Những câu Kinh Thánh phổ biến từ Лк 23

Chia sẻ

Иисус ойлен: «Ачай, титакыштым кудалте, нуно мом ыштат, огыт умыло». Шывагам кучен, Тудын вургемжым шеледеныт.

Иисус тудлан вашештен: «Тыланет чынак ойлем: тачак Мый денем пырля райыште лият».

Вара Иисуслан каласен: «Господь, шке Кугыжанышкет мийымекет, мыйым шарналте!»

Иисус уло йӱкын кычкыралын: «Ачай, Тыйын кидышкет чонем пуэм!» Тидым ойлымеке, чонжо лектын.

А кунам Саҥга манме верыш толыныт, тушто Иисусым да осалым ыштыше-влакым ыресеш пудаленыт – иктыжым пурла могыреш, весыжым шола могыреш.

Кудымшо шагат наре лийын. Кече пычкемышалтын, пӱтынь мланде ӱмбалне индешымше шагат марте пычкемыш лийын. Храмысе пӱрдыш тунам покшеч кушкедлен.

Шӱдывуй, мо лиймым ужмеке, Юмым чапландарен да ойлен: «Тиде Айдеме чынжымак чын ыштыше улмаш».