬ’ ጌይሬ።
22“ኢስሬ̈ላ ጋዶ̇ ኣሳን! ዓና̇ ቃ̈ሊን ሲስኪ̇ብቴ፤ ዪንቲ̇ ኤራዚንዲፌ̈ን ጎዳ ዬሱ̈ሲ ጾ̈ሲ̇ ዪንታ̇ ጊዳ̇ ኢባር ማ̈ቃ̇ር ኦ̈ኖ ታ̈ሚ̇ራ̈ታንባራ፣ ጋራ̇ሚሲዝ ባዛንባርኬ ማላ̇ንባራ ኢ ኦ̈ናኮ ኢ̈ብ ማርኪ̇ቲኖ ኣሴ። 23ዪ̈ ና̈ሳ̈ዲ ጾ̈ሳ̇̇ ቲ̈ንታር ቆፒ̇ኖንዲፌ̈ኒኬ ኤሪኖንዲፌ̈ኒ ኣሳን ኢያ ዪንታ̇ ኩሽታ ኣ̈ ኢሚ̇ዴ፤ ዪንታ̇̇ር ማ ኢ ዉ̈ጫ̇ ኣሳን ኩሽባር ሶ̈ቲንቲ̇ ዓይቃ̇ምፔ̈ን ዎቲዴ። 24ዎቲናካሬ ጾ̈ሲ̇ ኢ ጋልዳፖ̇ ዓይቃ ዎልቂ̇ን ፋይሪ ዓይቃ ጋርታ̇ፖ̇ ኢያ ዲንዴ፤ ኣባ ጌይን ዓይቆ ኢያ ጋማንዳብ ዳንዳኢባ̈ሶኮታ̇ቦ። 25ዳ̈ዊቲ ኢ ባዝ ሶ̈ሊ̈ርዶሪ፥
“ ‘ታ̈ኒ ጎዳ ዎይ ጋላስ ቴ ቲ̈ኒን ጋርታ ቤቃ̇̈ሬ።
ኢ ታ̈ብ ኡሻች ጎይ ዎኮታ̇ቦ
ታ ኣባካር ኢ̈ጫ̇ባሴ።
26ዪዚ ዪ̈ኮታ̇ቦ ታ ቡ̈ዲንዳር ኡፋይስባር ኩማዴ፤
ታ ኖ̈ኒንዳር ጋላታባር ኩማዴ፤
ታ̈ናር ታስፋባር ዶኣ̈ሬ።
27ኣባ ጌይን ኔ ታ̈ና ዱ̈ፊ ጋርታ̇ ኣሻ̇ባሴ፤
ኔ ጌ̈ሽ ኣሳ̈ዳ ዶ̈ቻ̇ ጋርታ ዎ̈ቂ̇ ኣታምፔ̈ን ዎታባሴ።
28ኔ ታ̈ና ሼምፓ ጎይን ኤርሳዴ፤ ኔ ታባር ዎኮታ̇ቦ ታ̈ብ ዎ ኡፋይሳ̇̈ዳሬ ፎቲ ማ̈ቂ̇̈ሬ’ ጌይኔ።
29“ቴ ኢሺንታ̇ን! ቲ̈ኖ ኑ ባ̈ቢንታን ጋርታፖ̇ ፔታ̇ና ዳ̈ዊቲ ዓይቂ̇ኖንዶ፣ ዱ̈ኪንቲ̇ኖንዶ፣ ኢ ዱ̈ፊንዳ̇ር ዓኖ̇ ዬሊ̇ዝ ዲራስ ኑ ጊዳ̇ ዎን ቴ ዪንታ̇̇ብ ፋል̇ ሶ̈ላ̈ሬ። 30ኢ ዪኖ̇ ሶ̈ሊኖንዳ̇ ኢ ና̈ቢ ማ̈ቂ̇ኖኮታ̇ብኬ ጾ̈ሲ̇ ኢ̈ኮ ‘ታ̈ኒ ኔ ዜር ጋርታ̇ፖ̇ ፔታ̇ን ኔ ዙ̈ፋኒን ጋልዳ̇ ጋዳ̇ንዳ̇’ ጋ̈ሪ ጫ̈ቃባር ኢ̈ብ ቃ̈ላ ጌሊኖን ኤሪዛኮታ̇ቦ። 31ክርስቶ̈ሲ ዱ̈ፋ ጋርታ ኣቲ̇ባሶንዲኬ ኢ ኣይሺ̇ን ዎ̈ቃ̇ር ኣታ̇ባሶን ቲ̈ኒታር ቤቃ̇ሪ ኢ ዲንዲ̇ን ጎይ ሶ̈ሊኔ። 32ጾ̈ሲ̇ ዬሱ̈ሳ ዓይቃ ጋርታ̇ፖ̇ ዲንኔ፤ ኑ ዎይን ዪኒ̇ቦ ማርካ̇። 33ኢ ጾ̈ሳ̇̇ ላፍ ሾክ ሾክ ጌይኖፖ̇ ዓኒ ጌ̈ሻ̇ ኣያ̇ና ታስፋ ጾ̈ሳ̇̇ ጋልዳፖ̇ ኤካ̇ር ዓት ዪንቲ̇ ቤቃ̇ዚንዲኬ ሲስካ̇ዚን ኣሳ̈ብ ኢሚ̇ዴ። 34-35ዪዚ ዳ̈ዊቲ ፌ ቆሚ̇ን ኣፋ ሉካካ̇ዬ። ዎቲናካሬ ኢ ፌ ቆሚ̇ን፤
“ ‘ጎዳ̈ዲ ቴ ጎዳ̈ኮ ጌይርዶሪ፥
“ኔ ጻላ̈ታን ቴ ኔ ሲልጣኒን ጻና ኣ̈ዝ ዲራስ፥
ዓንዳ ታ ኡሻች ጎይ ዶኣቤ” ጌይዴ’ ጌይኔ።
36“ዪዚ ዪ ዪንቲ̇ ሶቲ̇ኖ ዬሱ̈ሲ፥ ጾ̈ሲ̇ ኢያ ጎድኬ ክርስቶ̈ሳ ማሂኖን ኢስሬ̈ላ ዎርዣ ዎይ ኤሮጋ̈ቤ” ጌዪ ሶ̈ሊዴ።
37ዎርዣ̈ዳሬ ዪኖ̇ ሲስካ̇ሪ ኢንቲ̇ ሲስኪ̇ኖ ባዚን ኢንታ ጋርሲን ሚቺ̇ን ጴ̈ጥሮ̈ሳኬ ሜላን ሃዋራታንኮ “ኑ ኢሺንታ̇! ኑ ዓት ኣብዝ ዎታኔ” ጌይዴ። 38ጴ̈ጥሮ̈ሳር ኢንታ̇ኮ “ማ̈ሪቲ ጌሊብቴ፤ ዪንታ̇ ናጋራ ዪንታ̇ብ ኣቶ̇ ጌዪንታ̇ምፔ̈ን ዪንቲ̇ ዎይን ዬሱ̈ስ ክርስቶ̈ሳ ሱምባር ጻማ̇ቂንቲ̇ብቴ̇፤ ጾ̈ሲ̇ ዪንታ̇ብ ጌ̈ሻ ኣያ̇ና ኢሚ̇̈ሬ። 39ጾ̈ሲ̇ ኢሚ̇ሬ ጌዪ ሶ̈ሊኖ ታስፋ ቃ̈ሊንዳ ዪንታ̇̇ቦ፣ ዪንታ̇ ናኣንብኬ ጎዳ ጾ̈ሳ̇̇ዲ ፌ̈ክ ጼይጊዛን ጎት ዎ ኣሳንባር ዎይዬ።
40ሜላር ዎይሊን ቃ̈ላ ኢንታ̇ብ ሶ̈ሊ ሙታ̇ “ኢንታ̇ ቡ̈ዳ ጋርታ̇ ኢ̈ታ ባዝ ኩሚኖ ዓታ̇ባሮ ኣሳ ዓ̈ ጋልዳ ዬ̈ይዝ ጎይላ ጋልዳፖ̇ ቡ̈ቲ̇ብቴ” ጋ̈ሪ ኢንታ̇ ዞሪዴ። 41ጴ̈ጥሮ̈ሲ ሶ̈ሊኖ ቃ̈ሊን ሲስኪ̇ ኤኪ̇ኖን ጻማ̇ቂ̇ንቲ̇ዴ፤ ዪና̇ ኢዝ ጋላሲ̇ን ዓይዚ̇ ሙኩላ ኣስ ማ̈ቃ̇ምፔ̈ኖ ኢንታ̇ ጋልዳ ጉጂንቲ̇ዴ።
ኣማ̇ኒኖ ኣሳን ዎል ፔታ̇ን ዶኢኖ ዶኢ
42ኢንታሬ ሃዋ̈ራታን ቲሚርታ ሲስኪ̇ሙታ፣ ዎልኣ ፔታ̇ን ማ̈ቃር ዶኢ፣ ሞ̈ዝ ፊሺንዳር ዎልኣ ሙዪ ማ ዎ̈ሳባራር ዎይ ዎልኣ ሚጛር ዎ̈ሲ̈ሬ። 43ጾ̈ሲ̇ ሃዋ̈ራታንባራ ዎይሊን ጋራሚሲዝ ባዝኬ ታ̈ሚ̇̈ራታ ኦ̈ኖኮታ̇ቦ ኣሲ ዎይ ኢ̈ች ኤ̈ዴ። 44ኣማ̇ኒኖ ኣሳን ዎይ ዎልኣ ፔታ̇ን ማ̈ቃ̇ር ዶኢዴ፤ ፌ̈ብ ዎ ባዝ ዎይ ዎልኣ ፔታ̇ን ማሂዴ። 45ፌ ሳ̈ዚንዲክ ፌ̈ብ ዎ ቆሊንንስ ጋርታ̇ፖ̇ ዎ̈ጚሙታ̇ ፔቲ̇ ኣሳብ ቆሚ̇ን ቆሚ̇ን ኢንታ̇ብ ኮሻ̇ዚንዲፌ̈ኒ ኢሚ̇̈ዴ። 46ዎይ ጋላስ ጾ̈ሳ̇̇ ኬ̈ ጋርታ̇ ዎልኣ ፔታ̇ን ሺ̈ቂ̈ሬ፥ ማ ፌ ኣ̈ላሬ ፊ̈ሽ ሙይርዶር ኡፋይሳ̇ባርኬ ኮሽ ቡ̈ዳባራ ዎልኣ ሙይሬ፤ 47ጾ̈ሳ̇̇̈ዳር ጋላቲ̈ሬ፤ ኣሲ ዎይ ኢንታ ቦንቺ̈ሬ፤ ማ ጎዳ̈ዲ ኢያ ኣማ̇ኒዝ ኣሳን ዎይ ጋላስ ኢንታ̇ ጋልዳ ጉጂ̇̈ሬ።
Đang chọn:
ሃዋ̈ 2: ኦጫ̈ቃማ
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
