Những câu Kinh Thánh phổ biến từ Luke 20

Chia sẻ

ခွို့နွို့နောင်းလဲဉ်း “ရောမကရက်ဓာတ်ပုံနမာတ် ရောမဧကရာဇ်ဆီဇာ့နွို့နား အမ်နာ့ ဘာ့သက်ဆိုင်မဲ့ ဇာ့နွို့ဘို့ဘက်နားလဲဉ်း တာဖြားနွို့ အာကြဘို့” နွို့နု့ ဟောဖြိုမနနဲ့။

ကိုယ်တော်ယေရှုနား ခွို့နွို့နု့ ရေစ်စန်းတွို့ထာ မေရှိယန ဘာ့ပတ်သက်တွို့ထာ ပရောဖက်ဟေရှာယကျမ်းနွို့ ဘာ့တဲင်းပွို့မဲ့နွို့နား “‘လို့ဘာ့ဆုပ်ညာ့နွို့နောင်း ဘာ့တောဝ်းပွို့ သန်းမှုနွို့နား ဆောင့်လက်ခံယော့ ဖြားနောင်း သန်းမှနွို့နု့ ညာ့အရေးဘာ့ကုန်းထက်ဘေ့ သန်းမှု’ နွို့ ကလုဲင်အောင်ဘာ့ယို့တော်မူဟောက်နွို့ပဒေနား ဆိုလိုတတ်ထာနွို့နား ပွို့ငန်းကြကောပွို့ဟား။

“ဆာယာပါလိတ်ကျမ်းနွို့ နာ့ခွို့ဘာ့မန်းနွို့ လာယို့ကောအောင် ဗို့ကြဘို့သတိ။ ခွို့နွို့နောင်း တန်ဖိုးဘာ့ကုန်းမဲ့ ခရိုန်အလိုင်လန်းတွိုန်း နွို့ ဗာ့တွို့ထာ ဘာ့ရက်လက်လေကြယော့ဘို့ တဆေနွို့လဲဉ်း လို့ဘာ့လေးစားဆက်ဆံနွို့နား ခှိက်ကြဘို့နွို့နဲ့။ တာ့ဓမ္မာရုံနွို့လဲဉ်း လွက်ငွမ်းဘာ့ကြထက်မေ့ဘေ့နွို့ အွေကြဘို့ထာ ပွီးအစွေအငွမ်းနွို့လဲဉ်း တာ့ခုံဘာ့ကလို့လ်ထက်ဘေ့နွို့နား ဘာ့ထို့ကြဘို့နွို့နဲ့။ ခွို့နွို့နောင်း တာ့မုဲင်ဆို့မနွို့ ပစ္စည်းဥစ္စာဘို့ဘက်နွို့ ထန်းအွေတွို့ထာ လို့အများနွို့မှ ဖြောင့်မက်ဟောက်နွို့ ထုန်ကြဘို့အောင် ဘာ့ဆုတောင်းကြဘို့ အ့်လိုင်လန်းတုန်နွို့နဲ့။ နွို့ခေါင်း ခွို့နွို့နောင်း ဘာ့ကုန်းလွန်းမဲ့ ပြစ်ဒဏ်နွို့ ဗင်ခံလောက်ဟောက်” နွို့ဟောဖြိုမနနဲ့။