1
Mateus 5:15-16
The Bible in Sonsorolese
SOV
E tawol yalematara ebwe happuro lam eda itenango fari tapiye; bwa ebwe hädi eda itetahe uwawori räniyeri lam bwa labwe wele urutael marahara la mire niimwe. Ebwe weya sahü faülüri mena na welemi ra ebwe ttire imowael yalemat, bwa labwe käkäneni maho hara hau faülüüni lada hapingepinga Papami ra e mire weirengi.
So sánh
Khám phá Mateus 5:15-16
2
Mateus 5:14
“Hau weya weledahi ifiri uruteri weidarop. E tawau süya bwa ebwe rulu wotawotara labwe faaülü wawo duhu.
Khám phá Mateus 5:14
3
Mateus 5:8
La hafaiyemau marahara e faheya tipael, bwa iile ra labwe käkäne Dios.
Khám phá Mateus 5:8
4
Mateus 5:6
La hafaiyemau marahara e taitei dewa ma faringörüngörüül bwa labwe faaülü na Dios e masariya, bwa Dios erau hariil uruteri na la masariye.
Khám phá Mateus 5:6
5
Mateus 5:44
Nga ngaangu ibwe hauhemi bwa haubwe hamamaüül lei ranaromi nga hau sipesipe hataingehiil marahara la hairamahami
Khám phá Mateus 5:44
6
Mateus 5:3
“La hafaiyemaü marahara la halofalofa tipael, bwa farüyael Farüyeri Weirengi!
Khám phá Mateus 5:3
7
Mateus 5:9
La hafaiyemau marahara la faülü marüyörüya, bwa Dios ebwe fadöngüngeriil bwa iile wonour.
Khám phá Mateus 5:9
8
Mateus 5:4
La hafaiyemau marahara la hasaüborü, bwa Dios ebwe hariil mahori faringörüngörüül!
Khám phá Mateus 5:4
9
Mateus 5:10
La hafaiyemau marahara la iram bwa la faaülü na Dios e masariye, bwa farüyael Farüyeri Weirengi.
Khám phá Mateus 5:10
10
Mateus 5:7
La hafaiyemau marahara la mäni fahöü, bwa Dios ebwe hariil mäni fahöü.
Khám phá Mateus 5:7
11
Mateus 5:11-12
“Hau hafaiyemau ifiri na yalemat labwe hamamari hemi nga la rihemi nga la faülüüni yael doutongi titiromi bwanasahü na hami lei tabwei. Ebwe maho faringörüngörümi nga hau hapingeping, bwa tarapari hafaiyemau ra e mire bwa hataingehimi ma weirengi. Iyer na e faülü yael hairamael profeta hawe imowami.
Khám phá Mateus 5:11-12
12
Mateus 5:5
La hafaiyemau marahara e tahitaro tipael, bwa labwe taliyael farüyeri yalemat!
Khám phá Mateus 5:5
13
Mateus 5:13
“Hau weya soolo iyoloil urutael sawori weidarop. Nga sahü nga eda tawolaraho na tatiri soolo, ira nga e tawol yarar na dibwe faaülü bwa ebwe para tati. Nga erau tawol nifaar lada peitawau ihitam, yalemat lada dulu.
Khám phá Mateus 5:13
14
Mateus 5:48
Hapaüpöüri na haubwe urut dewa ifiri maho eda weya Papami ra e mire weirengi ra e urut dewa ifiri maho.
Khám phá Mateus 5:48
15
Mateus 5:37
Haubwe dölü söhü bwa ‘Üngö’ hale ‘Naweri’. Dew titiro ma idelaye mere ra e bwitoho ma ifiri diabolo.
Khám phá Mateus 5:37
16
Mateus 5:38-39
“Hau da mori longolongo bwa la dölü bwa, ‘Maat parüyen maat, nga ngii parüyen ngii.’ Nga ngaangu ibwe hauhemi bwa ho tawai fahipeiye. Nga sahü nga yalemat e pilihi hurumalari tapamu, hobwe hariya bwa ebwe para pilihi layera hurusehiri.
Khám phá Mateus 5:38-39
17
Mateus 5:29-30
Nga sahü nga hurumalari matamu na e faaülüho bwa hobwe raho ifiri tammaü, ho watihawau hoda peitaraho! E fäli maho ra ebwe taimire dew pitehiri wori yaloyalomu ma ifiri ra uruteri na podumu ebwe püngütiwo farüyeriyefi. Nga sahü nga hurumalari paumu re e faaülüho bwa hobwe tammaü, ho hädi hoda dopiya hoda peitaraho! E fäli maho ra ebwe taimire palüül pitehitehiri wori yaloyalomu ma ifiri ra uruteri na podumu ebwe bwitiwo farüyeriyefi.
Khám phá Mateus 5:29-30