Nɩ-toni 20
20
A Pol cen nɩ Masedʋan nɩ Gɩrɛsɩ
1A damnʋ na wa baar'a, a Pol bʋɔl'ɩ a po-tuurbɛ ɓã taa ɛ́ yel bɛ kɛ́ bɛ cãà ƴãw fãw a naaŋmɩn-sàw-deb pʋɔ. Ʋ na tɩ ƴɛ̀r à ŋá baar'a, ʋ puori bɛ na ɛ́ yi lo a Masedʋan sɔ́r. 2Ʋ tɩ tu na tɔl a tẽw vuo ʋl pʋɔ, kpaalɩ a po-tuurbɛ gb'aa yaga za kɛ́ bɛ ƴãw fãw a naaŋmɩn-sàw-deb ƴãw. Al pùorí, ʋ tɩ cen nɩ Gɩrɛsɩ 3tɩ kpɛ cuwr ata. Ʋ tɩ cɔbrɩ na k'ʋʋ de a gbor cen Siiri, ɛ́ wa wõ kɛ́ Zifʋ mɩnɛ bʋ̀rɛ nɩ taa a ʋ kʋb ƴãw, lɛ so ʋ tɩ yel k'ʋʋ na tu n a Masedʋan sɔ́r. 4Piirisi bidɛb Sopatʋrɔsɩ na yi Beere a, nɩ Tesalonikɩ tẽw Arɩsɩtakɩ nɩ Sekũdisi nɛbɛ tɩ bɩɛlɛ ʋ, bɛlɛ nɩ Dɛrbe tẽw Gayisɩ nɩ Timote, lãwnɩ Azi tẽw Tɩsɩkɩ nɩ Torofim. 5A nɩbɛ bɛ ŋa tɩ de nɩ niwn tɩ ta a Tʋrʋwasɩ cɛlɛ tɩ. 6A tɩɩm a, a dipɛ̃ na bɛ ƴãw dãbɩl a cuw bibie na wa tɔl baar'a, tɩ tɩ yi n a Filib cen tɩ kpɛ a gbor cere kɛ́ tɩ tɩ páw bɛ. Bibie anũu pùorí n'a tɩ wa tɩ páw bɛ a Tʋrʋwasɩ, tɛw maalɩ kɔsɩɛr-ɓil.
A Pol sɩ̃w nɩ Etikɩ a Tʋrʋwasɩ
7A kɔsɩɛra zãa daarɩ́ zaanʋɔra, tɩ tɩ ɓã n taa kɛ́ tɩ ŋma a dipɛ̃ põ. A Pol tɩ yire nɩ a bio daarɩ́, lɛ so ʋ tɩ nyɔw nɩ a yɛbr a ƴɛ̀rʋ lɛɛɛ tɩ ta n tɩ̃ɩsɔw põ-zɛ̃-taa. 8Kanɩ̃a vũuni tɩ ʋr'ɩ a bɔwpɩɛ ʋl pʋɔ tɩ na tɩ ɓã taa a. 9Pɔlbile kãw, na dɩ Etikɩ a, tɩ zɩ̃ n a tokoro nʋɔr. A Pol na tɩ ƴɛ̀rɛ bɛ tɛr ŋmãafʋ daar a, gʋ̃ɔ tɩ nyɔw nɩ a pɔlbile ʋl ʋ gúr gbʋlfʋlʋ. Ʋ wa tɩ yi n a bɔwpɩ-suwle ata sob pʋɔ 'law tɩ lo a dapùorí. Bɛ na tɩ bɔbr kɛ́ bɛ nyɔw ʋ ʋ ìr a, bɛ tɩ nyɛ̃ na ʋ kpi. 10Lɛ n'a a Pol tɩ siw tɩ gũu ɓáw ʋ a ʋ nuru pʋɔ ɛ́ yel: «Nyɩ bɛr dɛ̃bɩ̃ɛ, ʋ vʋʋrɛ na.» 11Ʋ na wa lɛb do a, a Pol ŋma n a dipɛ̃ ír 'wɔb, ɛ́ cãà cow a ʋ ƴɛ̀rʋ tɩ vɩɛ nɩ a zie, ɛ́ pãa yi lo a sɔ́r cere. 12A pɔlbile ʋl a, ʋ tɩ vʋʋrɛ na bɛ tɛr kul'ɩ. A tɩ ɓãá bɛ nɩ ƴãw bɛ za.
A Pol mɩnɛ yi n a Tʋrʋwasɩ ɛ́ cen Mɩlɛ
13Tɩ tɩ kpɛ n gbor-kpɛ̃ɛ kãw de niwn cere Asɔsɩ. Be n'a a tɩ sɛw kɛ́ tɩ de a Pol, na tɩ yel kɛ́ ʋl na tu n a sɔ́r cen a. 14Ʋ na wa páw tɩ a Asɔsɩ a, tɩ de ʋ nɩ a tɩ gbor pʋɔ tɩ cere Mɩtɩlɛn. 15Tɩ tɩ ìr'ɩ a be cãà cow a tɩ sɔ́r, tɩ ta Kio a bio daarɩ́. A deyere daarɩ́ tɩ ta Samɔsɩ. A dɛtɛrɛ bibir, tɩ tɩ ta n a Mɩlɛ. 16A Pol tɩ dɛ n a Efɛɛzɩ bɛr, kɛ́ tɩ ta kɔwrɩ zawlalɛ a Azi ɛ. Ʋ tɩ páwr'a, bɔbr kɛ́ alɛ wa tʋ̃ɔ́ a, ʋ̃ʋ ta a Zerizalɛm a Pãtɩkɔtɩ cuw bibir.
A Pol ƴɛ̀rɛ nɩ a Efɛɛzɩ tẽw Lãw-yir nɩ-kore zie
17A Mɩlɛ n'a a Pol tɩ be, ɛ́ tõ bʋɔlɩ a Efɛɛzɩ Lãw-yir nɩ-kore. 18Bɛ na tɩ wa páw ʋ a, ʋ yel bɛ na: «A ʋlɩ bibir ɩ̃ na nɛ̃ gbɛ́r a Azi wa tɔ dɩ̃a a, nyɩ bãw nɩ lɛ ɩ̃ na ɩ a nyɩ zie kʋralɛ a. 19Ɩ̃ siwr'ɩ ɩ̃ tʋɔra tõ n a Sore tome nɩ kòn nɩ kpɩɛrʋ, a Zifʋ mɩnɛ na tɩ mɩ́ bʋ taa a ɩ̃ kʋb ƴãw a zũú. 20Bom nɛ za a na sɛw kɛ́ nyɩ bãw a, ɩ̃ bɛ sɔwl'ʋ a nyɩ zie ɩ. Ɩ̃ nɩ̃ɛ na kanɩ nɩ nyɩ, ɩ̃ wul nyɩ nɩ a nɩbɛ pʋɔ bɩɩ a nyɩ tɛwr zie. 21A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu. 22Ƴɛrɛŋa a, mãa n'ɩ ŋan lo a Zerizalɛm sɔ́r, mɛ̃ a lɛ a Vʋʋrʋ Sõw na fɛrɛ mɛ̃ k'ɩ̃ɩ ɩ a, ɛ́ bɛ bãw ʋlɩ bom nɛ na gùre mɛ̃ a be a ɩ. 23Ɛcɛ alɛ saa ŋmɛ̃ ŋmɩŋmɩn za a, tẽw za pʋɔ ɩ̃ na tuur tɔlɛ a, a Vʋʋrʋ Sõw yere na kʋ̀rɛ mɛ̃, kɛ́ bamɛ nɩ kpɩɛrʋ n'a gùre mɛ̃. 24Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»
25«Dɩ̃a na ta a, ɩ̃ bãwnɩ a na, nyɩɩm za sɔgɔ ɩ̃ na tu yi hieri a Naaŋmɩn Naalʋ dɩb a, nyɩ kʋ̃ lɛb nyɛ̃ a ɩ̃ niwn ɛ. 26Lɛ so ɩ̃ yere kʋ̀rɛ nyɩ za a dɩ̃a, nyɩ kãw za wa bɔr a, a bɛ yi mãa zie ɩ. 27A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ. 28Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa. 29Ɩ̃ bãwnɩ a na, mãa wa cen baar'a, nɩbɛ na ɩ mɛ̃ wɛ-bà-faar a, na kpɛ n a nyɩ pʋɔ bɛ bɛrɛ a zaw dʋn ɛ. 30Mɔ̃ mɩ̀, zir-ŋmarbɛ na yi n a nyɩ pʋɔ bɛ̀lɩ a po-tuurbɛ bɛ tu a bɛ pùor. 31Lɛ so, nyɩ cɛlɛ vla ɛ́ lɛb tɩɛrɩ bãwnɩ a kɛ́ yome ata za, mʋ̃tɔ̃w nɩ tɩ̃ɩsɔw za, ɩ̃ mɩ́ tɩ kpaalɛ nɩ a nyɩ za been been tɩ lãwnɩ kòn.
32Ƴɛrɛŋa a, ɩ̃ dier nyɩ na kʋ̀rɛ a Naaŋmɩn, ɛ́ dier nyɩ kʋ̀rɛ a Naaŋmɩn ƴɛ̀rʋ na tɩrɛ maalʋ a. A Naaŋmɩn tɛr'ɩ fãw na tʋ̃ɔ́ mɛ a yir, ɛ́ ɩ a bɛlɩ dem za na ɩ nɩ-son a bɛ páw a gbã-dɩ-bom. 33Ɩ̃ bɛ tɩ bɔbr nɩsaalɛ kãw za libir, bɩɩ a ʋ salm-zɩɛ, bɩɩ a ʋ pɛnɛ ɩ. 34Nyɩ mɩŋa za bãwnɩ a na, a ɩ̃ nuru tome pʋɔ n'a ɩ̃ páw mãa nɩ a ɩ̃ taabɛ bʋ̃-bɔbrɩ. 35Kʋralɛ, ɩ̃ wul nyɩ na kɛ́ nyɩmɛ wa hanɛ à ŋá a, lɛ n'a nyɩ na tʋ̃ɔ́ sõw a bãbàalbɛ, cãà tɩɛrɛ nɩ a ƴɛ̀r-bie á ŋá a Sore Yeezu mɩŋa na tɩ yel a: “A bom tɩrʋ waar'ɩ nɩ nʋ̃ɔ̀ zuo a bom páwfʋ.”»
36A Pol na wa ƴɛ̀r à à ŋá baar'a, ʋ gbĩ n dume, ʋlɛ nɩ a bɛl za, ɛ́ puori. 37Lɛ n'a bɛ za tɩ nyɔw kon, ɛ́ ƴawr nyɔwr a Pol were kɛ́ bɛ puor'ʋ. 38A Pol na tɩ yel kɛ́ bɛ kʋ̃ lɛb nyɛ̃ a ʋ niwn a, alɛ n'a baa so a pʋ-sãwna na tɩ tɛr bɛ a. Al pùorí bɛ tɩ bɩɛl'ʋ na cen nɩ a ʋ gbor pɛr.
Đang chọn:
Nɩ-toni 20: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.
Nɩ-toni 20
20
A Pol cen nɩ Masedʋan nɩ Gɩrɛsɩ
1A damnʋ na wa baar'a, a Pol bʋɔl'ɩ a po-tuurbɛ ɓã taa ɛ́ yel bɛ kɛ́ bɛ cãà ƴãw fãw a naaŋmɩn-sàw-deb pʋɔ. Ʋ na tɩ ƴɛ̀r à ŋá baar'a, ʋ puori bɛ na ɛ́ yi lo a Masedʋan sɔ́r. 2Ʋ tɩ tu na tɔl a tẽw vuo ʋl pʋɔ, kpaalɩ a po-tuurbɛ gb'aa yaga za kɛ́ bɛ ƴãw fãw a naaŋmɩn-sàw-deb ƴãw. Al pùorí, ʋ tɩ cen nɩ Gɩrɛsɩ 3tɩ kpɛ cuwr ata. Ʋ tɩ cɔbrɩ na k'ʋʋ de a gbor cen Siiri, ɛ́ wa wõ kɛ́ Zifʋ mɩnɛ bʋ̀rɛ nɩ taa a ʋ kʋb ƴãw, lɛ so ʋ tɩ yel k'ʋʋ na tu n a Masedʋan sɔ́r. 4Piirisi bidɛb Sopatʋrɔsɩ na yi Beere a, nɩ Tesalonikɩ tẽw Arɩsɩtakɩ nɩ Sekũdisi nɛbɛ tɩ bɩɛlɛ ʋ, bɛlɛ nɩ Dɛrbe tẽw Gayisɩ nɩ Timote, lãwnɩ Azi tẽw Tɩsɩkɩ nɩ Torofim. 5A nɩbɛ bɛ ŋa tɩ de nɩ niwn tɩ ta a Tʋrʋwasɩ cɛlɛ tɩ. 6A tɩɩm a, a dipɛ̃ na bɛ ƴãw dãbɩl a cuw bibie na wa tɔl baar'a, tɩ tɩ yi n a Filib cen tɩ kpɛ a gbor cere kɛ́ tɩ tɩ páw bɛ. Bibie anũu pùorí n'a tɩ wa tɩ páw bɛ a Tʋrʋwasɩ, tɛw maalɩ kɔsɩɛr-ɓil.
A Pol sɩ̃w nɩ Etikɩ a Tʋrʋwasɩ
7A kɔsɩɛra zãa daarɩ́ zaanʋɔra, tɩ tɩ ɓã n taa kɛ́ tɩ ŋma a dipɛ̃ põ. A Pol tɩ yire nɩ a bio daarɩ́, lɛ so ʋ tɩ nyɔw nɩ a yɛbr a ƴɛ̀rʋ lɛɛɛ tɩ ta n tɩ̃ɩsɔw põ-zɛ̃-taa. 8Kanɩ̃a vũuni tɩ ʋr'ɩ a bɔwpɩɛ ʋl pʋɔ tɩ na tɩ ɓã taa a. 9Pɔlbile kãw, na dɩ Etikɩ a, tɩ zɩ̃ n a tokoro nʋɔr. A Pol na tɩ ƴɛ̀rɛ bɛ tɛr ŋmãafʋ daar a, gʋ̃ɔ tɩ nyɔw nɩ a pɔlbile ʋl ʋ gúr gbʋlfʋlʋ. Ʋ wa tɩ yi n a bɔwpɩ-suwle ata sob pʋɔ 'law tɩ lo a dapùorí. Bɛ na tɩ bɔbr kɛ́ bɛ nyɔw ʋ ʋ ìr a, bɛ tɩ nyɛ̃ na ʋ kpi. 10Lɛ n'a a Pol tɩ siw tɩ gũu ɓáw ʋ a ʋ nuru pʋɔ ɛ́ yel: «Nyɩ bɛr dɛ̃bɩ̃ɛ, ʋ vʋʋrɛ na.» 11Ʋ na wa lɛb do a, a Pol ŋma n a dipɛ̃ ír 'wɔb, ɛ́ cãà cow a ʋ ƴɛ̀rʋ tɩ vɩɛ nɩ a zie, ɛ́ pãa yi lo a sɔ́r cere. 12A pɔlbile ʋl a, ʋ tɩ vʋʋrɛ na bɛ tɛr kul'ɩ. A tɩ ɓãá bɛ nɩ ƴãw bɛ za.
A Pol mɩnɛ yi n a Tʋrʋwasɩ ɛ́ cen Mɩlɛ
13Tɩ tɩ kpɛ n gbor-kpɛ̃ɛ kãw de niwn cere Asɔsɩ. Be n'a a tɩ sɛw kɛ́ tɩ de a Pol, na tɩ yel kɛ́ ʋl na tu n a sɔ́r cen a. 14Ʋ na wa páw tɩ a Asɔsɩ a, tɩ de ʋ nɩ a tɩ gbor pʋɔ tɩ cere Mɩtɩlɛn. 15Tɩ tɩ ìr'ɩ a be cãà cow a tɩ sɔ́r, tɩ ta Kio a bio daarɩ́. A deyere daarɩ́ tɩ ta Samɔsɩ. A dɛtɛrɛ bibir, tɩ tɩ ta n a Mɩlɛ. 16A Pol tɩ dɛ n a Efɛɛzɩ bɛr, kɛ́ tɩ ta kɔwrɩ zawlalɛ a Azi ɛ. Ʋ tɩ páwr'a, bɔbr kɛ́ alɛ wa tʋ̃ɔ́ a, ʋ̃ʋ ta a Zerizalɛm a Pãtɩkɔtɩ cuw bibir.
A Pol ƴɛ̀rɛ nɩ a Efɛɛzɩ tẽw Lãw-yir nɩ-kore zie
17A Mɩlɛ n'a a Pol tɩ be, ɛ́ tõ bʋɔlɩ a Efɛɛzɩ Lãw-yir nɩ-kore. 18Bɛ na tɩ wa páw ʋ a, ʋ yel bɛ na: «A ʋlɩ bibir ɩ̃ na nɛ̃ gbɛ́r a Azi wa tɔ dɩ̃a a, nyɩ bãw nɩ lɛ ɩ̃ na ɩ a nyɩ zie kʋralɛ a. 19Ɩ̃ siwr'ɩ ɩ̃ tʋɔra tõ n a Sore tome nɩ kòn nɩ kpɩɛrʋ, a Zifʋ mɩnɛ na tɩ mɩ́ bʋ taa a ɩ̃ kʋb ƴãw a zũú. 20Bom nɛ za a na sɛw kɛ́ nyɩ bãw a, ɩ̃ bɛ sɔwl'ʋ a nyɩ zie ɩ. Ɩ̃ nɩ̃ɛ na kanɩ nɩ nyɩ, ɩ̃ wul nyɩ nɩ a nɩbɛ pʋɔ bɩɩ a nyɩ tɛwr zie. 21A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu. 22Ƴɛrɛŋa a, mãa n'ɩ ŋan lo a Zerizalɛm sɔ́r, mɛ̃ a lɛ a Vʋʋrʋ Sõw na fɛrɛ mɛ̃ k'ɩ̃ɩ ɩ a, ɛ́ bɛ bãw ʋlɩ bom nɛ na gùre mɛ̃ a be a ɩ. 23Ɛcɛ alɛ saa ŋmɛ̃ ŋmɩŋmɩn za a, tẽw za pʋɔ ɩ̃ na tuur tɔlɛ a, a Vʋʋrʋ Sõw yere na kʋ̀rɛ mɛ̃, kɛ́ bamɛ nɩ kpɩɛrʋ n'a gùre mɛ̃. 24Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»
25«Dɩ̃a na ta a, ɩ̃ bãwnɩ a na, nyɩɩm za sɔgɔ ɩ̃ na tu yi hieri a Naaŋmɩn Naalʋ dɩb a, nyɩ kʋ̃ lɛb nyɛ̃ a ɩ̃ niwn ɛ. 26Lɛ so ɩ̃ yere kʋ̀rɛ nyɩ za a dɩ̃a, nyɩ kãw za wa bɔr a, a bɛ yi mãa zie ɩ. 27A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ. 28Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa. 29Ɩ̃ bãwnɩ a na, mãa wa cen baar'a, nɩbɛ na ɩ mɛ̃ wɛ-bà-faar a, na kpɛ n a nyɩ pʋɔ bɛ bɛrɛ a zaw dʋn ɛ. 30Mɔ̃ mɩ̀, zir-ŋmarbɛ na yi n a nyɩ pʋɔ bɛ̀lɩ a po-tuurbɛ bɛ tu a bɛ pùor. 31Lɛ so, nyɩ cɛlɛ vla ɛ́ lɛb tɩɛrɩ bãwnɩ a kɛ́ yome ata za, mʋ̃tɔ̃w nɩ tɩ̃ɩsɔw za, ɩ̃ mɩ́ tɩ kpaalɛ nɩ a nyɩ za been been tɩ lãwnɩ kòn.
32Ƴɛrɛŋa a, ɩ̃ dier nyɩ na kʋ̀rɛ a Naaŋmɩn, ɛ́ dier nyɩ kʋ̀rɛ a Naaŋmɩn ƴɛ̀rʋ na tɩrɛ maalʋ a. A Naaŋmɩn tɛr'ɩ fãw na tʋ̃ɔ́ mɛ a yir, ɛ́ ɩ a bɛlɩ dem za na ɩ nɩ-son a bɛ páw a gbã-dɩ-bom. 33Ɩ̃ bɛ tɩ bɔbr nɩsaalɛ kãw za libir, bɩɩ a ʋ salm-zɩɛ, bɩɩ a ʋ pɛnɛ ɩ. 34Nyɩ mɩŋa za bãwnɩ a na, a ɩ̃ nuru tome pʋɔ n'a ɩ̃ páw mãa nɩ a ɩ̃ taabɛ bʋ̃-bɔbrɩ. 35Kʋralɛ, ɩ̃ wul nyɩ na kɛ́ nyɩmɛ wa hanɛ à ŋá a, lɛ n'a nyɩ na tʋ̃ɔ́ sõw a bãbàalbɛ, cãà tɩɛrɛ nɩ a ƴɛ̀r-bie á ŋá a Sore Yeezu mɩŋa na tɩ yel a: “A bom tɩrʋ waar'ɩ nɩ nʋ̃ɔ̀ zuo a bom páwfʋ.”»
36A Pol na wa ƴɛ̀r à à ŋá baar'a, ʋ gbĩ n dume, ʋlɛ nɩ a bɛl za, ɛ́ puori. 37Lɛ n'a bɛ za tɩ nyɔw kon, ɛ́ ƴawr nyɔwr a Pol were kɛ́ bɛ puor'ʋ. 38A Pol na tɩ yel kɛ́ bɛ kʋ̃ lɛb nyɛ̃ a ʋ niwn a, alɛ n'a baa so a pʋ-sãwna na tɩ tɛr bɛ a. Al pùorí bɛ tɩ bɩɛl'ʋ na cen nɩ a ʋ gbor pɛr.
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.