Những câu Kinh Thánh phổ biến từ FILIPI 2

Chia sẻ

Ma pungpah chahnah le a chahnai lypaw a pachaw du takhei zehming hmai tua khe lo, canghrasala a pany la, ming hringpaw khah naaning navy tah mehchaw vy a cang he tatah rawh my lo. Naaning pakheh cy tah naaning naa dunah longtei khah pacang lytah ming hringpaw dunah khah hmuh pah thai my lo.

Naa lungpho cawh Khri Zisu lungpho khakhei a lo my seh lo.

Ama cawh Khazing cangnah hmuisui a hnui thlang naná teitah Khazing khatei a khingpaw tei cangnah khah tlechai be. Canghrasala, Ama le Ama khah cangnah zehmai a hnui lypaw hratah a tua ka, mehnung tah a tua ka, sae cangnah phung khah a lah. Taico, cawngsaw hratah cinglai ka, Ama le Ama a pany ka, thihnah tai Khazing naw nge ka, ningzaw a chuipaw khraws cung letah thihnah taikhah naw a nge.

Zecawtamaw tatah Ama a tingainah a chahpaw naning teikhei naaning zong tah khuarawh pawtah le raihre pawtah naa chung letei rai a hrepaw cawh Khazing khah a cang.

Macawtaco Khazing tah Ama cawh a sang caipaw rungnawnah hming lekhei caling ka, ming vytei letah cungnungcai ming khah a peh. Ma ming Zisu khah rungnawnah pé pawtah vaicung letei a ungpaw le, aluicung letei a ungpaw le, alui rai letei a ungpaw ming vytei tah aa khuh panai he ka, ming maikaw takhei Paw Khazing rungnawnah cawtah, “Zisu Khri cawh Abuipaw a cang,” tatah aa phychua a.

Zezongpui khah phingze lytah le a eicho lytah tua my lo. Ma pawsui co, avai letei esi hratah naa khainahpaw hming, ma hrahrynah le chahlynah khatah a chihpaw atochai lehei suise a kawh lypaw le a pathaipaw Khazing sawtei leh tah naa cang a.

Macawtaco, ka dopaw vesaw sahlo, naaning khatah ka ung ning tah ka rei naa pange teipaw hrakhei, ato ka ung ly kaa tahei zong pange vy chichi la, pachah naa cangnah a tling nápaw cawtah ci hmo le a cathing hmotah thaw tah hre my lo.