होशे 5
5
1“तम्हैं प्रोहत शूणां! तम्हैं इज़राईली दैआ धैन! अर ज़ुंण तम्हैं राज़ेए खिंबा का आसा तम्हैं बी शूणां राम्बल़ै करै! तम्हां लै आसा दोश अर तम्हां लागणीं सज़ा भुगतणी। तम्हैं तै मिज़पा नगरी लोगा लै फाही। ताबोर धारा शाचै लोग थारै ज़ज़ाल़ा दी! 2तम्हैं किऐ लोग मुखा दूर अर तम्हैं बझ़ैल़ी खास्सै लोगे हत्या करनै। तैही लाई मंऐं तम्हां सोभी लै सज़ा दैई। 3मुखा आसा थोघ कि एप्रैम गोत्रे लोग किहै आसा। इज़राईलीए पाप आसा मुखा शुझदै लागै दै! तम्हैं आसा कंज़री बेटल़ी ज़िहै! तम्हैं आसा छ़ोतलै अर तम्हैं निं मेरी च़ाकरी करी सकदै।
मुहुर्ती पूज़ा लै चतैनगी
4“तम्हैं निं कदुष्ट काम करनै छ़ाडदै अर नां मुंह थारै परमेशरा बाखा फिरी बापस एछदै! तम्हैं झ़ूरा कंज़रैई अर मुहुर्ती पूज़ा करना लै अर तेतो असर पल़अ थारी सोर-समझ़ा दी। तम्हैं निं मुंह बिधाता ज़ाणनअ ई च़ाहंदै। 5थारअ घमंड करा ऐहा गल्ला प्रगट कि तम्हैं इज़राईली आसा दोशी। थारै इना पापा पिछ़ू पल़णीं इज़राईल अर एप्रैमी लै घोर आफ़त अर यहूदा मुल्खे लोगा लै बी हणअ इहअ ई। 6तम्हैं फिरा मुंह बिधाता लै आपणीं हेल़्ही का खास्सै डागै-चैणैं बल़ीदान करदै, पर तिंयां आसा बृथा, किल्हैकि हुंह गअ तम्हां का दूर हई। 7तम्हैं निं मुल्है शुचै-पाक्कै आथी। थारै शोहरू माठै बी निं मेरै आथी। किल्हैकि ज़िहै कदुष्ट काम करी तिंयां पुनूंईओ थैर मनाऊंआं, तेता पिछ़ू करनी मुंह बिधाता तिंयां अर तिन्नें खेचे साल-फसल खतम।
यहूदा अर इज़राईलो आप्पू मांझ़ै जुध
8“गिबा नगरी बाज़ा नर्शिंगै! रामाह नगरी बाज़ा नाद! बेताबेन नगरी पाआ जुधे लैल़ा-पकारा! बिन्यामीन गोत्रे लोगो जुधा लै तैर्हिआ! 9एप्रैमे सोभी टोली लै सज़ा दैणैंओ बगत गअ पुजी। तैहा धैल़ी हणैं तिंयां पठी बरैबाद! इज़राईलीओ! ईंयां गल्ला रहणीं हई!
10“मुंह आसा तिन्नां लै बी रोश्शै आई दी ज़ुंण यहूदा मुल्खै प्रैंदै राज़ करा। तिन्नां ज़िहै ज़ुंण होरी लोगे ज़ैगा ज़िम्मीं लुटा। तैही दैणीं मुंह तिन्नां लै सज़ा। मुंह पल़णअ तिन्नां लै भराल़ै आई दी गाडा ज़िहै चुटी। 11एप्रैम गोत्रे लोगा लै च़ाल्ली घोर आफ़त पल़ी। तिन्नां पल़णीं खास्सी सज़ा भुगतणी, किल्हैकि तिंयां झ़ूरै मुहुर्तीए पूज़ा करना लै। 12मुंह करनै एप्रैम गोत्रे लोग इहै खतम ज़िहै ल्हऐ झिकल़ै खाआ। यहूदा गोत्रे लोग करनै मुंह इहै बरैबाद ज़ेही काठा दी सूल़ी लागा।
13“एप्रैम गोत्रे लोगा का आसा थोघ कि तिंयां तै रोगी अर यहूदा गोत्रे लोग बी ज़ाणा तै कि तिंयां आसा ज़खमी। एप्रैम गोत्रा आल़ै च़ाहा तै इहअ कि अश्शूरी राज़अ तिन्नें मज़त करे, पर सह निं तिन्नां नरोगै करी सकअ नां तेऊ करै तिन्नें ज़खम ताझ़ुऐ। 14मुंह पल़णअ एप्रैम अर यहूदा लै सिहा ज़िहै चुटी। मुंह करनै आप्पै तिन्नें धेल़ी करै ठोर-ठोर संघा डाहणैं शोटी। ज़ेभै तिंयां मुंह घिशणै, तेभै निं तिन्नां मुखा छ़ड़ैऊंणै आल़अ कोह हणअ।
15“तेखअ डेऊणअ मुंह आपणीं ज़ैगा लै बापस फिरी। मुंह दैणअ तिन्नां तिन्नें पापे पठी सज़ा भुगतणै। ज़ांऊं तिंयां खास्सी दाह ज़िरी मुक्कणैं, तेखअ फिरनैं तिंयां पिछ़ू मुंह लोल़ै अर तेखअ सोठणअ तिन्नां भिई कि तिंयां मेरी च़ाकरी करे।”
Đang chọn:
होशे 5: OSJ
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
This work is licensed under Creative Commons Attribution-ShareAlike 4.0 License.
होशे 5
5
1“तम्हैं प्रोहत शूणां! तम्हैं इज़राईली दैआ धैन! अर ज़ुंण तम्हैं राज़ेए खिंबा का आसा तम्हैं बी शूणां राम्बल़ै करै! तम्हां लै आसा दोश अर तम्हां लागणीं सज़ा भुगतणी। तम्हैं तै मिज़पा नगरी लोगा लै फाही। ताबोर धारा शाचै लोग थारै ज़ज़ाल़ा दी! 2तम्हैं किऐ लोग मुखा दूर अर तम्हैं बझ़ैल़ी खास्सै लोगे हत्या करनै। तैही लाई मंऐं तम्हां सोभी लै सज़ा दैई। 3मुखा आसा थोघ कि एप्रैम गोत्रे लोग किहै आसा। इज़राईलीए पाप आसा मुखा शुझदै लागै दै! तम्हैं आसा कंज़री बेटल़ी ज़िहै! तम्हैं आसा छ़ोतलै अर तम्हैं निं मेरी च़ाकरी करी सकदै।
मुहुर्ती पूज़ा लै चतैनगी
4“तम्हैं निं कदुष्ट काम करनै छ़ाडदै अर नां मुंह थारै परमेशरा बाखा फिरी बापस एछदै! तम्हैं झ़ूरा कंज़रैई अर मुहुर्ती पूज़ा करना लै अर तेतो असर पल़अ थारी सोर-समझ़ा दी। तम्हैं निं मुंह बिधाता ज़ाणनअ ई च़ाहंदै। 5थारअ घमंड करा ऐहा गल्ला प्रगट कि तम्हैं इज़राईली आसा दोशी। थारै इना पापा पिछ़ू पल़णीं इज़राईल अर एप्रैमी लै घोर आफ़त अर यहूदा मुल्खे लोगा लै बी हणअ इहअ ई। 6तम्हैं फिरा मुंह बिधाता लै आपणीं हेल़्ही का खास्सै डागै-चैणैं बल़ीदान करदै, पर तिंयां आसा बृथा, किल्हैकि हुंह गअ तम्हां का दूर हई। 7तम्हैं निं मुल्है शुचै-पाक्कै आथी। थारै शोहरू माठै बी निं मेरै आथी। किल्हैकि ज़िहै कदुष्ट काम करी तिंयां पुनूंईओ थैर मनाऊंआं, तेता पिछ़ू करनी मुंह बिधाता तिंयां अर तिन्नें खेचे साल-फसल खतम।
यहूदा अर इज़राईलो आप्पू मांझ़ै जुध
8“गिबा नगरी बाज़ा नर्शिंगै! रामाह नगरी बाज़ा नाद! बेताबेन नगरी पाआ जुधे लैल़ा-पकारा! बिन्यामीन गोत्रे लोगो जुधा लै तैर्हिआ! 9एप्रैमे सोभी टोली लै सज़ा दैणैंओ बगत गअ पुजी। तैहा धैल़ी हणैं तिंयां पठी बरैबाद! इज़राईलीओ! ईंयां गल्ला रहणीं हई!
10“मुंह आसा तिन्नां लै बी रोश्शै आई दी ज़ुंण यहूदा मुल्खै प्रैंदै राज़ करा। तिन्नां ज़िहै ज़ुंण होरी लोगे ज़ैगा ज़िम्मीं लुटा। तैही दैणीं मुंह तिन्नां लै सज़ा। मुंह पल़णअ तिन्नां लै भराल़ै आई दी गाडा ज़िहै चुटी। 11एप्रैम गोत्रे लोगा लै च़ाल्ली घोर आफ़त पल़ी। तिन्नां पल़णीं खास्सी सज़ा भुगतणी, किल्हैकि तिंयां झ़ूरै मुहुर्तीए पूज़ा करना लै। 12मुंह करनै एप्रैम गोत्रे लोग इहै खतम ज़िहै ल्हऐ झिकल़ै खाआ। यहूदा गोत्रे लोग करनै मुंह इहै बरैबाद ज़ेही काठा दी सूल़ी लागा।
13“एप्रैम गोत्रे लोगा का आसा थोघ कि तिंयां तै रोगी अर यहूदा गोत्रे लोग बी ज़ाणा तै कि तिंयां आसा ज़खमी। एप्रैम गोत्रा आल़ै च़ाहा तै इहअ कि अश्शूरी राज़अ तिन्नें मज़त करे, पर सह निं तिन्नां नरोगै करी सकअ नां तेऊ करै तिन्नें ज़खम ताझ़ुऐ। 14मुंह पल़णअ एप्रैम अर यहूदा लै सिहा ज़िहै चुटी। मुंह करनै आप्पै तिन्नें धेल़ी करै ठोर-ठोर संघा डाहणैं शोटी। ज़ेभै तिंयां मुंह घिशणै, तेभै निं तिन्नां मुखा छ़ड़ैऊंणै आल़अ कोह हणअ।
15“तेखअ डेऊणअ मुंह आपणीं ज़ैगा लै बापस फिरी। मुंह दैणअ तिन्नां तिन्नें पापे पठी सज़ा भुगतणै। ज़ांऊं तिंयां खास्सी दाह ज़िरी मुक्कणैं, तेखअ फिरनैं तिंयां पिछ़ू मुंह लोल़ै अर तेखअ सोठणअ तिन्नां भिई कि तिंयां मेरी च़ाकरी करे।”
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
This work is licensed under Creative Commons Attribution-ShareAlike 4.0 License.