Nɩ-toni 22
22
1«Ɩ̃ yɛbr nɩ ɩ̃ sãà mɩnɛ ɛ, nyɩ pãa wõ a ƴɛ̀rʋ ɩ̃ na tɛr a nyɩ zie, k'ɩ̃ɩ ƴɛ̀r faa ɩ̃ tʋɔra a.» 2Bɛ na tɩ wõ a Pol ƴɛ̀rɛ a bɛ zie a arameyɛ̃ kɔkɔr pʋɔ a, bɛ tɩ lɛb'a bãw nyɔw bɛ tʋɔra ɛ́ ŋma vʋʋrɛ. Lɛ n'a a Pol tɩ yel: 3«Zifʋ nɛ m, Tarsɩ na be Silisi a n'a ɩ̃ dɔw. Ɛcɛ a Zerizalɛm ka n'a ɩ̃ baa, Gamaliyɛl pile n'a ɩ̃ zànɩ a yele na càarɩ a tɩ sãàkʋm-kore Naaŋmɩn wulu a. Mɛ̃ a nyɩɩm za a dɩ̃a a, ɩ̃ mɩ̀ bɛ tɩ sàwr a Naaŋmɩn yele ƴãw ɛ. 4A bɛlɩ dem na tuur a sɔ́r ŋa a, ɩ̃ mɩ́ tɩ dɔwrɩ bɛ na tɩ kʋ. Ɩ̃ nyɔw nɩ dɛbr nɩ pɔwbɛ 'lẽ lɔb ƴãw gaso pʋɔ. 5A bàwr-maal-kara nɩ a nɩ-kore lãw nɩbɛ za na tʋ̃ɔ́ na dɩ a yele á ŋá dãsɩɛ. Bɛlɛ nɛbɛ tɩ kʋ̀ m sɛb-tʋɔlɩ a tɩ yɛbr ƴãw, a lɛn daar ɩ̃ na tɩ cen a Damasɩ, ɛ́ bɛ tõ m k'ɩ̃ɩ tɩ nyɔw a bɛl na be a be a, 'lẽ wa n a Zerizalɛm bɛ wa ƴãw bɛ dɔwrʋ a.»
A Pol manɛ nɩ a Damasɩ sɔ́r zu yele
(Nɩ-t 9:1-19, 26:12-18)
6«Lɛ n'a ɩ̃ tɩ lo a sɔ́r cere tɩ pɩɛlɛ a Damasɩ. A tɩ man nɩ gbãgbãw daar, wa bere cãà-kpɛ̃ɛ kãw yi a salom zu wa pili pàw mɛ̃. 7Ɩ̃ tɩ lo na gã tẽw ɛ́ wõ kɔkɔr ʋ sowre mɛ̃: “Sol i, Sol i, bʋ̃ʋ ƴãw n'a fʋ dɔwrɛ mɛ̃?” 8Ɩ̃ tɩ sɔw na yel: “Ãa nɛ b, Sore e?” A kɔkɔr tɩ lɛb'a yel mɛ̃: “Nazarɛtɩ Yeezu nɛ m, mãa n'ʋ fʋ dɔwrɛ.” 9A ɩ̃ taabɛ tɩ nyɛ̃ nɩ a cãà, ɛcɛ bɛ bɛ tɩ wone a kɔkɔr na ƴɛ̀rɛ a ɩ̃ zie a ɩ. 10Lɛ n'a ɩ̃ tɩ lɛb sowri: “Bʋ̃ʋ n'ʋ a fɛr k'ɩ̃ɩ ɩ, Sore e?” A Sore tɩ sɔw na yel mɛ̃: “Ìr cen a Damasɩ, bɛ na tɩ yel'a kʋ̀ b a be a alɩ bome nɛ za a Naaŋmɩn na yel kɛ́ fʋ ɩ a.” 11A cãà-kpɛ̃ɛ tɩ del'ɩ a ɩ̃ mimie ɩ̃ bɛ nyɛrɛ ɩ. A ɩ̃ sɔ́r lãw-cenbɛ tɩ nyɔw mɛ̃ nɩ nũú taw cen nɩ a Damasɩ.»
12«Dɔɔ kãw tɩ be n be dɩ Ananɩasɩ. Ʋ tɩ nɔnɛ nɩ puoru ɛ́ tuur a Naaŋmɩn wulu vla. A Zifʋ mɩnɛ za na tɩ kpɩɛr a be a tɩ nɔnɛ nɩ a ʋ yele. 13Ʋ tɩ wa na wa páw mɛ̃ yel: “Ɩ̃ yɛb Sol i, lɛb nyɛrɛ!” Daadaalɛ ɩ̃ tɩ lɛb'a nyɛrɛ, nyɛ̃ ʋ. 14A lɛ n'a ʋ tɩ yel mɛ̃: “A tɩ sãàkʋm-kore Naaŋmɩn tɩ dãw na bãwnɩ fʋ kaa ír, kɛ́ fʋ wa bãw a ʋ pʋ-tɩɛrʋ, kɛ́ fʋ wa bãw a nɩ-mɩŋa ɛ́ wõ a ʋ tɔr za kɔkɔr. 15A fɛr'a kɛ́ fʋ dɩ a ʋ dãsɩɛ a nɩsaalbɛ za niŋé, a yele á ŋá fʋ na nyɛ̃ ɛ́ wõ a ƴãw. 16A na ɩ à ŋá a, bʋ̃ʋ ƴãw n'a fʋ pãa na lɛb bʋ́nɛ a? Ìr de a suob bʋɔlɩ a ʋ yúor a fʋ yel-bebe pɛwfʋ ƴãw.”»
A Pol manɛ nɩ a lɛ a Sore na tõ ʋ nɩ-bʋʋr-yoru zie a
17«Ɩ̃ na tɩ lɛb wa a Zerizalɛm a, ɩ̃ wa yi n bibir kãw kpɛ a Ŋmɩn-yir-kpɛ̃ɛ pʋɔ tɩ be be puore wa nyɛ̃ bʋ̃-nyɛra. 18Lɛ n'a ɩ̃ tɩ nyɛ̃ a Sore ʋ tɩ yere kʋ̀rɛ mɛ̃: “Yi zaa fɔ̃wlɛ a Zerizalɛm tẽw pʋɔ. A ka a, bɛ kʋ̃ sàw de a ɩ̃ dãsɩɛ fʋ na na dɩ a ɩ.” 19Ɩ̃ tɩ sɔw na yel ʋ: “Sore e, bɛ bãwnɩ a na mãa na n'ʋ mɩ́ tɩ cen a puoru-dirú, tɩ ƴãw bɛ nyɔw a bɛlɩ dem na sàw de b'a, lɔb ƴãw gaso pʋɔ ɛ́ fɔb a. 20Ɛ́ lɛb waar, a lɛn daar bɛ na tɩ kʋrɛ a fʋ dãsɩ-dɩrɛ Ɩtɩɛn a, ɩ̃ tɩ be n be, ɩ̃ tɩ sàw na kɛ́ bɛ kʋ ʋ. Mãa n'ʋ tɩ àr gù a bɛ bʋ̃-suuri.” 21Ɛcɛ ʋ tɩ yel mɛ̃ na: “Cere, zi-zãána nɩ-bʋʋr-yoru zie n'a mãa na tõ fʋ.”»
A Pol wul'ɩ ʋ tʋɔra a sojarɩ túr nɩ-kpɛ̃ɛ k'ʋʋ ɩ n Ʋrɔm tẽ-bie
22A Zifʋ mɩnɛ na tɩ bɛr wõ a Pol ƴɛ̀rʋ wa tɩ ta a ƴɛ̀r-bie á ŋá a, bɛ tɩ ŋmɩɛr'ɩ cɛlsɩ yere nɩ: «Nyɩ ɩ a nɩr ŋa tɔ ta cãà a tẽw zu ɛ! A bɛ sɛw k'ʋʋ cãà vʋʋrɛ ɩ!» 23Bɛ tɩ ŋmɛrɛ nɩ kɔkɛɛ, yaarɛ nɩ a bɛ kpar-bɛrɛ, ɛ́ 'wɔ̃wnɛ tanɛ lɔbr saa-zu a ɩrɛ uuru. 24A lɛ n'a a sojarɩ túr (1 000) nɩ-kpɛ̃ɛ tɩ ƴãw kɛ́ bɛ tɛr a Pol kpɛ n a sojarɩ yir tɩ ƴãw ʋ fʋba, sowri bãw bʋ̃ʋ n'ʋ so a gɔmɛ á ŋá a ʋ ƴãw. 25Bɛ tɩ nyɔw nɩ a Pol 'lẽ kɛ́ bɛ fɔb. Lɛ n'a ʋ tɩ sowri a sojarɩ kʋba (100) nɩ-kpɛ̃ɛ ʋl na tɩ àr a be a: «Ʋrɔm tẽ-bie bɛ na bɛ maal'ɩ ƴɛ̀rʋ a, nyɩ tɛr'ɩ sɔ́r kɛ́ nyɩ fɔb ʋ bɩɩ?» 26A sojarɩ kʋba nɩ-kpɛ̃ɛ na wa wõ à à ŋá a, ʋ cen na tɩ yel a sojarɩ tur nɩ-kpɛ̃ɛ: «Alɛ! bʋ̃ʋ n'ʋ fʋ tɩ bɔbr kɛ́ fʋ ɩ a? A nɩr ŋa ɩ n Ʋrɔm tẽ-bie dɛ!» 27Lɛ n'a a sojarɩ túr (1 000) nɩ-kpɛ̃ɛ tɩ lɛb wa wa sowri a Pol: «Yel ɩ̃ nyɛ̃, Ʋrɔm tẽ-bie sɩrɩ nɛ b ɩ?» A Pol tɩ sɔw na kɛ́ ʋ̃ʋ. 28A sojarɩ túr (1 000) nɩ-kpɛ̃ɛ tɩ lɛb'a yel: «Mãa a, libi-tɩbrʋ n'ʋ ɩ̃ ya tʋ̃ɔ́ ɩ a Ʋrɔm tẽ-bie.» Lɛ n'a a Pol tɩ yel ʋ: «Ɛ́ mãa, ɩ̃ lãw na dɔw nɩ.» 29A bɛl na tɩ cɔbr'ɩ kɛ́ bɛ ƴãw ʋ a fʋba sowri ʋ a, tɩ bɛr ʋ nɩ daadaalɛ. A sojarɩ túr (1 000) nɩ-kpɛ̃ɛ na wa bãw kɛ́ Ʋrɔm tẽ-bie n'ʋ ʋ ƴãw bamɛ a, dɛ̃bɩ̃ɛ nyɔw ʋ na.
A Pol cen nɩ a Zifʋ mɩnɛ ƴɛ̀rʋ-dɩb-lãw nɩbɛ niŋé
30A sojarɩ túr (1 000) nɩ-kpɛ̃ɛ tɩ bɔbr'a k'ʋʋ sɩrɩ bãw a sãwna nɛ a Zifʋ mɩnɛ na tɩ ŋmaarɛ ƴãwn a Pol a. Alɛ so a bio daarɩ́ ʋ tɩ cɛ̀r a ʋ bamɛ bɛr, ɛ́ bʋɔlɩ a bàwr-maal-nɩ-bɛrɛ nɩ a Zifʋ mɩnɛ ƴɛ̀rʋ-dɩb-lãw nɩbɛ za. Ʋ tɩ ƴãw nɩ a Pol siw a bɛ zie kɛ́ bɛ tɩ maalɩ a ƴɛ̀rʋ.
Đang chọn:
Nɩ-toni 22: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.
Nɩ-toni 22
22
1«Ɩ̃ yɛbr nɩ ɩ̃ sãà mɩnɛ ɛ, nyɩ pãa wõ a ƴɛ̀rʋ ɩ̃ na tɛr a nyɩ zie, k'ɩ̃ɩ ƴɛ̀r faa ɩ̃ tʋɔra a.» 2Bɛ na tɩ wõ a Pol ƴɛ̀rɛ a bɛ zie a arameyɛ̃ kɔkɔr pʋɔ a, bɛ tɩ lɛb'a bãw nyɔw bɛ tʋɔra ɛ́ ŋma vʋʋrɛ. Lɛ n'a a Pol tɩ yel: 3«Zifʋ nɛ m, Tarsɩ na be Silisi a n'a ɩ̃ dɔw. Ɛcɛ a Zerizalɛm ka n'a ɩ̃ baa, Gamaliyɛl pile n'a ɩ̃ zànɩ a yele na càarɩ a tɩ sãàkʋm-kore Naaŋmɩn wulu a. Mɛ̃ a nyɩɩm za a dɩ̃a a, ɩ̃ mɩ̀ bɛ tɩ sàwr a Naaŋmɩn yele ƴãw ɛ. 4A bɛlɩ dem na tuur a sɔ́r ŋa a, ɩ̃ mɩ́ tɩ dɔwrɩ bɛ na tɩ kʋ. Ɩ̃ nyɔw nɩ dɛbr nɩ pɔwbɛ 'lẽ lɔb ƴãw gaso pʋɔ. 5A bàwr-maal-kara nɩ a nɩ-kore lãw nɩbɛ za na tʋ̃ɔ́ na dɩ a yele á ŋá dãsɩɛ. Bɛlɛ nɛbɛ tɩ kʋ̀ m sɛb-tʋɔlɩ a tɩ yɛbr ƴãw, a lɛn daar ɩ̃ na tɩ cen a Damasɩ, ɛ́ bɛ tõ m k'ɩ̃ɩ tɩ nyɔw a bɛl na be a be a, 'lẽ wa n a Zerizalɛm bɛ wa ƴãw bɛ dɔwrʋ a.»
A Pol manɛ nɩ a Damasɩ sɔ́r zu yele
(Nɩ-t 9:1-19, 26:12-18)
6«Lɛ n'a ɩ̃ tɩ lo a sɔ́r cere tɩ pɩɛlɛ a Damasɩ. A tɩ man nɩ gbãgbãw daar, wa bere cãà-kpɛ̃ɛ kãw yi a salom zu wa pili pàw mɛ̃. 7Ɩ̃ tɩ lo na gã tẽw ɛ́ wõ kɔkɔr ʋ sowre mɛ̃: “Sol i, Sol i, bʋ̃ʋ ƴãw n'a fʋ dɔwrɛ mɛ̃?” 8Ɩ̃ tɩ sɔw na yel: “Ãa nɛ b, Sore e?” A kɔkɔr tɩ lɛb'a yel mɛ̃: “Nazarɛtɩ Yeezu nɛ m, mãa n'ʋ fʋ dɔwrɛ.” 9A ɩ̃ taabɛ tɩ nyɛ̃ nɩ a cãà, ɛcɛ bɛ bɛ tɩ wone a kɔkɔr na ƴɛ̀rɛ a ɩ̃ zie a ɩ. 10Lɛ n'a ɩ̃ tɩ lɛb sowri: “Bʋ̃ʋ n'ʋ a fɛr k'ɩ̃ɩ ɩ, Sore e?” A Sore tɩ sɔw na yel mɛ̃: “Ìr cen a Damasɩ, bɛ na tɩ yel'a kʋ̀ b a be a alɩ bome nɛ za a Naaŋmɩn na yel kɛ́ fʋ ɩ a.” 11A cãà-kpɛ̃ɛ tɩ del'ɩ a ɩ̃ mimie ɩ̃ bɛ nyɛrɛ ɩ. A ɩ̃ sɔ́r lãw-cenbɛ tɩ nyɔw mɛ̃ nɩ nũú taw cen nɩ a Damasɩ.»
12«Dɔɔ kãw tɩ be n be dɩ Ananɩasɩ. Ʋ tɩ nɔnɛ nɩ puoru ɛ́ tuur a Naaŋmɩn wulu vla. A Zifʋ mɩnɛ za na tɩ kpɩɛr a be a tɩ nɔnɛ nɩ a ʋ yele. 13Ʋ tɩ wa na wa páw mɛ̃ yel: “Ɩ̃ yɛb Sol i, lɛb nyɛrɛ!” Daadaalɛ ɩ̃ tɩ lɛb'a nyɛrɛ, nyɛ̃ ʋ. 14A lɛ n'a ʋ tɩ yel mɛ̃: “A tɩ sãàkʋm-kore Naaŋmɩn tɩ dãw na bãwnɩ fʋ kaa ír, kɛ́ fʋ wa bãw a ʋ pʋ-tɩɛrʋ, kɛ́ fʋ wa bãw a nɩ-mɩŋa ɛ́ wõ a ʋ tɔr za kɔkɔr. 15A fɛr'a kɛ́ fʋ dɩ a ʋ dãsɩɛ a nɩsaalbɛ za niŋé, a yele á ŋá fʋ na nyɛ̃ ɛ́ wõ a ƴãw. 16A na ɩ à ŋá a, bʋ̃ʋ ƴãw n'a fʋ pãa na lɛb bʋ́nɛ a? Ìr de a suob bʋɔlɩ a ʋ yúor a fʋ yel-bebe pɛwfʋ ƴãw.”»
A Pol manɛ nɩ a lɛ a Sore na tõ ʋ nɩ-bʋʋr-yoru zie a
17«Ɩ̃ na tɩ lɛb wa a Zerizalɛm a, ɩ̃ wa yi n bibir kãw kpɛ a Ŋmɩn-yir-kpɛ̃ɛ pʋɔ tɩ be be puore wa nyɛ̃ bʋ̃-nyɛra. 18Lɛ n'a ɩ̃ tɩ nyɛ̃ a Sore ʋ tɩ yere kʋ̀rɛ mɛ̃: “Yi zaa fɔ̃wlɛ a Zerizalɛm tẽw pʋɔ. A ka a, bɛ kʋ̃ sàw de a ɩ̃ dãsɩɛ fʋ na na dɩ a ɩ.” 19Ɩ̃ tɩ sɔw na yel ʋ: “Sore e, bɛ bãwnɩ a na mãa na n'ʋ mɩ́ tɩ cen a puoru-dirú, tɩ ƴãw bɛ nyɔw a bɛlɩ dem na sàw de b'a, lɔb ƴãw gaso pʋɔ ɛ́ fɔb a. 20Ɛ́ lɛb waar, a lɛn daar bɛ na tɩ kʋrɛ a fʋ dãsɩ-dɩrɛ Ɩtɩɛn a, ɩ̃ tɩ be n be, ɩ̃ tɩ sàw na kɛ́ bɛ kʋ ʋ. Mãa n'ʋ tɩ àr gù a bɛ bʋ̃-suuri.” 21Ɛcɛ ʋ tɩ yel mɛ̃ na: “Cere, zi-zãána nɩ-bʋʋr-yoru zie n'a mãa na tõ fʋ.”»
A Pol wul'ɩ ʋ tʋɔra a sojarɩ túr nɩ-kpɛ̃ɛ k'ʋʋ ɩ n Ʋrɔm tẽ-bie
22A Zifʋ mɩnɛ na tɩ bɛr wõ a Pol ƴɛ̀rʋ wa tɩ ta a ƴɛ̀r-bie á ŋá a, bɛ tɩ ŋmɩɛr'ɩ cɛlsɩ yere nɩ: «Nyɩ ɩ a nɩr ŋa tɔ ta cãà a tẽw zu ɛ! A bɛ sɛw k'ʋʋ cãà vʋʋrɛ ɩ!» 23Bɛ tɩ ŋmɛrɛ nɩ kɔkɛɛ, yaarɛ nɩ a bɛ kpar-bɛrɛ, ɛ́ 'wɔ̃wnɛ tanɛ lɔbr saa-zu a ɩrɛ uuru. 24A lɛ n'a a sojarɩ túr (1 000) nɩ-kpɛ̃ɛ tɩ ƴãw kɛ́ bɛ tɛr a Pol kpɛ n a sojarɩ yir tɩ ƴãw ʋ fʋba, sowri bãw bʋ̃ʋ n'ʋ so a gɔmɛ á ŋá a ʋ ƴãw. 25Bɛ tɩ nyɔw nɩ a Pol 'lẽ kɛ́ bɛ fɔb. Lɛ n'a ʋ tɩ sowri a sojarɩ kʋba (100) nɩ-kpɛ̃ɛ ʋl na tɩ àr a be a: «Ʋrɔm tẽ-bie bɛ na bɛ maal'ɩ ƴɛ̀rʋ a, nyɩ tɛr'ɩ sɔ́r kɛ́ nyɩ fɔb ʋ bɩɩ?» 26A sojarɩ kʋba nɩ-kpɛ̃ɛ na wa wõ à à ŋá a, ʋ cen na tɩ yel a sojarɩ tur nɩ-kpɛ̃ɛ: «Alɛ! bʋ̃ʋ n'ʋ fʋ tɩ bɔbr kɛ́ fʋ ɩ a? A nɩr ŋa ɩ n Ʋrɔm tẽ-bie dɛ!» 27Lɛ n'a a sojarɩ túr (1 000) nɩ-kpɛ̃ɛ tɩ lɛb wa wa sowri a Pol: «Yel ɩ̃ nyɛ̃, Ʋrɔm tẽ-bie sɩrɩ nɛ b ɩ?» A Pol tɩ sɔw na kɛ́ ʋ̃ʋ. 28A sojarɩ túr (1 000) nɩ-kpɛ̃ɛ tɩ lɛb'a yel: «Mãa a, libi-tɩbrʋ n'ʋ ɩ̃ ya tʋ̃ɔ́ ɩ a Ʋrɔm tẽ-bie.» Lɛ n'a a Pol tɩ yel ʋ: «Ɛ́ mãa, ɩ̃ lãw na dɔw nɩ.» 29A bɛl na tɩ cɔbr'ɩ kɛ́ bɛ ƴãw ʋ a fʋba sowri ʋ a, tɩ bɛr ʋ nɩ daadaalɛ. A sojarɩ túr (1 000) nɩ-kpɛ̃ɛ na wa bãw kɛ́ Ʋrɔm tẽ-bie n'ʋ ʋ ƴãw bamɛ a, dɛ̃bɩ̃ɛ nyɔw ʋ na.
A Pol cen nɩ a Zifʋ mɩnɛ ƴɛ̀rʋ-dɩb-lãw nɩbɛ niŋé
30A sojarɩ túr (1 000) nɩ-kpɛ̃ɛ tɩ bɔbr'a k'ʋʋ sɩrɩ bãw a sãwna nɛ a Zifʋ mɩnɛ na tɩ ŋmaarɛ ƴãwn a Pol a. Alɛ so a bio daarɩ́ ʋ tɩ cɛ̀r a ʋ bamɛ bɛr, ɛ́ bʋɔlɩ a bàwr-maal-nɩ-bɛrɛ nɩ a Zifʋ mɩnɛ ƴɛ̀rʋ-dɩb-lãw nɩbɛ za. Ʋ tɩ ƴãw nɩ a Pol siw a bɛ zie kɛ́ bɛ tɩ maalɩ a ƴɛ̀rʋ.
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.