Những câu Kinh Thánh phổ biến từ रोमानियनमन 10

Chia sẻ

अगर तोंय अपन मुँह से यीशु के प्रभु जाइन के आदमीमन केर भीरे कबूल करबे आउर अपन मन में बिसवास करबे कि परमेश्‍वर उके मोरलमन में से जियालक, तो तोके परमेश्‍वर पक्का छुटकारा देवी।

काले कि धरमी बनेक लगिन मन से बिसवास करल जायला, आउर छुटकारा पावेक लगिन मुँह से कबुलल जायला।

बिसवास तब आवेला जब तोहरे संदेश के सुनाला, आउर संदेश मसीह केर बचन हेके।

काले कि पवितर किताब में इ लिखल अहे, “जे केऊ प्रभु केर उपरे बिसवास करी आउर उकर नाँव लेवी, उ छुटकारा पावी आउर उके कहियो लाजिम होवेक नी पड़ी।” यहूदीमन आउर यूनानीमन में कोनों फरक नखे, इ लगिन कि उ सोउब केर प्रभु हेके आउर जेमन उकर से मदइत माँगैना उ सोउबमन के बचायला।

आउर इकर से पहिले कि केऊ प्रभु केर बारे में केखो बताई, उके भेजल जाएक जरुरी अहे। एहे लगिन पवितर किताब में लिखल अहे, “उमन केर गोड़ कतइ सुंदर अहे जेमन शुभ समाचार सुनायना!”

मगर इकर से पहिले कि आदमीमन उकर से मदइत माँगबैं, उमन के प्रभु उपरे बिसवास करेक होवी, आउर इकर से पहिले कि उमन प्रभु उपरे बिसवास करबैं, उमन के प्रभु केर बारे में सुनेक होवी, आउर आदमीमन प्रभु केर बारे में सुनबैं, इकर लगिन केखो प्रभु केर बारे में उकर उपरे बिसवास करेक लगिन बताएक होवी।

काले कि यीशु मसीह पहिलेहें मूसा केर नियम केर मकसद के जे लगिन उ देवल जाय हे, पूरा काइर देलक, से लगिन उ सोउब आदमीमन जेमन यीशु मसीह उपरे बिसवास करैना, परमेश्‍वर उमन के धरमी बनायला।