Những câu Kinh Thánh phổ biến từ Cybinchben 1

Chia sẻ

Pero oc tul Xewbaj Xjan cyuc'ile, oc cyc'ma'ye cyipumale, ex che oquele testiw wi'je tuj tnam Jerusalén, tuj tcyakil tx'otx' Judey, tuj tx'otx' Samaria, ex tuj tcyakil twitz tx'otx', chi Jesús cye.

Xi ttzak'we'n Jesús: —Minti' cyoclene ti'j tu'n cybinteye jtoj tu'n tbant jlu ex alcye k'ij; ate Nmane tajaw ex ximamajtl tu'n alcye k'ij tu'n tbinchante.

Atxtok Jesús junx cyuc'il apostl xi tma'n cye tu'n mi'n cyex tuj Jerusalén. —Ax che ayone ti'j ju tziyimaj cyeye tu'n Nmane, aju ma cybiye weye. Porque ax toc ate Juan o che byan xjal tu'n tuj a'; atzun cyeye ch'ix tul canun k'ij tu'n cybyane tu'n Xewbaj Xjan, chi Jesús xi tma'n cye.

Ex tcyimlenxi Jesús, cub tyec'un tib cywitz itz' te; ax toc jlu, porque o cyil apostl, nimcu maj cub tyec'un tib Jesús cywitz tuj 40 k'ij, ex in yolintok cyuc'il ti'j tcawbil Dios.

Tej tbaj tma'n Jesús jlu, matok in che que'yin apostl ti'j, jaw k'i'n Jesús cywitz, aj k'i'n tuj muj ex minti'tl o cyil.

In che que'yintok twitz cya'j cyja'tok tjax lak'e' Jesús, o cyil cub cyyec'un cyib cabe xinak e cub we' cytxlaj, toc cyxbalun sak que'yin. Cymatzun ke xinak cye: —Akeye xinak aj Galiley, ¿tiku'n in xi cyque'yine twitz cya'j? Axte Jesús aju xjaw k'i'n cywitze tu'n t-xi' tuj cya'j, icxtzun tzul ic tza'n xcyile xi' tuj cya'j.