Юнус 2
2
АкьалтӀай бедбахтвиле авур дуьа
1Реббиди са зурба балугъдиз Юнус пайгъамбар туькьуьн ая лагьана. Ам пуд юкъузни пуд йифиз балугъдин руфуна амукьна. 2Ада балугъдин руфунай вичин Аллагь Реббидиз дуьаяр ийиз хьана 3ва лагьана:
«Жуван хажалатда за Аллагьдиз дад-бидадна,
Ваз минетрин ван хьана зи;
эхиратдин къеняй за цӀугъ авуна –
Вазни зи ван атана.
4Гьуьлуьн рикӀиз дериндиз вегьена На зун,
селлери зун юкьва туна, элкъуьрна,
Ви ятарин лепеяр
зи винелай физ хьана.
5За лагьана:
„Хкатнава зун Ви вилерикай“,
амма заз мад Ви пак мескен ахквада.
6Ви ятар зал алчуд хьана нефес къаз,
гургусди зун кьуна кӀевиз чуькьвена,
аруш хьана зи кьил гьуьлуьн векьера.
7ЭвичӀна зун лап дибдал кьван дагъларин,
даим яз зун туна чили дапӀарра,
амма Вуна, эй зи Аллагь, зи Ребби,
зи руьгь кьуна эхиратдай ахкъудна.
8Зи къене руьгь михьиз гьалдай фенвайла,
хтана зи рикӀел Ребби,
Вав зи дуьа агакьна,
агакьна пак мескендив.
9Тапан аллагьриз гьуьрметзавайбур
инанмиш туш рикӀ регьимлу Аллагьдихъ.
10За алхишрин ван хкажна
Ваз къурбандар ийида;
хиве кьурди кьилизни за акъудда.
Къутармишдайди тек са Ребби я!»
11Реббиди балугъдиз Юнус къецел къураматдал ахкъуда лагьана буйругъна.
Đang chọn:
Юнус 2: ЛезПК
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© Институт перевода Библии, 2010, 2018, 2023