Những câu Kinh Thánh phổ biến từ اِنجیلِ لوقا 6

Chia sẻ

هَدین تا شِمِره هَدَه هَبو؛ ایتا کیله پُر هَکُردهِ و فِشار هَدَه و تِکان هَدَه و سَرمَشت هَبا شِیمی دامَنه میَن بَریخته بونه! چون هر کیلِه یِه هَمرَه هَدین، همون کیله یِه هَمرَه شِمِره هَدَه بونه.»

خجیرِ مَردای خودشه خُجیر دِلِ اَمبار جی، خوبی به بار هارنه و بَد مَردای خودشه بَدِ دِلِ اَمبارِ جی، بَدی به بار هارنه. چون زِبان اونچه جی که دِله میَن سرمَشتِ، گَب زَنه.

وَلی شُما شیمی دُشمَنانِ مُحَبَت هَکُنید و اوشانه خوبی هَکُنید و بِدون اینکه پس هَگیتَن فِکر دَبین اوشانه قَرض هَدین، چون شِیمی پاداش گَتِئه و خُدای مُتعالِ ریکا بونید، چون او ناشُکران و بَدکارانه هَمرَه مِهربانه.

پس رَحیم هَبین، هَمونجور که شیمی آسِمانی پیَر رَحیمه.

داوَری نَکُنین تا شِمِرِه داوَری نَبو. مَحکوم نَکُنین تا مَحکوم نَبین. بِبَخشین تا بَخشیدِه هَبین.

«وَلی اِی شُما که می گَبِ اِشنَوِنید، شِمِره گونَم شیمی دُشمَنانِ مُحَبَت هَکُنید و اوشانیکه شِیمی جی بیزارن رِه خوبی هَکُنید. هَر کی شیمی هَمرَه گوفتارو کانه اوشانه وَسین دُعای بَرکت هَکُنید، وَ هَر کی شِمِره آزار دَنه اونه وَسین دُعای خِیر هَکُنید.

مَردُمانِ هَمرَه هَمونجور رَفتار هَکُنید که اِنتِظار دَرید شِیمی هَمرَه رَفتار هَکُنَن.

هرکَسی تی جوُلِ اینوَرِه چَک بَزَه، تی جوُلِ اونوَرم وَگِردان تا بَزِنِه. اَگه کَسی تی قوا ره تی جی خَسِّه هَگیره، بَنی تی پیرَن رِه هَم بَبِره. اَگه کَسی چیزی تی جی خَسِّه اونه هَدِه، وَ اَگه تی اَموالِ بِزور بِیته، نَخواه تِرِه پَس هَدِه.

«هیچ وَخت خُجیر دار، بَدِ میوِه بِه بار نیارنِه، وَ هیچ وَخت بَدِ دار خُجیرِ میوِه نَدِنه.

هر داری رِه اونه میوِه یه جی شَئنِه بِشناختِن. نَشَئنِه خاربُنِ جی اَنجیل بَچیَن ولَمبَس جی اَنگور!