ZAKARI 13
13
1Zĩ pìa íbↄkii é wɛ̃ Dauda boriinↄnɛ kↄ̃n Yerusalɛmudeenↄ durunkɛ̃nnɛna kↄ̃n gbãsĩbↄnnɛnao yãnzi. 2Zĩ pìa mɛ́ tãanↄ tↄ́ mì dɛ ń bùsun, aↄ̃ yã égↄ̃ dↄ gbɛ̃ken dↄro. Mamↄma Dii Zĩ̀kpɛde mámbe má ò. Mɛ́ annabi ɛgɛɛnↄ mì dɛ ń bùsun kↄ̃n wegũnna kɛ̀ aↄ̃ↄe ń gba lɛ́nↄ. 3Tó gbɛ̃ kpɛ́ e annabikɛyã oo, à de kↄ̃n à da'inao é benɛ à gàn gwe, zaakɛ à ɛgɛɛ tò kↄ̃n ma tↄ́omɛ. Tó èe annabikɛyã oo, à de kↄ̃n à da pìnↄ bé wé à zↄ̃ wà dɛ. 4Zĩ pìa annabi sãnda píngi é wí dɛ kↄ̃n yã kɛ̀ èe ee onao. Aↄ̃é annabi pↄ́kã uta da aↄ̃ gbɛ̃nↄ sãsão dↄro. 5Eé be annabin a ũro, búbarin a ũ, ée buraa kɛɛ zaa a ↄ̀wazikɛgurↄmɛ. 6Tó wà à là: Bↄ́ bↄ̀gbɛ bé kú n ↄↄnↄa sↄ̃ↄ? Eé be: É'e! Ma kɛ̃nna ma gbɛ̃nↄ bɛmɛ. 7Mamↄma Dii Zĩ̀kpɛde ma bè:
Fɛ̃ɛda, ǹ fɛɛ ma sãdãrizi, gↄ̃ kɛ̀ dɛ ma gbɛ̃ndoo ũu pì.
Ǹ ma sãdãri pì lɛ́, sãanↄ é fãakↄ̃a,
mɛ́ ↄ tↄ̃ aↄ̃ gbɛ̃ kpɛɛdeenↄa.
8Weé bùsu gbɛ̃nↄ lɛo plaaa lɛ́ wà ń dɛdɛ,
mↄde lɛo doo é gↄ̃ à guu.
Mamↄma Dii mámbe má ò.
9Mɛ́ lɛo doo pì baasa kↄ̃n tɛ́o lán kondogi baasana bà.
Mɛ́ ń maaa yↄ̃ mà gwa lán wè vura maaa yↄ̃ wà gwa nà.
Aↄ̃é ma sísi, mɛ́ weńla.
Mɛ́ be ma gbɛ̃nↄn ń ũ, aↄ̃é be Diin ń Luda ũ.
Đang chọn:
ZAKARI 13: BBB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bokobaru Bible with New Testament and OT Portions © Sim International, 2005.