YAASINƆ 4
4
Gbɛ̃nsi lɛ́damma
1Ma nɛ́nↄ, à gbɛ̃nsi lɛ́damma ma,
à làakari dↄa lɛ à asãnsi e.
2Dↄ̃na súusun mɛ́ɛ daaare,
àton pã kpá ma yãdannɛziro.
3Kɛ̀ má kuu nɛ́ ũ ma de ↄzĩ,
má busana ma da nɛ́ mɛ̀n do léle ũ.
4Ma de yã dàmɛ à bè:
Ǹgↄ̃ ma yã kũna n swɛ̃̀ guu,
ǹ ma yãdiɛnanↄ da nɛ́gↄ̃ kuu.
5Ǹ ↄ̃ndↄ̃ kũ ǹgↄ̃ dↄ̃na vĩ,
ǹton sãn ǹ pã ma yãnɛro.
6Ǹton pã kpá ↄ̃ndↄ̃ↄziro, eé n dãkpa,
ǹgↄ̃ yezi, eé ↄ kúnla.
7Ǹ ↄ̃ndↄ̃ kũ, àmbe yã píngi mì ũ,
ǹ dↄ̃na wɛtɛ kↄ̃n auziki kɛ̀ ń vĩio píngi.
8Ǹ à kũ gbãngbãn, eé n kaara,
ǹ à kũ ↄplaplaa, eé bɛ̀ɛ línnɛ.
9Eégↄ̃ dɛ fùra maaa ũ n mìa,
eégↄ̃ dɛnnɛ kífura gakuidee ũ.
10Ma nɛ́, ǹ swã kpá ma yãzi,
ǹ yã pì da, n wɛ̃̀ndi égↄ̃ gbã̀a.
11Ma ↄ̃ndↄ̃ zɛ́ ↄ̀dↄannɛ,
ma n da à zɛ́ súusu guu.
12Tó nɛ́ɛ táa oon, pↄ́ke é kpánnɛro,
tó nɛ́ɛ bàa lɛɛn, nɛ́ gɛ̃̀n síro.
13Ǹgↄ̃ ma lɛ́damma kũna, ǹton ↄ gbarɛziro,
ǹ à kũ gbãa, zaakɛ àmbe n wɛ̃̀ndi ũ.
14Ǹton zaakɛrinↄ zɛ́ sɛ́ro,
ǹton tɛ́ gbɛ̃ zaaanↄ zɛ́ziro.
15Ǹ pãńnɛ, ǹton naḿmaro,
ǹ kɛ̃ḿma ǹ n gáao.
16Tó aↄ̃ↄe zaaa e wà kɛ̀ro, aↄ̃è ii oro,
tó aↄ̃ↄe gbɛ̃ e wà kari kɛro, ii è gɛ̃ ń wɛ́ɛnlo.
17Zaakɛ zaakɛnan ń pↄ́blee ũ,
wɛ́ɛtãna gbɛ̃nↄan ń ímina ũ.
18Gbɛ̃ maaanↄ zɛ́ dɛ lán gudↄna bàmɛ,
à gupuraa ègↄ̃ bↄↄ lán ↄfãntɛ̃ bↄna bà.
19Zaakɛrinↄ zɛ́ dɛ lán gusia níginigi bàmɛ,
aↄ̃è pↄ́ kɛ̀ tò wè gɛ̃̀n sí dↄ̃ro.
20Ma nɛ́, ǹ làakari dↄ yã pìnↄa,
ǹ swã kpá ma yã'onnɛnazi.
21Ǹton kpá swãkotoro,
ǹgↄ̃ kũna n swɛ̃̀ guu.
22Zaakɛ à dɛ wɛ̃̀ndi ũ gbɛ̃ kɛ̀ lè à kũ̀nɛ,
à dɛ mɛ̀ píngi aafia ũ.
23Kɛ̀ dɛnlaa ǹ làakari dↄ n swɛ̃̀ yãa,
zaakɛ wɛ̃̀ndi kãsãa bↄ̀ swɛ̃̀ kiiamɛ.
24Ǹ bↄ yãzaa'onan,
ǹ mì kɛ̃ yãlɛkpɛɛ'onaa.
25Ǹ wɛ́ɛ dↄ n aɛ,
ǹ guu gwa n kuu súusu.
26Ǹ zɛ́ sɛ́ súusu,
n yãkɛnanↄ píngi é bↄ maa.
27Ǹton na ↄplazi ke ↄzɛziro,
ǹton gbá pɛ́ɛ à zaa zɛ́nlo.
Đang chọn:
YAASINƆ 4: BBB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bokobaru Bible with New Testament and OT Portions © Sim International, 2005.