Забур 145

145

Аллагьди зайифбур хуьн

1Тариф ая Реббидин!

Тарифа, зи рикӀ, Реббидин!

2Вири жуван уьмуьрда за тарифда Реббидин;

аламай кьван зал чан

манидалди тарифда за зи Аллагьдин.

3Умуд кутамир гьакимрик,

ажал галайбурук,

чпе хиласвал авачир.

4Абурун чан хкатайла,

элкъвена абурукай

накьв хъжезва,

гьа юкъуз абурун вири къастар квахьзава.

5Бахтавар я, низ Якьубан Аллагьди куьмек гузвайди,

далу акалзавайди Реббидихъ, вичин Аллагьдихъ,

6халкь авурдахъ цавни чил,

гьуьлни ана авай кьван вири,

вафа турди Реббидиз,

Вичихъ далу акализ жедай даим яз.

7Ада пад кьазва дарда тунвайбурун,

гишинбуруз тӀуьн гузва.

Къазаматда тунвайбур ахъайзава Реббиди.

8Буьркьуьбурун вилер ахъайзава Реббиди.

Реббиди агъуз аватнавайбур хкаж ийизва.

Реббидиз кӀанда гьахъ-михьибур.

9Реббиди хуьзва масанай атана ацукьнавайбур,

етимризни хендедайриз куьмек гузва,

амма атӀузва небгетрин рехъ.

10Реббиди пачагьвал ийида датӀана,

Сигьан, ви Аллагь

несилдилай несилдалди я.

Тариф ая Реббидин!

Đang chọn:

Забур 145: ЛезПК

Tô màu

Chia sẻ

Sao chép

Bạn muốn lưu những tô màu trên tất cả các thiết bị của mình? Đăng ký hoặc đăng nhập

Tìm hiểu thêm về Пак Калам