Những câu Kinh Thánh phổ biến từ Romans 16

Chia sẻ

ငြိမ်သက်ခြင်း၏အရှင် ဘုရားရှင်သည် စာတန်အား သင်တို့၏ ခြေထောက်အောက်တွင် မကြာမီ ချေမှုန်းတော်မူလိမ့်မည်။ ကျွန်ုပ်တို့၏အရှင် ယေရှု၏ကျေးဇူးတော်ကို သင်တို့ခံစားကြရပါစေ။

ညီအစ်ကိုတို့ သင်တို့ခံယူရရှိသည့် ဩဝါဒများကို ဆန့်ကျင်လျက် လူတို့အား စိတ်ဝမ်းကွဲစေခြင်း၊ လူတို့၏ ယုံကြည်ခြင်းကို မှောက်မှားလမ်းလွဲစေခြင်းကို ပြုသောသူတို့အား သတိပြုကြလော့။ ထိုသူတို့ကို ရှောင်ရှားကြပါလော့။

သူတို့သည် ငါတို့၏အရှင် ခရစ်တော်၏အမှုတော်ကို ထမ်းဆောင်သူများ မဟုတ်ကြပေ။ မိမိတို့၏အမှုကိုသာ စိတ်ဝင်စားသူများ ဖြစ်ကြ၏။ သူတို့သည် နူးညံ့ချိုသာသော စကားများ၊ မြှောက်ပင့်ပြောဆိုသော စကားများဖြင့် ရိုးသားသူတို့၏စိတ်ကို လှည့်စားတတ်ကြသည်။

ဘုရားရှင်၏ ဘုန်းအသရေတော်အား ကျွန်ုပ်တို့ ချီးမွမ်းဂုဏ်ပြုကြပါစို့။ ယေရှုခရစ်တော်အကြောင်း ကျွန်ုပ်ဟောပြောသော သတင်းကောင်းအရသော်လည်းကောင်း၊ ရှေးကာလအဆက်ဆက်၌ ကွယ်ဝှက်နေခဲ့သော သစ္စာတရား၏ ပေါ်လွင်ထင်ရှားချက်အရသော်လည်းကောင်း၊ ကိုယ်တော်သည် သင်တို့၏ ယုံကြည်ခြင်းကို ခိုင်မြဲစေတော်မူနိုင်၏။ သို့ရာတွင် ယခုအခါ၌ ထိုလျှို့ဝှက်သည့် သစ္စာတရားသည် အရိယာသူတော်စင်များ၏ ကျမ်းများအားဖြင့် ပေါ်လွင်ထင်ရှားလာလေပြီဖြစ်၏။ လူမျိုးအပေါင်းတို့သည် ဘုရားရှင်အား ယုံကြည်ကာ ကိုယ်တော်၏ စကားတော်ကို နာခံလာကြစေရန် နိစ္စထာဝရ အသက်ရှင်တော်မူသောဘုရား၏ အမိန့်တော်အရ ထိုသစ္စာတရားကို ကြေညာလေပြီဖြစ်၏။ တစ်ဆူတည်းသာလျှင် ဉာဏ်တော်အနန္တနှင့် ပြည့်စုံတော်မူသော ဘုရားရှင်သည် ယေရှုခရစ်တော်အားဖြင့် ထာဝစဉ် ဘုန်းအသရေ ထွန်းတောက်တော်မူပါစေ။ အာမင်။