Những câu Kinh Thánh phổ biến từ اِنجیلِ لوقا 11

Chia sẻ

پس اگه شُما که آنقَدَر بَد ذاتید دانید که بایسّی شیمی وَچِه هان رِه خُجیرِ چیزانِ هَدین، چقدر بیشتر شِیمی آسِمانی پیَر روح القُدُسِ به هر کی که اونه جی بِخواد، بَخشِنِه.»

«پَس شِمِره گونَم، بِخواین که شِمِره هَدَه بونه؛ بَگِردین که پیدا کانین؛ دَر بَزِنین که دَر شِمِرِه واز بونه.

چون هر کی بِخواد، بِدَس هارنه؛ وَ هر کی بَگِردِه، پیدا کانه، وَ هر کی دَر بَزِنِه، دَر اونه رَه واز بونه.

عیسی اوشانه باگوته: «هر وَخت دُعا کانید، باگویید: «”اِی پیَر، تی اسم مُقَدَّس هَبو، تی پادشاهی بییِه.

اَمیِ گُناهانِ بِبَخش، چون اَما هَم تمام اوشانیکه اَمَرِه مَدیونَن رِه بَخشِنیم. اَمَرِه آزمونِ دِلِه نیار.“‌»

اَمیِ هَر روزه نان رِه هر روز اَمَرِه هَدِه.

تی چِشم، تی تنِ لمپایه. اَگه تی چِشم سالِم هَبو، تمام تی وجود روشن بونه. وَلی اَگه تی چِشم فاسِد هَبو، تمام تی وجودِ ظُلَمات گیرنِه.

«هیچکس لَمپا رِه روشن نُکانه تا اونه جا هَدِه یا اونه کاسِه جیر بَنه، بلکه لمپا رِه پایِه یه سَر نَنِه تا هر کی دِلِه بیه روشِنایی رِه بِینِه.