शधाणूं 20
20
मकिदुनिया, यूनान अर त्रोआस नगरी पल़सी
1ज़ांऊं इफिसुस नगरी लोगो हाल्लअ-गोल्लअ शांत हुअ, पल़सी शादै आपणैं च़ेल्लै अर तिंयां समझ़ाऊऐ इहै कि प्रभू दी डाहै भरोस्सअ। तेखअ तिन्नां का बिदा हई डेऊअ सह मकिदुनिया मुल्खा लै।
2तेऊ सारै मुल्खै हांढ दैई अर तिन्नां सोभी च़ेल्लै खास्सअ समझ़ाऊई करै आअ दखण यूनान अखाया मुल्खा लै। 3ज़ांऊं चिई भिन्नैं तिधी रही सह ज़हाज़ा दी बेशी सिरीया मुल्खा बाखा डेऊणैं आल़अ त, यहूदी रहै तेऊ लै मारना लै ताखुई, अर तैही किई तेऊ एही सलाह कि हुंह एछूं मकिदुनिया मुल्खै बाखा हांढ दैई फिरनअ बापस।
4बिरीया नगरीए पुरुस नाओंए मणछो शोहरू सोपत्रुस, थिस्सलूणी नगरीए अरिस्तखोरस अर सिकुन्दुस, दिरबे नगरी का गयुस, तिमोथी अर एशिया का तुखिकुस अर त्रोफिमस आऐ तेऊ संघै एशिया तैणीं। 5तिंयां रहै आजू डेऊई त्रोआस नगरी हाम्हां न्हैल़ै लागी। 6हाम्हैं पुजै आखरी रोटीए थैरा बाद फलिप्पी नगरी का ज़हाज़ा दी बेशी पांज़ूऐ धैल़ै तिन्नां सेटा त्रोआस अर साता धैल़ै रहै तिधी।
त्रोआस नगरी मूंअ द मणछ ज़िऊंदअ करनअ
7हबते पैहली धैल़ी ज़ांऊं हाम्हैं प्रभू भोज़ा लै कठा हुऐ, पल़सी रहअ आधी राची तैणीं तिन्नां मांझ़ै शिक्षा दैंदअ लागी, किल्हैकि तिन्नों दुजै धैल़ै आजू डेऊणेओ बच़ार। 8ज़हा आटल़ू हाम्हैं बेठै दै थिऐ, तेथ तै खास्सै लाटू लागै दै ज़ल़दै।
9यूतिकुस नाओं एक ज़ुआन त ताक्की दी बेठअ द अर तेऊ ती निंजा करै उंघी लागी दी, अर ज़ांऊं पल़सी खास्सी घल़ी गल्ला करदअ रहअ, तेऊ आअ निंजो झ़लारअ अर चिऊथी मज़ला का पल़अ सह खोल़ै लै अर सह च़कअ मूंअ द धरना का। 10पल़सी होथअ उंधै अर तेऊ लै दैनी मल़्हैची संघा बोलअ, “डरा निं आथी अह निं मूंअ, अह आसा ज़िऊंदअ।”
11तेखअ खाअ उझै डेऊई प्रभू भोज़ अर ज़ेतरी घल़ी तिन्नां संघै गल्ला करदअ त लागअ द, तेतरी गई राच भैई अर पल़सी लागअ हांढदअ। 12तिन्नैं आणअ सह शोहरू घअरा लै तेऊ शोहरू ज़िऊंदै भाल़ी फिरअ तिन्नां सोभी शाह अर तिंयां हुऐ खुश।
त्रोआस नगरी का मिलेतुस टापूए हांढ
13हाम्हैं डेऊऐ पैहलै तेऊ ज़हाज़ा दी बेशी अस्सुस नगरी लै डेऊणे बच़ारा दी आजू कि तिधा का बशैल़णअ पल़सी। किल्हैकि तेऊ बोलअ त इहअ कि तिधी तैणीं डेऊणअ तेऊ आपणीं ज़ांघा हांढी। 14ज़ांऊं पल़सी अस्सुस नगरी भेटअ, हाम्हैं बशैल़अ सह ज़हाज़ा दी संघा पुजै मितिलीन नगरी।
15तिधा का ज़हाज़ खोल्ही करै हाम्हैं दुजै धैल़ै पुजै किआस नगरी सम्हनै, अर आगलै धैल़ै पुजै सामोस नगरी अर तेखअ पुजै तिधा का दुजै धैल़ै मिलेतुस टापू।
16किल्हैकि पल़सी थिई आप्पू एही डाही दी कि तेऊ डेऊणअ इफिसुस नगरी बाती। इहअ निं हआ कि एशिया दी तेऊ बल़ैग पल़े, किल्हैकि तेऊ हआ त छ़ेक्कअ लागअ द कि हई सके, पिन्तेकुस्त धैल़ै काटणै तेऊ एरुशलेम नगरी।
इफिसुस नगरीए विश्वासी टोलीए सैणैं लै शिक्षा
17मिलेतुस टापू का शादै पल़सी इफिसुस नगरी लै समाद दैई विश्वासी टोलीए सैणैं।
18ज़ांऊं तिंयां तेऊ सेटा लै आऐ, तेऊ बोलअ तिन्नां का, “तम्हां का आसा थोघ कि ज़हा धैल़ी हुंह एशिया मुल्खै पुजअ, हुंह हर बगत तम्हां संघै किहअ रहअ। 19हुंह रहअ बडै मानदारी दी धैल़ लेरा लाई आशू बहाऊई-बहाऊई करै बी तिन्नां खरी मांझ़ै बी ज़ुंण यहूदी मणछे बूरी च़ाल्ला करै मुंह प्रैंदै आई ती, प्रभूए च़ाकरी करदअ ई लागी। 20ज़ुंण-ज़ुंण गल्ला थारी भलाईए ती, तिन्नां खोज़णैं अर लोगे सम्हनै घअरै-घअरै सखाऊंणै का निं हुंह पिछ़ू हटअ। 21पर यहूदी अर यूनानी सेटा रहअ शाजत दैंदअ लागी कि पापो प्राश्त करी फिरा परमेशरा बाखा, संघा करा म्हारै प्रभू ईशू मसीहा दी विश्वास।
22“एभै भाल़ा, हुंह च़ाल्लअ एरुशलेम नगरी लै डेऊई, किल्हैकि पबित्र आत्मां रहैऊअ मुखा साफ-साफ कि मेरअ आसा तिधा लै डेऊणअ ज़रूरी अर मुखा निं थोघै कि तिधी मुंह संघै कै हणअ? 23मुखा आसा सिधअ इहअ थोघ कि पबित्र आत्मां बोला मुल्है हर नगरी दी शाजत दैई इहअ कि ताल्है आसा दुख-सांगट शांघल़ी लोहै तैर। 24पर हुंह निं आपणैं प्राणा किछ़ै समझ़दअ कि झ़ूरी करूं, पर इहअ कि आपणीं ठुहर अर च़ाकरी पूरी करूं, ज़ुंण मुंह परमेशरे जशे खुशीए समादे शाजत दैणा लै प्रभू ईशू का आसा भेटी दी।
25“पर ऐबै भाल़ा, मुखा आसा थोघ कि तम्हां सोभी ज़हा का हुंह परमेशरे राज़ो प्रच़ार किअ, ऐबै निं तेखअ तम्हां मेरअ मुंह भिई भाल़णअ भेटणअ। 26तैही बोला हुंह आझ़ तम्हां लै इहअ, ज़ै कुंण मसीहा दी विश्वास किऐ बगैर, मुंह निं तेतो किछ़ै पाप-दोश। 27किल्हैकि मंऐं खोज़ी तम्हां का तिंयां सोभै गल्ला ज़ुंण परमेशरै आसा हाम्हां लै सोठी डाही दी।
28“इहअ करै आपणीं अर आपणैं पूरै छ़ुंडे करै हेर-सभाल़। ज़हा दी पबित्र आत्मां तम्हैं सैणैं आसा बणाऐं दै। कि तम्हैं करै परमेशरे टोलीए हेर-सभाल़, ज़ुंण तेऊ आपणैं लोहू करै मोल आसा लई दी।#भज. 74:2
29“मुखा इहअ बी आसा थोघ कि मुंह डेऊणैं बाद एछणैं तम्हां लै धेल़णै-च़िरनैं आल़ै रुहलै, तिन्नां निं अह छ़ुंड बी छ़ाडणअ। 30तम्हां ई मांझ़ा का उझ़णै कई इहै तिन्नां दैणीं उंबल़ी शिक्षा अर तम्हां ई मांझ़ा का बणाणैं तिन्नां आपणैं च़ेल्लै। 31चतैन रहै अर ऐहा गल्ला डाहै आद कि मंऐं आसा चिई साला तैणीं राची धैल़ी लेरा लाई-लाई करै एकी-एकी लै चतैनगी दैनी दी।
32“ऐबै लाऐ मंऐं तम्हैं परमेशर अर तेऊए जशे समादा का सभाल़ी ज़ुंण थारी बढोतरी सका करी, अर परमेशरे झींणा करै भेटणीं तम्हां तिंयां सोभै गल्ला ज़ेतो तेऊ आपणैं लोगा दैणीं आसा किई दी।
33“मंऐं निं कोहिए सुन्नैं-च़ंदीओ अर झिकल़ैओ मांण किअ।#1 शमू. 12:3 34तम्हां का आसा थोघ कि मेरै इनै हाथै किई मेरी अर मेरै होरी साथीए ज़रुरत पूरी। 35इहअ करै रहैऊअ मंऐं इहअ कि तम्हां केही ज़िन्दगी लागा ज़िऊंणीं। तम्हां लागा खास्सी मैन्थ करनी ताकि तम्हैं रोगी अर रैनै-गरीबे मज़त करी सके। तम्हैं डाहणीं अह गल्ला आद कि मसीहा प्रभू ईशू आसा आप्पै इहअ बोलअ द, ‘मांगणै का आसा दैणअ भलअ।’”
36इहअ बोली तेऊ ज़ान्हूं टेक्कै अर तिन्नां सोभी लै किई कठा प्राथणां। 37तेखअ लाई तिन्नैं सोभी लेरा अर पल़सीए गल़ै मल़्हैची दैई लागै तिंयां तेऊ लै मल़्हैची दैंदै। 38तिन्नां हुअ खासकर ऐहा गल्लो दुख ज़ुंण तेऊ बोलअ त कि तम्हां निं मेरअ मुंह भिई भाल़णअ भेटणअ, अर तिन्नैं दैनअ सह ज़हाज़ा तैणीं संघी।
Đang chọn:
शधाणूं 20: OSJ
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
This work is licensed under Creative Commons Attribution-ShareAlike 4.0 License.
शधाणूं 20
20
मकिदुनिया, यूनान अर त्रोआस नगरी पल़सी
1ज़ांऊं इफिसुस नगरी लोगो हाल्लअ-गोल्लअ शांत हुअ, पल़सी शादै आपणैं च़ेल्लै अर तिंयां समझ़ाऊऐ इहै कि प्रभू दी डाहै भरोस्सअ। तेखअ तिन्नां का बिदा हई डेऊअ सह मकिदुनिया मुल्खा लै।
2तेऊ सारै मुल्खै हांढ दैई अर तिन्नां सोभी च़ेल्लै खास्सअ समझ़ाऊई करै आअ दखण यूनान अखाया मुल्खा लै। 3ज़ांऊं चिई भिन्नैं तिधी रही सह ज़हाज़ा दी बेशी सिरीया मुल्खा बाखा डेऊणैं आल़अ त, यहूदी रहै तेऊ लै मारना लै ताखुई, अर तैही किई तेऊ एही सलाह कि हुंह एछूं मकिदुनिया मुल्खै बाखा हांढ दैई फिरनअ बापस।
4बिरीया नगरीए पुरुस नाओंए मणछो शोहरू सोपत्रुस, थिस्सलूणी नगरीए अरिस्तखोरस अर सिकुन्दुस, दिरबे नगरी का गयुस, तिमोथी अर एशिया का तुखिकुस अर त्रोफिमस आऐ तेऊ संघै एशिया तैणीं। 5तिंयां रहै आजू डेऊई त्रोआस नगरी हाम्हां न्हैल़ै लागी। 6हाम्हैं पुजै आखरी रोटीए थैरा बाद फलिप्पी नगरी का ज़हाज़ा दी बेशी पांज़ूऐ धैल़ै तिन्नां सेटा त्रोआस अर साता धैल़ै रहै तिधी।
त्रोआस नगरी मूंअ द मणछ ज़िऊंदअ करनअ
7हबते पैहली धैल़ी ज़ांऊं हाम्हैं प्रभू भोज़ा लै कठा हुऐ, पल़सी रहअ आधी राची तैणीं तिन्नां मांझ़ै शिक्षा दैंदअ लागी, किल्हैकि तिन्नों दुजै धैल़ै आजू डेऊणेओ बच़ार। 8ज़हा आटल़ू हाम्हैं बेठै दै थिऐ, तेथ तै खास्सै लाटू लागै दै ज़ल़दै।
9यूतिकुस नाओं एक ज़ुआन त ताक्की दी बेठअ द अर तेऊ ती निंजा करै उंघी लागी दी, अर ज़ांऊं पल़सी खास्सी घल़ी गल्ला करदअ रहअ, तेऊ आअ निंजो झ़लारअ अर चिऊथी मज़ला का पल़अ सह खोल़ै लै अर सह च़कअ मूंअ द धरना का। 10पल़सी होथअ उंधै अर तेऊ लै दैनी मल़्हैची संघा बोलअ, “डरा निं आथी अह निं मूंअ, अह आसा ज़िऊंदअ।”
11तेखअ खाअ उझै डेऊई प्रभू भोज़ अर ज़ेतरी घल़ी तिन्नां संघै गल्ला करदअ त लागअ द, तेतरी गई राच भैई अर पल़सी लागअ हांढदअ। 12तिन्नैं आणअ सह शोहरू घअरा लै तेऊ शोहरू ज़िऊंदै भाल़ी फिरअ तिन्नां सोभी शाह अर तिंयां हुऐ खुश।
त्रोआस नगरी का मिलेतुस टापूए हांढ
13हाम्हैं डेऊऐ पैहलै तेऊ ज़हाज़ा दी बेशी अस्सुस नगरी लै डेऊणे बच़ारा दी आजू कि तिधा का बशैल़णअ पल़सी। किल्हैकि तेऊ बोलअ त इहअ कि तिधी तैणीं डेऊणअ तेऊ आपणीं ज़ांघा हांढी। 14ज़ांऊं पल़सी अस्सुस नगरी भेटअ, हाम्हैं बशैल़अ सह ज़हाज़ा दी संघा पुजै मितिलीन नगरी।
15तिधा का ज़हाज़ खोल्ही करै हाम्हैं दुजै धैल़ै पुजै किआस नगरी सम्हनै, अर आगलै धैल़ै पुजै सामोस नगरी अर तेखअ पुजै तिधा का दुजै धैल़ै मिलेतुस टापू।
16किल्हैकि पल़सी थिई आप्पू एही डाही दी कि तेऊ डेऊणअ इफिसुस नगरी बाती। इहअ निं हआ कि एशिया दी तेऊ बल़ैग पल़े, किल्हैकि तेऊ हआ त छ़ेक्कअ लागअ द कि हई सके, पिन्तेकुस्त धैल़ै काटणै तेऊ एरुशलेम नगरी।
इफिसुस नगरीए विश्वासी टोलीए सैणैं लै शिक्षा
17मिलेतुस टापू का शादै पल़सी इफिसुस नगरी लै समाद दैई विश्वासी टोलीए सैणैं।
18ज़ांऊं तिंयां तेऊ सेटा लै आऐ, तेऊ बोलअ तिन्नां का, “तम्हां का आसा थोघ कि ज़हा धैल़ी हुंह एशिया मुल्खै पुजअ, हुंह हर बगत तम्हां संघै किहअ रहअ। 19हुंह रहअ बडै मानदारी दी धैल़ लेरा लाई आशू बहाऊई-बहाऊई करै बी तिन्नां खरी मांझ़ै बी ज़ुंण यहूदी मणछे बूरी च़ाल्ला करै मुंह प्रैंदै आई ती, प्रभूए च़ाकरी करदअ ई लागी। 20ज़ुंण-ज़ुंण गल्ला थारी भलाईए ती, तिन्नां खोज़णैं अर लोगे सम्हनै घअरै-घअरै सखाऊंणै का निं हुंह पिछ़ू हटअ। 21पर यहूदी अर यूनानी सेटा रहअ शाजत दैंदअ लागी कि पापो प्राश्त करी फिरा परमेशरा बाखा, संघा करा म्हारै प्रभू ईशू मसीहा दी विश्वास।
22“एभै भाल़ा, हुंह च़ाल्लअ एरुशलेम नगरी लै डेऊई, किल्हैकि पबित्र आत्मां रहैऊअ मुखा साफ-साफ कि मेरअ आसा तिधा लै डेऊणअ ज़रूरी अर मुखा निं थोघै कि तिधी मुंह संघै कै हणअ? 23मुखा आसा सिधअ इहअ थोघ कि पबित्र आत्मां बोला मुल्है हर नगरी दी शाजत दैई इहअ कि ताल्है आसा दुख-सांगट शांघल़ी लोहै तैर। 24पर हुंह निं आपणैं प्राणा किछ़ै समझ़दअ कि झ़ूरी करूं, पर इहअ कि आपणीं ठुहर अर च़ाकरी पूरी करूं, ज़ुंण मुंह परमेशरे जशे खुशीए समादे शाजत दैणा लै प्रभू ईशू का आसा भेटी दी।
25“पर ऐबै भाल़ा, मुखा आसा थोघ कि तम्हां सोभी ज़हा का हुंह परमेशरे राज़ो प्रच़ार किअ, ऐबै निं तेखअ तम्हां मेरअ मुंह भिई भाल़णअ भेटणअ। 26तैही बोला हुंह आझ़ तम्हां लै इहअ, ज़ै कुंण मसीहा दी विश्वास किऐ बगैर, मुंह निं तेतो किछ़ै पाप-दोश। 27किल्हैकि मंऐं खोज़ी तम्हां का तिंयां सोभै गल्ला ज़ुंण परमेशरै आसा हाम्हां लै सोठी डाही दी।
28“इहअ करै आपणीं अर आपणैं पूरै छ़ुंडे करै हेर-सभाल़। ज़हा दी पबित्र आत्मां तम्हैं सैणैं आसा बणाऐं दै। कि तम्हैं करै परमेशरे टोलीए हेर-सभाल़, ज़ुंण तेऊ आपणैं लोहू करै मोल आसा लई दी।#भज. 74:2
29“मुखा इहअ बी आसा थोघ कि मुंह डेऊणैं बाद एछणैं तम्हां लै धेल़णै-च़िरनैं आल़ै रुहलै, तिन्नां निं अह छ़ुंड बी छ़ाडणअ। 30तम्हां ई मांझ़ा का उझ़णै कई इहै तिन्नां दैणीं उंबल़ी शिक्षा अर तम्हां ई मांझ़ा का बणाणैं तिन्नां आपणैं च़ेल्लै। 31चतैन रहै अर ऐहा गल्ला डाहै आद कि मंऐं आसा चिई साला तैणीं राची धैल़ी लेरा लाई-लाई करै एकी-एकी लै चतैनगी दैनी दी।
32“ऐबै लाऐ मंऐं तम्हैं परमेशर अर तेऊए जशे समादा का सभाल़ी ज़ुंण थारी बढोतरी सका करी, अर परमेशरे झींणा करै भेटणीं तम्हां तिंयां सोभै गल्ला ज़ेतो तेऊ आपणैं लोगा दैणीं आसा किई दी।
33“मंऐं निं कोहिए सुन्नैं-च़ंदीओ अर झिकल़ैओ मांण किअ।#1 शमू. 12:3 34तम्हां का आसा थोघ कि मेरै इनै हाथै किई मेरी अर मेरै होरी साथीए ज़रुरत पूरी। 35इहअ करै रहैऊअ मंऐं इहअ कि तम्हां केही ज़िन्दगी लागा ज़िऊंणीं। तम्हां लागा खास्सी मैन्थ करनी ताकि तम्हैं रोगी अर रैनै-गरीबे मज़त करी सके। तम्हैं डाहणीं अह गल्ला आद कि मसीहा प्रभू ईशू आसा आप्पै इहअ बोलअ द, ‘मांगणै का आसा दैणअ भलअ।’”
36इहअ बोली तेऊ ज़ान्हूं टेक्कै अर तिन्नां सोभी लै किई कठा प्राथणां। 37तेखअ लाई तिन्नैं सोभी लेरा अर पल़सीए गल़ै मल़्हैची दैई लागै तिंयां तेऊ लै मल़्हैची दैंदै। 38तिन्नां हुअ खासकर ऐहा गल्लो दुख ज़ुंण तेऊ बोलअ त कि तम्हां निं मेरअ मुंह भिई भाल़णअ भेटणअ, अर तिन्नैं दैनअ सह ज़हाज़ा तैणीं संघी।
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
This work is licensed under Creative Commons Attribution-ShareAlike 4.0 License.