SAAMUNƆ 149

149

Dii gbɛ̃nↄ yãkpaɛkɛna kↄ̃n boriinↄo

1Aleluya!

À lɛ̀ dufu sí Diinɛ,

à à táaki lɛ́ à gbɛ̃nↄ kakↄ̃ana guu.

2Isarailinↄ pↄↄ kɛ nna ń Kɛ̀ria,

Zayↄndeenↄ pↄnnaa kɛ kↄ̃n ń kínao.

3Aↄ̃ ↄ̃ wã wà à tↄ́ bↄ,

aↄ̃ à táaki lɛ́ kↄ̃n mↄrↄo kↄ̃n sɛ̃gɛ̃sɛ̃gɛ̃o.

4Zaakɛ Dii gbɛ̃nↄ yã è kánɛ,

è mìsina fùra kú zĩndabusarinↄnɛ.

5Dii yãmarinↄ pↄnna wii pɛ́ ń zĩ̀blena yãnzi,

aↄ̃ guda dↄ ń daɛbↄ musu.

6Luda táakilɛna gↄ̃ da ń lɛ́n,

fɛ̃ɛda kpaplaplaaa gↄ̃ naa ń ↄzĩ,

7lɛ aↄ̃ gɛ̃ɛ boo boriinↄa,

aↄ̃ wɛ́ɛ tão bùsu píngi gbɛ̃nↄa,

8lɛ aↄ̃ ń kínanↄ yiyi kↄ̃n mↄ̀kyakoonↄ,

aↄ̃ mↄ̀gata ká ń wɛ̃ɛnɛnↄa,

9lɛ aↄ̃ yã dańla lán à kɛ̃na takada guu nà.

Gakui kɛ̀ Dii yãmarinↄ é een gwe.

Aleluya!

Đang chọn:

SAAMUNƆ 149: BBB

Tô màu

Sao chép

So sánh

Chia sẻ

Bạn muốn lưu những tô màu trên tất cả các thiết bị của mình? Đăng ký hoặc đăng nhập

Những câu Kinh Thánh phổ biến từ
SAAMUNƆ 149