1 Kòríntì ŋa 10
10
Kpɔ́lù wà mú kíbí ɔma-Ìsàràyɛ́lì ŋa gbé gbà ńǹwèrè-Mɔ̀ɔ́sè#ɛ́ tse ìsàwé
1Ìnàbí-mi ŋa, ǹ wà wò ní e tédzú iŋɛ́ yèé bá gbágbóǹgbàgbò-wa ŋa wáa lɔ ńǹwèrè-Mɔ̀ɔ́sè†#ɛ́. Ńǹwèrè nyɛ̀ŋɛ̀#ɛ́, irì-kã̀ náa wà ńǹtá-ŋa si, tsí irì#ɛ́ náa wà tsɛ́wé bò ŋá. Tsí kíbí à bàa#á, à gbà náàhũ lákṹ tɛ̀ŋgɛ̀lɛ̀ɛ̀ yèé à náa kpè ní Àhũ a sùsú#ɛ́,#10:1 È nákó nyáa rí afɔ̀ yèé bɛ́ ŋa ńǸwé-Fúfùɖá 13:21-22, 14:22-29 (Exode 13:21-22, 14:22-29). 2tsí kíbí àŋa kpó à tse ɔ̀kã̀ntso bá Mɔ̀ɔ́sè si#ɛ́, à gbà ńǹtá-irì#ɛ́ òŋu àhũ#ɛ́, tsí wìwɛ̀-Yèésù† ńǹrɔ́-kã̀, 3tsí dzídzɛ-ìrɔ́ ɔ̀kã̀ntso gbo ní àŋa kpó à gbà, tsí dzɛ#ɛ́. Dzídzɛ#ɛ́ ti ńɖi-Ɔ̀ɖáyé ni. 4Tsí omi ɔ̀kã̀ntso gbo ké ní à mɔ#ɛ́, tsí omi#ɛ́ gbo ti ńɖi-Ɔ̀ɖáyé ni. Iŋɛ́ yèé tse#ɛ́, omi#ɛ́ náa wà bɔ́ ti ńnɔ́-òkúta-ìrɔ́-kã̀, tsí òkúta#á gbo ti ńɖi-Ɔ̀ɖáyé ni. Tsí Ɔ̀ɖáyé tse tsí òkúta#á náa wà tɛ̀ náànyì-ŋa wérí. Òkúta#á ní dzɛ́ Kírísítò#ɛ́. 5Ó ɖi, iŋɛ́-ɔ̀nyà kpíkpɔ̀ kpíkpɔ̀ náàŋírĩ-ŋa kò dzɔdzú-Ɔ̀ɖáyé. Náàtsùgbée bɛ́ɛ̀ ní à kú tɛ́lɛ̀ bilɛbilɛ lɔ nɔ́ɔ̀ɖã̀#á.
6Ńbɛ̀ɛ́, iŋɛ́ yèé tse ŋá wáa lɔ bɛ́ɛ̀ kpó ŋa#á kɔ́ àwa gbo si ni, àtsùgbée àwa gbo, àa kó máa nɛ́ awù-íbàɖí tsítse kíbí àŋa òŋu à nɛ́ awù-íbàɖí tsítse#ɛ́. 7È máa sɛ̃ iŋɛ kíbí ɔ̀nyà kã̀ŋa náàŋírĩ-ŋa ti sɛ̃ iŋɛ wáa lɔ#ɛ́. À kɔɔ́ si ńǸwé-Ɔ̀ɖáyé† si ní: “Ɔma-Ìsàràyɛ́lì† ŋa wà nɔ́ɖɔ̃́ si bùràà, tsí wà dzɛ, tsí wà mɔ, tsí à ǹɖe, tsí dzì ńdzó.”#10:7 Ìwé-Fúfùɖá 32:6 (Exode 32:6). Nóòkpì-iŋɛ-kã̀ yèé ɔma-Ìsàràyɛ́lì ŋa mú ɔwɔ́-ara tàŋa ká-ŋa tse#ɛ́ ní à náa tse iŋɛ́ yèé ŋa kpó#ɛ́. Ó ɖi, ìtã̀ntã́-idzó#ɛ́, àlòwá tsítse ní náa dzɛ́#ɛ́. 8Àa kó máa mú ara-wa bɔ̀ náàlòwá tsítse gbo kíbí ɔ̀nyà kã̀ŋa náàŋírĩ-ŋa ti tseé wáa lɔ#ɛ́. Kíbí à tse bɛ́ɛ̀#ɛ́, ɔ̀nyà ɛgbɛ̀rú lé nɛ́gbàá nɛ́gbàá ɔ̀nà máàwɔɔ̀kã̀ (23.000) ní kú nódzúùrɔ̃̀-ɔdzɔ́ ɔ̀kã̀ntso#ɛ́.#10:8 À nákó nyáa rí afɔ̀ yèé bɛ́ ŋa ńǸwé-Ìrɛ̃̀ nɔ́ɔ̀ɖã̀ 25:1-9 (Nombres 25:1-9). 9Àa kó máa tse gbo, tsí kó dzɛ́ ní àa wà ɖã́ Kírísítò wò kíbí ɔ̀nyà kã̀ŋa náàŋírĩ-ŋa gbo ti tseé wáa lɔ#ɛ́. Kíbí àŋa gbo à tse bɛ́ɛ̀#ɛ́, edzò ŋa ní bu àŋa gbo kpa nóòkú kpó#ɛ́.#10:9 À nákó nyáa rí afɔ̀ yèé bɛ́ ŋa ńǸwé-Ìrɛ̃̀ nɔ́ɔ̀ɖã̀ 21:5-6 (Nombres 21:5-6). 10È máa wà kpɔ̀kɔ̃̀ɔ̃́rɔ̃̀ fú Ɔ̀ɖáyé gbo kíbí ɔ̀nyà kã̀ŋa náàŋírĩ-ŋa gbo ti tseé wáa lɔ#ɛ́. Kíbí àŋa gbo à tse bɛ́ɛ̀#ɛ́, Ɔ̀ɖáyé bɛ adzítsɛ́-ɔ̀rɔ̃†-kã̀, tsí ó wáa ra ŋá kpó butúbutú. 11Iŋɛ́ yèé ŋa kpó bá ɛnɛ nyɛ̀ŋɛ̀ ŋa bɛ́ɛ̀#ɛ́, à kɔɔ́ si, àtsùgbée kó kɔ́ wa si, tsí kó wà kã́rã́ wa gbo si ni. Ńǹwèrè yèé àa wà si báàyí#ɛ́, ìtã̀ntã́-ayé#ɛ́ ti tó tã́.
12Kíbí ó dzɛ́ bɛ́ɛ̀#ɛ́, ɛnɛ yèé wà rí ara‐ɛ̀ ní òŋu ɖóro gãgã si nódzú-Ɔ̀ɖáyé#ɛ́, ɛnɛ nyɛ̀ŋɛ̀ kó tsɔ́ éwo-ara‐ɛ̀, àtsùgbée kó máa wáa tsubúlɛ̀ nɔ́Ɔ̀ɖáyé sísɛ̃̀. 13Bí àɖã́wò ŋa wá ńǹtá-ŋɛ́#ɛ́, kó yé ŋɛ́ ní àɖã́wò ìmarũ yèé wà ní kó wá ńǹtá-ɔ̀nyà gé#ɛ́ ní wá ńǹtá-ŋɛ́#ɛ́. Àkaralé wà ńǹtá-Ɔ̀ɖáyé, tsí kàkó tsí ɔ̀nà, tsí àɖã́wò yèé láre àmí-ŋɛ́#ɛ́ kó wá ńǹtá-ŋɛ́. Kà kàa bɛ́ɛ̀, ńǹwèrè yèé àɖã́wò nákó wá ńǹtá-ŋɛ́#ɛ́, nákó fú ŋɛ́ náàmí, tsí è nákó nyáa le ɛ̀ɖɔ̃̀ gbèé, tsí nákó ɖíre ɔ̀nà yèé è nákó gbà, tsí bɔ́ ńnɛ̀#ɛ́ gbo fú ŋɛ́.
Kpɔ́lù wà fɔ̀ fú ŋa ní ká máa sɛ̃ iŋɛ ró
14Àrínódzú-mi ŋa, kíbí iŋɛ́ ŋa#á wà bɛ́ɛ̀#ɛ́ fee, è kpɔ ɛsɛ̀ ńŋɛ sísɛ̃̀. 15Ǹ wà wíìnyɛ̀ fú ŋɛ́ kíbí à náa wíìnyɛ̀ fú ɛnɛ yèé dziná ŋa#á ni. Ɛ̀ŋɛ ká-ŋɛ́ gìɖì è tsèsérè nára-iŋɛ́ yèé ǹ wà fɔ̀#ɛ́ káyí ní fee, ó sã̀ nàmí kò sã̀? 16Kɔ̃́ŋúkɔ̃́ŋú-kã̀ wà, tsí à náa ɖɔ́kpɛ́ fú Ɔ̀ɖáyé fúu. Kíbí àa náa mú kɔ̃́ŋúkɔ̃́ŋú#ɛ́, tsí wà ń mɔtí ńǹwèrè yèé àa náa wà dzɛ dzídzɛ-Ɔlá-wa#á, àa náa dzɔ́ gba èrè yèé wà ńnɔ́-àmbara-Kírísítò#ɛ́ ni. Tsí kíbí àa náa kpɛ̃́ kpɔ̃́nɔ́ gbo, tsí dzɛ#ɛ́, àa náa dzɔ́ gba èrè yèé wà nɛ́rã-ara-Kírísítò gbo#ɛ́ ni. 17Kpɔ̃́nɔ́ ɔ̀kã̀ntso gé ní wà#á. Tsí àwa kpó#ɛ́, àa dzɛ́ ɔ̀kã̀ntso, iŋɛ́ yèé tse#ɛ́, kpɔ̃́nɔ́ ɔ̀kã̀ntso#ɛ́ ní àa wà dzɛ#ɛ́. 18È rí ɔma-Ìsàràyɛ́lì† ŋa gbo káyí. Kíbí àŋa gbo à náa dzɛ ɛrã-ɛbɔ yèé à tse fú Ɔ̀ɖáyé#ɛ́, à náa dzɔ́ gba èrè yèé wà nɛ́bɔ yèé à tse si ńǹdzɛ̀bɔ-Ɔ̀ɖáyé#ɛ́ ni. 19Afɔ̀ yèé ǹ wà fɔ̀ bɛ́ ŋa#á, kò tsi ní ǹ wà wo n fɔ̀ ní ɛrã-ɛbɔ#ɛ́ nàmí iŋɛ dzɛ́ iŋɛ́-kã̀ gìɖì ni. 20Láyé kò tsi bɛ́ɛ̀ ni. Ó ɖi, ǹ wà wo n fɔ̀ fú ŋɛ́ ní fee, ɛbɔ yèé olíŋɛ ŋa náa tse#ɛ́, edzò† ŋa ní à náa tseé fú#ɛ́. Kò tsi Ɔ̀ɖáyé ni. Ǹ kò wà wò ní e tse ɔ̀kã̀ntso bá edzò ŋa si. 21È kàkó nyáa wà mú kɔ̃́ŋúkɔ̃́ŋú-Ɔlá-wa, tsí wà ń mɔtí tã́, tsí tɔ́ lɔ káà mú kɔ̃́ŋúkɔ̃́ŋú-edzò ŋa gbo, tsí wà ń mɔtí ró. Tsí è kàkó nyáa wà dzɛŋɛ́ ńɖi-Ɔlá-wa gbo tã́, tsí tɔ́ lɔ káà dzɛŋɛ́ ńɖi-edzò ŋa gbo ró. 22Àa wà wo ká tse tsí Ɔlɔ́dzɔ́ kó nya inɔ́ bíbí‐ɛ̀ ɖíre fú wa niì? Nàmí è ɖédzú àa le lárèé ni?
23È náa wà fɔ̀ ní: “Ɔ̀nà wà fúnɛ, tsí ká tse iŋɛ́ yèé ɖé fúnɛ#ɛ́.” Ó wà bɛ́ɛ̀. Ó ɖi, kò tsi iŋɛ́ kpó ní sã̀ ní ká tse#ɛ́. È wà fɔ̀ ní: “Ɔ̀nà wà fúnɛ, tsí ká tse iŋɛ́ yèé ɖé fúnɛ#ɛ́.” Ó ɖi, kò tsi iŋɛ́ kpó ní náa mú ɛgbɛ́-Kírísítò lɔ ńwádzú#ɛ́. 24Fee, è máa wà wo ti ara-ŋɛ́ ŋa sɔ̃́ŋú gé. È wà wo ti enìkéèdzì-ŋɛ́ ŋa gbo. 25Iŋɛ́ ɔ̀kã̀lɔ́ɔ̀kã̀ kpó yèé à wà tà nádzà#á, è rà, tsí e dzɛ náàrì bere afɔ̀-kã̀, àtsùgbée ɛ̀ɖɔ̃̀-ŋɛ́ kó dzokó si. 26Iŋɛ́ yèé tse#ɛ́, à kɔ si ńǸwé-Ɔ̀ɖáyé si ní: “Ti Ɔlɔ́dzɔ́ ní dzɛ́ ilɛ̀#ɛ́ kpó òŋu iŋɛ́ ɔ̀kã̀lɔ́ɔ̀kã̀ kpó yèé wà ńǹtá‐ɛ̀#ɛ́.”#10:26 Ìwé-Orĩ ŋa 24:1 (Psaumes 24:1)
27Ká fɔ̀ ní ɔ̀nyà-kã̀ kò gba Yèésù Kírísítò gbɔ́, tsí ɛnɛ nyɛ̀ŋɛ̀ kpèɛ́ ní ìwɔ kó wáa dzɛŋɛ́ ńɖɔ̀-òŋu. Tsí ò dzɛ́ fúu ní òŋu nákó wá. Bí ò lɔ#ɛ́, dzídzɛ ɔ̀kã̀lɔ́ɔ̀kã̀ kpó yèé à nákó fɛ́ɛ#ɛ́, nà dzɛɛ́ náàrì bere afɔ̀-kã̀, àtsùgbée ɛ̀ɖɔ̃̀-ɛ̀ɛ kó dzokó si. 28Ó ɖi, bí ɔ̀nyà-kã̀ fɔ̀ fɛ́ɛ ní ɛrã#á, ni ɛrã-ɛbɔ ní ó dzɛ́#ɛ́, máa dzɛɛ́, àtsùgbée ɛnɛ yèé fɔ̀ bɛ́ɛ̀#ɛ́ òŋu ìsérè-iŋɛ́ yèé sã̀ ní ká tse#ɛ́. 29Tsí afɔ̀-ìsérè-iŋɛ́ yèé sã̀ ní ká tse#ɛ́, kò tsi ìsérè tiŋɛ́ ní ǹ wà fɔ̀#ɛ́. Ó ɖi, ìsérè ti ɛnɛ yèé fɔ̀ fú ŋɛ́ bɛ́ɛ̀#ɛ́ ní ǹ wà fɔ̀#ɛ́.
Èmi ǹ wà nɔ́wɔ́-ara-mi si. Kò dzɔdzú-mi ní ɔ̀nyà-kã̀ kó kɛ́ ìsérè tɛ̀ɛ̀ yèé gbà níìkã̀#á, tsí wáa ń kpɛdzɔ́ bá mi. 30Bí ó dzɛ́ ní mà ɖɔ́kpɛ́ fú Ɔ̀ɖáyé fú dzídzɛ yèé mà dzɛ#ɛ́ fee, kí tse tsí à nákó wà kpe ɛ́kɔ-mi ti nára-dzídzɛ yèé mà ɖɔ́kpɛ́ fú Ɔ̀ɖáyé fú#ɛ́ ni? 31Ńbɛ̀ɛ́, bí è wà dzɛ gbo, bí è wà mɔ gbo nàmí iŋɛ́ ɔ̀kã̀lɔ́ɔ̀kã̀ kpó yèé è nákó wà tse gé#ɛ́, kó wà mú nyínyɛ̀ fú Ɔ̀ɖáyé. 32È máa tse tsí ìgbèngbé-ŋɛ́ kó wáa ɖi òkúta-àkɔ̀sɛ̀ fú ɔma-Ìyúɖà† ŋa òŋu ɛnɛ yèé kò dzɛ́ ɔma-Ìyúɖà ŋa#á má nára-ɛgbɛ́-Ɔ̀ɖáyé#ɛ́ gbo. 33È gbé kíbí èmi gbo mà gbé gbà#á. Mà múgírí si ní n wà tse iŋɛ́ yèé sã̀#á fú ɔ̀nyà kpó ńŋɛ́ ɔ̀kã̀lɔ́ɔ̀kã̀. Ǹ kà wo ire ti ara-mi gé. Ó ɖi, mà wo ire ti ɔ̀nyà ɛ̀gbɛ̀lɛ́ɛ̀gbɛ̀, àtsùgbée Ɔ̀ɖáyé kó gbà ŋá là ni.
Đang chọn:
1 Kòríntì ŋa 10: ngl
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© (Active), Wycliffe Bible Translators, Inc. All rights reserved.