Những câu Kinh Thánh phổ biến từ Isaías 6

Chia sẻ

Tsonsi gi paña Na'su Chiga aya'fa qquen su'choma: “¿Majama gi moeña? ¿Majan tsu ingine afa'suve dapa jaya?” Pañamba gi su: “Ña gi can'jen. Ñama moejan.”

Chhaje'jepa tsu tisupapora qquen su'fa: “¡Ñotssia, ñotssia, ñotssia tsu Na'su Osha'choma Oshacho'cho Chigaja! Nane pa'cco ande tsu tise ñotssiai'ccu on'ba.”

Attepa gi asi'ttaen: “¡Va'cha gi! ¡Paye tson'jen! Nane tisu tso'fei'ccu gi Na'su, Osha'choma Oshacho'cho Chigama atte. Ña injama'cho egasi ña aya'fa'qque ega. Toya'caen ña can'jen'tti'su aindeccu injama'cho egasi tise'pa aya'fa'qque ega'fa.”

Na'su Uzías pasi tsa canqque'fa gi Na'su Chiga can'jen'choma atte. Tise sefa'tssia dyaipa'chonga dyaisi tise ondiccu'je'cho ñotssia Chiga ettinga on'ba.

ña aya'fama tsai'ccu pporaemba su: “Que canjan. Va si'nge setsa'je'cho te'choi'ccu que aya'fama pporaensi tsu que egae tsincon'choja joqquitssi. Nane Chiga tsu que egae tsincon'choma aqque'pa.”

Tisema ombanimajan si'ngiaca'on cansepa jinchondeccu sheque'fa. Poi cansepa jincho tsu seis sanccopave an'bian'fa. Nane poiyi'cco dos sanccopai'ccu tise camba'juma piccopa, dosi'ccu tise tsu'ttema piccopa faesu dosi'ccu chhaje'je'fa.

Tse'faei'ccuyi fa'e si'ngiaca'on cansepa jinchoja si'nge setsa'je'cho te'choma oque'je'cho'suma indian'choi'ccu isupa ñani chhaje jipa

Tsa'caen susi tiseja su: “Japa va aindeccunga qquen suja: ‘Ñoa'me tsonsinai'ccu paña'ma qui in'jan'faya'bi. Ñoa'me tso'fei'ccu atte'ma qui in'jan'faya'bi.’

Nane va aindeccuma tsonjan cuintsu injama'cho shacasi tombu'faye injama'choi'ccu ñame in'jamba ccushaengesa'ne. Nane tise'pa tsonsinama'qque piccoja paña'fasa'ne. Tso'fema'qque tsapija atte'fasa'ne.”