Những câu Kinh Thánh phổ biến từ Рим 6

Chia sẻ

Вет языкын акше – колымаш‚ а Юмын поро пӧлекше – Господьна Иисус Христос пелен налме курымашлык илыш.

Язык тендан озада ынже лий‚ вет те закон кид йымалне огыл‚ а Юмын порылыкшо йымалне улыда.

Тыгеракын, ме Тудын колымашыж деке ушнаш тынеш пурымо дене Христос дене пырля тоялтынна: кузе Христос колымаш гыч Ачан чапше дене ылыж кынелын‚ тугак меат уэмдыме илыш дене илышаш улына.

Шкендан кап ужашда-влакым осалын паша ӱзгарже семын языклан ида пу‚ а, колымаш гыч илышыш кусненда гын, шкендам Юмылан пуыза, кап ужашда-влакым чын ыштымашын паша ӱзгарышт семын Юмылан пуыза.

Ме палена: языкан капым укешке лукташ да мыланна тылеч вара языкын кулжо лияш огыл манын‚ «тошто айдемынам» Христос дене пырля ыресеш пудалыме.

Тыгак теат шкендам языклан колышылан‚ а, мемнан Господьна Иисус Христос дене ушнен, Юмылан илышылан шотлыза.

Мом каласена? Юмын порылыкшо кугемже манын‚ мыланна языкеш кодман мо? Уке. Ме, языклан колышо-влак, кузе эше языкыште илен кертына?

Огыда пале мо: кӧлан те шкендам кул семын колышташ пуэда‚ тудынак кулжо улыда? Те але языкым колыштыда‚ тидыже колымашке наҥгая‚ але Юмым колыштыда‚ тидыже чыныш лекмашке наҥгая.

Те ондак языкын кулжо лийында, но, Юмылан тау‚ тендам могай туныктымашым колышташ пуымо, тугайым уло шӱм дене кызыт колышташ тӱҥалында. Язык дечын эрыкыш лукталтмеке‚ те чын ыштымын тарзыже лийында.