प्रेरित 1
1
येशू स्वर्गम उठागैलक
1माननीय थियोफिलस, येशू काम कर ओ शिक्षा देह सुरु करलठेसे स्वर्गम नैजाइट्सम्मक सब बात मै पैल्हक किताबम अप्नक लाग लिखदेरख्नु। #लूक १:१-४ 2तर उहाँ स्वर्ग जैनासे आघ आपन र्वाजल प्रेरितहुँकन पवित्र आत्माद्वारा थप निर्देशन देल। 3दुःख भोग्क क्रूसम मुलक पाछ उहाँ चालीस दिनिक अवधिम कैयौचो हुँकन्हकठे देखपर्ल, ओ अप्न जिटी रलक धेर तरिकासे पक्का प्रमाण देल, ओ हुँकनसे परमेश्वरक राज्यक बारेम बात बटोइल। 4एकचो येशू हुँकन्हकसँग खाना खाइबेर हुँकन असिक आज्ञा देल, “मै पैल्ह्हेँ टुँहन कहलअस परमेश्वर बाबा आपन प्रतिज्ञा करल टुँहन देना वरदान नैपठाइट्सम टुह्र यरूशलेम छोर्क कहोँ जिन जैहो कना बात सुनरख्लो।#लूक २४:४९ 5यूहन्ना पानीक बप्तिस्मा देहँट् तर टनिक्क दिनम टुह्र पवित्र आत्मक बप्तिस्मा पैबो।”#मत्ती ३:११; मर्क १:८; लूक ३:१६; यूह १:३३
6उहओर्से जब प्रेरितहुँक्र येशूकसँग जम्मा हुइल, तब हुँक्र उहाँह पुछ्ल, “प्रभु, का अप्न यिह समयम हमार इस्राएल देशक राज्य फेदोस्र स्थापना कैदेबी?”
7उहाँ कल, “याकर समय जन्ना काम टुन्हक नैहो। याकर समय तोक्ना अधिकार परमेश्वर बाबकठे केल बाटन। 8तर पवित्र आत्मा टुन्हकम अइहीँ त टुह्र शक्ति पैबो। तबदोस्र टुह्र यरूशलेम सहरम, सारा यहूदिया ओ सामरिया क्षेत्रम, ओ पृथ्वीक कोनिकाटरसम म्वार साक्षी हुइबो।”#मत्ती २८:१९; मर्क १६:१५; लूक २४:४७-४८
9उहाँ यी बात बट्वाक सेक्ल त, हुँक्र हेर्टीहेर्टी उहाँ स्वर्गओर बद्रीक उप्पर उठागैलक कारण, उहाँ हुँकन्हक नजरमसे बिलागैल।#मर्क १६:१९; लूक २४:५०-५१
10हुँक्र एकटक लगाक आकाशम येशू उप्पर उठाजाइट् हेर्टीरहल ब्याला उज्जर झुल्वा घालल् दुइठो मनै एकचोट्टे हुँकन्हकठे देखपर्ल, 11ओ कल, “हेरो गालील क्षेत्रक मनै, टुह्र काजे आकाशम हेर्टी अठे ठह्र्याइल बाटो? जसिक टुह्र येशूह स्वर्गम उठाजाइट् देख्लो, ओसहेँक उहाँ घुम्क फेदोस्र अउइयाबाट।”
यहूदक ठाउँम मतियासक नियुक्ति
12तबदोस्र हुँक्र जैतून पर्वत्वमसे घुम्क यरूशलेमम गैल। ओठेसे यरूशलेम लगभग एक किलोमिटर दूर बा। 13यरूशलेम पुग्क हुँक्र आपन बैठ्ना घरक उप्रक ताल्हक क्वाठम गैल। हुँक्र पत्रुस, यूहन्ना, याकूब, अन्द्रियास, फिलिप, थोमा, बारथोलोमाइ, मत्ती, अल्फयसक छावा याकूब, देशभक्त दलक सिमोन, ओ याकूबक छावा यहूदा रलह।#मत्ती १०:२-४; मर्क ३:१६-१९; लूक ६:१४-१६ 14हुँक्र सबजन एक्क मनक होक लगातार प्रार्थनम लग्लरहँट्। उ बगालिम येशूक डाई मरियम, और जन्नीमनै ओ येशूक भैयन फे रलह।
15एक दिन करीब एक सय बीस जन विश्वासीहुँक्र जम्मा हुइल् ब्याला पत्रुस ठह्र्याक कल, 16“हेरो भैयौ, धर्मशास्त्रम पवित्र आत्मा राजा दाऊदक मुहसे यहूदक बारेम ब्वालल् वचन पूरा हुइपर्ना रह। यहूदा येशूह पक्रक लाग मनैन लैगिल्। 17पैल्ह ऊ हमारअस सेवकाई करक लाग हमारसँग नियुक्त हुइल् एकठो प्रेरित रह।”
18(येशूह ध्वाखा देलक कारण पाइल पैँसले यहूदा एकठो जग्गा किनल। उह जग्गम ऊ मुहकभर खसल्।#मत्ती २७:५ वाकर भुँर फुट्क भुँरपटक्का बाहर निकरगैलस।#मत्ती २७:३-८ 19सारा यरूशलेमक मनै यी हल्ला सुन्ल ओ हुँक्र उ जग्गक नाउँ आपन भाषम “आखेल्दामा” ढर्ल, याकर अर्थ “रगतक जग्गा” हो।)
20पत्रुस कल, “उ घटना भजनसंग्रह किताबम लिखल बात पूरा हुइक लाग हुइल् हो। उहिँम असिक लिखल बा:
‘वाकर घर सुनसान होजहीँस,
कुई फे नैरहहीँस,
ओ वाकर कामक जिम्मा और मनैया लेहीँस।’#भज ६९:२५; १०९:८
21उहओर्से हम्र वाकर सटाहा एकठो मनैयह र्वाज पर्ना बा। उ मनैया हमार बगालिक हुइपरी, जौन बगालिम प्रभु येशू हमारसँग रलह। 22उ मनैया, येशू यूहन्नसे बप्तिस्मा लिहल समयठेसे लेक स्वर्गम उठागैल् दिनसम हमारसँग रहल हुइपरी। ओहीह हमार सँगसँग येशू मुवलमसे फेदोस्र जिगैल कना बातक साक्षी हुइपरहीँस।”#मत्ती ३:१६; मर्क १:९; १६:१९; लूक ३:२१; २४:५१
23उहओर्से हुँक्र दुइठो मनैन आघ सर्ल। एकठो योसेफ रलह, मनै हुँकहीन बारसाबास कहँट्। हुँकहार और नाउँ युस्तस रलहन। और मनैयाजुन मतियास रलह। 24हुँक्र असिक प्रार्थना कर्ल, “हे प्रभु, अप्न सबजन्हक मनक बात थाहाँ पैठी। हिँक्र दुइ जनमध्ये अप्नक र्वाजल मनैयह हमन चिन्हादी। 25उ मनैया प्रेरित होक सेवकाई करी, काकरकि यहूदा मुक जहाँ जाइपर्ना रलहस उहँ गैगिल्।” 26तबदोस्र हुँक्र गोटी डर्ल। गोटी मतियासक नाउँम पर्लन। असिक एघार प्रेरितन्हकम ऊ फे थपगैल।
Đang chọn:
प्रेरित 1: thl
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2020, Wycliffe Bible Translators, Inc. All rights reserved.
प्रेरित 1
1
येशू स्वर्गम उठागैलक
1माननीय थियोफिलस, येशू काम कर ओ शिक्षा देह सुरु करलठेसे स्वर्गम नैजाइट्सम्मक सब बात मै पैल्हक किताबम अप्नक लाग लिखदेरख्नु। #लूक १:१-४ 2तर उहाँ स्वर्ग जैनासे आघ आपन र्वाजल प्रेरितहुँकन पवित्र आत्माद्वारा थप निर्देशन देल। 3दुःख भोग्क क्रूसम मुलक पाछ उहाँ चालीस दिनिक अवधिम कैयौचो हुँकन्हकठे देखपर्ल, ओ अप्न जिटी रलक धेर तरिकासे पक्का प्रमाण देल, ओ हुँकनसे परमेश्वरक राज्यक बारेम बात बटोइल। 4एकचो येशू हुँकन्हकसँग खाना खाइबेर हुँकन असिक आज्ञा देल, “मै पैल्ह्हेँ टुँहन कहलअस परमेश्वर बाबा आपन प्रतिज्ञा करल टुँहन देना वरदान नैपठाइट्सम टुह्र यरूशलेम छोर्क कहोँ जिन जैहो कना बात सुनरख्लो।#लूक २४:४९ 5यूहन्ना पानीक बप्तिस्मा देहँट् तर टनिक्क दिनम टुह्र पवित्र आत्मक बप्तिस्मा पैबो।”#मत्ती ३:११; मर्क १:८; लूक ३:१६; यूह १:३३
6उहओर्से जब प्रेरितहुँक्र येशूकसँग जम्मा हुइल, तब हुँक्र उहाँह पुछ्ल, “प्रभु, का अप्न यिह समयम हमार इस्राएल देशक राज्य फेदोस्र स्थापना कैदेबी?”
7उहाँ कल, “याकर समय जन्ना काम टुन्हक नैहो। याकर समय तोक्ना अधिकार परमेश्वर बाबकठे केल बाटन। 8तर पवित्र आत्मा टुन्हकम अइहीँ त टुह्र शक्ति पैबो। तबदोस्र टुह्र यरूशलेम सहरम, सारा यहूदिया ओ सामरिया क्षेत्रम, ओ पृथ्वीक कोनिकाटरसम म्वार साक्षी हुइबो।”#मत्ती २८:१९; मर्क १६:१५; लूक २४:४७-४८
9उहाँ यी बात बट्वाक सेक्ल त, हुँक्र हेर्टीहेर्टी उहाँ स्वर्गओर बद्रीक उप्पर उठागैलक कारण, उहाँ हुँकन्हक नजरमसे बिलागैल।#मर्क १६:१९; लूक २४:५०-५१
10हुँक्र एकटक लगाक आकाशम येशू उप्पर उठाजाइट् हेर्टीरहल ब्याला उज्जर झुल्वा घालल् दुइठो मनै एकचोट्टे हुँकन्हकठे देखपर्ल, 11ओ कल, “हेरो गालील क्षेत्रक मनै, टुह्र काजे आकाशम हेर्टी अठे ठह्र्याइल बाटो? जसिक टुह्र येशूह स्वर्गम उठाजाइट् देख्लो, ओसहेँक उहाँ घुम्क फेदोस्र अउइयाबाट।”
यहूदक ठाउँम मतियासक नियुक्ति
12तबदोस्र हुँक्र जैतून पर्वत्वमसे घुम्क यरूशलेमम गैल। ओठेसे यरूशलेम लगभग एक किलोमिटर दूर बा। 13यरूशलेम पुग्क हुँक्र आपन बैठ्ना घरक उप्रक ताल्हक क्वाठम गैल। हुँक्र पत्रुस, यूहन्ना, याकूब, अन्द्रियास, फिलिप, थोमा, बारथोलोमाइ, मत्ती, अल्फयसक छावा याकूब, देशभक्त दलक सिमोन, ओ याकूबक छावा यहूदा रलह।#मत्ती १०:२-४; मर्क ३:१६-१९; लूक ६:१४-१६ 14हुँक्र सबजन एक्क मनक होक लगातार प्रार्थनम लग्लरहँट्। उ बगालिम येशूक डाई मरियम, और जन्नीमनै ओ येशूक भैयन फे रलह।
15एक दिन करीब एक सय बीस जन विश्वासीहुँक्र जम्मा हुइल् ब्याला पत्रुस ठह्र्याक कल, 16“हेरो भैयौ, धर्मशास्त्रम पवित्र आत्मा राजा दाऊदक मुहसे यहूदक बारेम ब्वालल् वचन पूरा हुइपर्ना रह। यहूदा येशूह पक्रक लाग मनैन लैगिल्। 17पैल्ह ऊ हमारअस सेवकाई करक लाग हमारसँग नियुक्त हुइल् एकठो प्रेरित रह।”
18(येशूह ध्वाखा देलक कारण पाइल पैँसले यहूदा एकठो जग्गा किनल। उह जग्गम ऊ मुहकभर खसल्।#मत्ती २७:५ वाकर भुँर फुट्क भुँरपटक्का बाहर निकरगैलस।#मत्ती २७:३-८ 19सारा यरूशलेमक मनै यी हल्ला सुन्ल ओ हुँक्र उ जग्गक नाउँ आपन भाषम “आखेल्दामा” ढर्ल, याकर अर्थ “रगतक जग्गा” हो।)
20पत्रुस कल, “उ घटना भजनसंग्रह किताबम लिखल बात पूरा हुइक लाग हुइल् हो। उहिँम असिक लिखल बा:
‘वाकर घर सुनसान होजहीँस,
कुई फे नैरहहीँस,
ओ वाकर कामक जिम्मा और मनैया लेहीँस।’#भज ६९:२५; १०९:८
21उहओर्से हम्र वाकर सटाहा एकठो मनैयह र्वाज पर्ना बा। उ मनैया हमार बगालिक हुइपरी, जौन बगालिम प्रभु येशू हमारसँग रलह। 22उ मनैया, येशू यूहन्नसे बप्तिस्मा लिहल समयठेसे लेक स्वर्गम उठागैल् दिनसम हमारसँग रहल हुइपरी। ओहीह हमार सँगसँग येशू मुवलमसे फेदोस्र जिगैल कना बातक साक्षी हुइपरहीँस।”#मत्ती ३:१६; मर्क १:९; १६:१९; लूक ३:२१; २४:५१
23उहओर्से हुँक्र दुइठो मनैन आघ सर्ल। एकठो योसेफ रलह, मनै हुँकहीन बारसाबास कहँट्। हुँकहार और नाउँ युस्तस रलहन। और मनैयाजुन मतियास रलह। 24हुँक्र असिक प्रार्थना कर्ल, “हे प्रभु, अप्न सबजन्हक मनक बात थाहाँ पैठी। हिँक्र दुइ जनमध्ये अप्नक र्वाजल मनैयह हमन चिन्हादी। 25उ मनैया प्रेरित होक सेवकाई करी, काकरकि यहूदा मुक जहाँ जाइपर्ना रलहस उहँ गैगिल्।” 26तबदोस्र हुँक्र गोटी डर्ल। गोटी मतियासक नाउँम पर्लन। असिक एघार प्रेरितन्हकम ऊ फे थपगैल।
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2020, Wycliffe Bible Translators, Inc. All rights reserved.